Талісман II Еўрапейскіх гульняў Лесік з факелам

Цырымонія закрыцця II Еўрапейскіх гульняў пройдзе вечарам у Мінску

56
(абноўлена 09:15 30.06.2019)
Шоу адбудзецца на стадыёне "Дынама", для гледачоў выступяць гурты IOWA, J:Морс, Tesla Boy і "Лепрыконсы", а таксама артысты Мікалай Баскаў і Аксана Волкава.

МІНСК, 30 чэр - Sputnik. Урачыстая цырымонія закрыцця II Еўрапейскіх гульняў пройдзе сёння вечарам у Мінску, паведамляе Sputnik.

Тым часам днём будуць разыграны шэсць камплектаў медалёў. У апошні дзень спаборніцтваў за ўзнагароды пазмагаюцца гульцы ў бадмінтон, баксёры, барцы, велагоншчыкі на трэку, спартыўныя гімнасты і каратысты.

Урачыстая цырымонія закрыцця II Еўрапейскіх гульняў пачнецца ў 20:00 на стадыёне "Дынама". У ёй прымуць удзел 4,5 тысячы валанцёраў і каля двух тысяч спартсменаў. На цырымоніі будуць ушаноўваць атлетаў, якія на працягу дзесяці дзён змагаліся за медалі ў розных відах спорту.

Арганізатары абяцаюць, што шоу будзе маштабным і маляўнічым. Яны падрыхтавалі відэашэраг з эмоцыямі спартсменаў, якія захавалі падчас Гульняў. Гледачам прадставяць музычна-тэатралізаваную пастаноўку, над якой працавала шматнацыянальная каманда. У шоу, як і на цырымоніі адкрыцця Еўрапейскіх гульняў, будуць выкарыстаныя тэхналогіі дапоўненай рэальнасці, а таксама найноўшыя светлавыя і праекцыйныя эфекты.

На цырымоніі закрыцця выступяць беларускія выканаўцы: гурты IOWA, J: Морс, Tesla Boy і "Лепрыконсы". У якасці запрошаных артыстаў таксама выступяць Мікалай Баскаў і Аксана Волкава.

"Арганізатары рыхтуюць асаблівае развітанне з Полымем міру, якое, як яны спадзяюцца, на доўгія гады застанецца ў памяці ўсіх тых, хто прыйшоў на стадыён і мільёнаў тэлегледачоў па ўсім свеце, а таксама стане яркай старонкай гісторыі сучаснай Беларусі", - распавялі ў Дырэкцыі II Еўрапейскіх гульняў.

56
Тэги:
Еўрапейскія гульні
Тэмы:
Еўрапейскія гульні - 2019 (187)