Агонь Еўрапейскіх гульняў пабываў на малой радзіме прэзідэнта

© Sputnik / Мария ЗуеваАгонь II Еўрапейскіх гульняў даставілі ў Александрыю
Агонь II Еўрапейскіх гульняў даставілі ў Александрыю - Sputnik Беларусь
Падпісацца
На Трафімаву крыніцу факел з агнём прынесла прэс-сакратар прэзідэнта Наталля Эйсмант.

Увечары ў пятніцу "Полымя міру" патрапіла на малую радзіму прэзідэнта Беларусі Аляксандра Лукашэнкі, у аграгарадок Александрыя. Каля 17:00 у якасці факеланосцаў выступіла прэс-сакратар кіраўніка дзяржавы Наталля Эйсмант. Яна прынесла агонь на Трафімаву крыніцу.

Крыніцу ў мінулым годзе падчас рэспубліканскага суботніка разам з сынамі добраўпарадкаваў Аляксандр Лукашэнка. З гэтым месцам звязана сямейная гісторыя кіраўніка дзяржавы. Уладкоўваць яго пачаў дзед прэзідэнта - цясляр Трафім, таму і крыніцу назвалі Трафімавай.

Па цэнтральнай вуліцы Александрыі агонь пранёс старшыня Белтэлерадыёкампаніі Іван Эйсмант.

© Sputnik / Мария ЗуеваКіраўнік Белтэлерадыёкампаніі Іван Эйсмант і беларуская гімнастка Ксенія Санковіч
Агонь Еўрапейскіх гульняў пабываў на малой радзіме прэзідэнта - Sputnik Беларусь
Кіраўнік Белтэлерадыёкампаніі Іван Эйсмант і беларуская гімнастка Ксенія Санковіч

Фінальным пунктам у аграгарадку, дзе пабываў агонь II Еўрапейскіх гульняў, стала школа, у якой вучыўся прэзідэнт. Туды агонь даставіла міс Беларусь-2018 Марыя Васілевіч.

Падарожнічаў сімвал II Еўрапейскіх гульняў па шклоўскай зямлі ад самай раніцы пятніцы. Факеланосцы пранеслі яго па галоўных вуліцах райцэнтра. Маршрут эстафеты прайшоў праз гарадскую ратушу, лядовую арэну і прадпрыемства "Папяровая фабрыка "Спартак". На адным з пунктаў перадачы агонь прыняў алімпійскі чэмпіён 1992 года па веславанні на каноэ-двойцы Аляксандр Масяйкоў. Адчуванні, якімі падзяліўся спартсмен са Sputnik, былі падобныя да прысутнасці на Алімпійскіх гульнях.

© Sputnik / Мария ЗуеваСтаршыня Магілёўскай вобласці Леанід Заяц і памочнік прэзідэнта Міхаіл Русы перадалі агонь захавальнікам
Агонь Еўрапейскіх гульняў пабываў на малой радзіме прэзідэнта - Sputnik Беларусь
Старшыня Магілёўскай вобласці Леанід Заяц і памочнік прэзідэнта Міхаіл Русы перадалі агонь захавальнікам

"Прыемна, годна. Я быў на трох Алімпіядах. Зараз па сутнасці Алімпіяда ў нас. У нашай краіне. Не верылася. Але адбылося. Усе чакаюць. Але гэта словамі не перадаць", - падзяліўся Масяйкоў.

Эстафету ў суботу прымуць у Горках.

Стужка навiн
0