МІНСК, 15 мая - Sputnik. Выканаўчы камітэт НАК Беларусі зацвердзіў колькасны склад беларускай зборнай на II Еўрапейскіх гульнях, паведамілі ў прэс-службе НАК.
У аўторак у штаб-кватэры НАК у Мінску адбылося пасяджэнне Выканкама арганізацыі, дзе абмяркоўваўся склад беларускай каманды на Еўрапейскія гульні-2019.
"Плануецца, што ў мультыспартыўным форуме, які пройдзе ў беларускай сталіцы з 21 па 30 чэрвеня, у 15 відах спорту прымуць удзел 227 спартсменаў", - распавялі ў НАК.
Склад зборнай Беларусі па відах спорту выглядае наступным чынам:
- Акрабатыка: 1 мужчына, 4 жанчыны
- Аэробіка: 3 мужчыны, 4 жанчыны
- Бадмінтон: 1 мужчына, 3 жанчыны
- Баскетбол 3х3: 4 мужчыны, 4 жанчыны
- Бокс: 10 мужчын, 5 жанчын
- Барацьба: вольная (6 мужчын, 6 жанчын), грэка-рымская (6 мужчын)
- Веласпорт: шашы (5 мужчын, 5 жанчын), трэк (10 мужчын, 8 жанчын)
- Веславанне на байдарках і каноэ: 12 мужчын, 10 жанчын
- Гімнастыка спартыўная: 3 мужчыны, 2 жанчыны
- Гімнастыка мастацкая: 6 жанчын
- Дзюдо: 9 мужчын, 7 жанчын
- Каратэ: 6 мужчын, 6 жанчын
- Лёгкая атлетыка: 10 мужчын, 11 жанчын
- Пляжны футбол: 12 мужчын
- Скачкі на батуце: 2 мужчыны, 2 жанчыны
- Самба: 9 мужчын, 9 жанчын
- Стральба кулявая: 5 мужчын, 3 жанчыны
- Стральба стэндавая: 2 мужчыны
- Стральба з лука: 4 мужчыны, 4 жанчыны
- Тэніс настольны: 4 мужчыны, 4 жанчыны
"Адбор на Еўрапейскія гульні ажыццяўляўся па ўсталяваных еўрапейскімі федэрацыямі па відах спорту крытэрам", - адзначылі ў НАК.
Суразмоўцы агенцтва патлумачылі, што імёны атлетаў, якія прадставяць Беларусь на Еўрапейскіх гульнях-2019, будуць вядомыя пазней, пасля таго, як спартсмены пройдуць неабходны адбор.
