МІНСК, 15 мая - Sputnik. Біятланіст юнацкай зборнай Беларусі Ягор Малафееўскі дыскваліфікаваны на два гады за допінг, паведамілі ў Нацыянальным антыдопінгавым агенцтве (НАДА).
У пробе 19-гадовага спартсмена быў знойдзены мельдоній. Пачатак дыскваліфікацыі - 8 лютага 2019 года. Вярнуцца ў спорт Малафееўскі зможа толькі праз два гады 7 лютага 2021-га.
Акрамя таго, усе вынікі біятланіста з 4 студзеня ануляваныя.
У складзе беларускай зборнай Малафееўскі выступаў на Еўрапейскім юнацкім алімпійскім фестывалі-2019 у Сараеве.
Нагадаем, WADA ўключыла мельдоній у "чорны спіс" з 1 студзеня 2016-га. Аднак многія спецыялісты па-ранейшаму не лічаць рэчыва допінгам.
