Беларуская лёгкаатлетка Эльвіра Герман

Дзесяць беларусаў увайшлі ў каманду Еўропы на лёгкаатлетычны матч супраць ЗША

15
(абноўлена 11:05 14.08.2019)
Кіраўнік БФЛА Вадзім Дзевятоўскі ўпэўнены, што беларускія атлеты не будуць статыстамі на турніры і змогуць пазмагацца за высокія ўзнагароды.

МІНСК, 14 жні - Sputnik. Дзесяць беларускіх спартсменаў увайшлі ў склад каманды Еўропы на лёгкаатлетычны матч супраць ЗША, паведамілі ў прэс-службе НАК Беларусі.

Мінскі стадыён "Дынама" 9-10 верасня прыме лёгкаатлетычны матч Еўропа - ЗША. Удзел у турніры, як чакаецца, прымуць каля 350 атлетаў. У праграме спаборніцтваў - больш за 20 дысцыплін.

"Упэўнены, еўрапейская каманда на гістарычным матчы з ЗША будзе прадстаўлена наймацнейшымі атлетамі. Адзначу, што дзесяць беларускіх спартсменаў (двое мужчын і восем жанчын) увайшлі ў склад", - заявіў прэзідэнт Еўрапейскай лёгкаатлетычнай асацыяцыі Свэн-Арнэ Хансэн.

Кіраўнік Беларускай федэрацыі лёгкай атлетыкі (БФЛА) Вадзім Дзевятоўскі агучыў склад беларускай каманды (восем дзяўчат і двое мужчын): Максім Недасекаў і Дзмітрый Набокаў (скачкі ў вышыню), Таццяна Халадовіч (кіданне дзіды), Анастасія Мірончык-Іванова (скачкі ў даўжыню), Карына Таранда (скачкі ў вышыню), Ганна Малышчык (кіданне молата), Ірына Жук (скачкі з шастом), Дар'я Барысевіч (бег на 1500 м), Алёна Дубіцкая (штурханне ядра), Эльвіра Герман (бег на 100 з бар'ерамі).

"Той факт, што замест шасці беларускіх атлетаў, якія гарантавана будуць выступаць у камандзе Еўропы, нам пайшлі насустрач і дазволілі выставіць дзесяць - гэта, вядома, менавіта паказчык даверу нашай Нацыянальнай камандзе", - сказаў Дзевятоўскі.

Паводле яго слоў, з дзесяці беларусаў, якія прымуць удзел у матчы, шэсць займаюць першыя пазіцыі ў Еўропе. "Таму, я ўпэўнены, яны не будуць статыстамі, а мы станем сведкамі вельмі годных вынікаў", - дадаў кіраўнік БФЛА.

З-за траўмаў у склад еўрапейскай зборнай не патрапілі бягуха Аліна Талай і кідальнік молата Іван Ціхан. Бягуха Марына Арзамасава, якая нядаўна стала мамай у другі раз, таксама прапусціць турнір.

Таксама ў склад каманды Еўропы ўвайшлі скакуха з Расіі Марыя Ласіцкенэ, турэцкі бягун Раміль Гуліеў, паляк Пётр Лісэк (скачкі з шастом), грачанка Кацярына Стэфанідзі (скачкі з шастом).

Канчатковы склад еўрапейскай зборнай будзе вядомы да канца тыдня.

15
Тэги:
Вадзім Дзевятоўскі, Лёгкая атлетыка, ЗША, Беларусь
Прадстаўлены медалі чэмпіянату свету па хакеі ў Рызе

Прадстаўлены медалі чэмпіянату свету па хакеі ў Рызе

13
(абноўлена 16:01 12.05.2021)
Узнагароды сусветнага хакейнага форуму чаканіліся на манетным двары ў Нарвегіі, дзе быў выраблены і медаль Нобелеўскай прэміі міру.

МІНСК, 12 траўня - Sputnik. Аргкамітэт чэмпіянату свету па хакеі-2021 у Рызе прадставіў дызайн медалёў, імі будуць узнагароджваць пераможцаў і прызёраў турніру, паведаміла прэс-служба Міжнароднай федэрацыі хакея (IIHF).

На ўзнагародах намаляваны лагатып сусветнага форуму - хакеіст на фоне стылізаванай хакейнай пляцоўкі. Па краях медалёў нанесена назва і месца правядзення чэмпіянату. Вага адной адзінкі - звыш 400 грамаў, дыяметр складае 10 сантыметраў.

Дызайн распрацавала IIHF разам з Латвійскім манетным дваром за два тыдні. Цікава, што чаканіліся ўзнагароды на манетным двары ў Нарвегіі. Дарэчы, там жа быў выраблены медаль Нобелеўскай прэміі міру.

Па словах кіраўніка аргкамітэта чэмпіянату Эдгарса Бунціса, ажыццёўлена задума - выкарыстоўваць моцны і выразны хакейны знак у дызайне.

"Не забыліся і пра нацыянальны сімвал Латвіі, які будзе прадстаўлены на стужках. Цырымонія ўручэння медалёў і атрыманне трафея - адзін з самых эмацыйных момантаў на кожным спартыўным турніры. Праз 64 матчы мы даведаемся, якія каманды прывязуць гэтыя медалі дадому", - дадаў ён.

Медалі чэмпіянату свету будуць разыграны 6 чэрвеня, калі лепшыя каманды згуляюць у матчах за залатыя і бронзавыя ўзнагароды.

Сусветнае хакейнае першынства ў Рызе пройдзе з 21 траўня па 6 чэрвеня. Беларусь і Расія згуляюць у групе А. Апроч беларусаў і расіян, у групе яшчэ Швецыя, Чэхія, Швейцарыя, Славакія, Данія і Вялікабрытанія. У групе В - Канада, Фінляндыя, ЗША, Германія, Латвія, Нарвегія, Італія і Казахстан. Турнір пройдзе без гледачоў.

Чытайце таксама:

13
Тэги:
Нобелеўская прэмія міру, Нарвегія, Узнагароды, Рыга, Хакей, чэмпіянат, медалі
Беларуская тэнісістка Арына Сабаленка

Апублікаваны новы рэйтынг WTA: Сабаленка ўвайшла ў топ-5

25
(абноўлена 10:00 10.05.2021)
Беларуская спартсменка ў апошні час паспяхова выступіла на тэнісных турнірах у Абу-Дабі і Мадрыдзе.

МІНСК, 10 тра - Sputnik. Беларуская тэнісістка Арына Сабаленка ўзнялася на чацвёрты радок у рэйтынгу WTA, новая версія апублікавана на сайце арганізацыі.

Новая пазіцыя стала самай высокай за ўсю кар'еру беларускай спартсменкі. Раней яна ўзнімалася да сёмай пазіцыі - у студзені бягучага года пасля ўдалага выступлення ў Абу-Дабі.

Нагадаем, што Сабаленка таксама паказала выдатны вынік у фінале турніру WTA 1000 у Мадрыдзе - яна атрымала перамогу з лікам 6:0 3:6, 6:4 над першым нумарам сусветнага рэйтынгу аўстралійкай Эшлі Барці.

Іншыя беларускія тэнісісткі не дасягнулі гэтакіх незвычайных поспехаў: Вікторыя Азаранка апусцілася ў рэйтынгу на адзін радок і выпала з топ-15, заняўшы 16-ю пазіцыю, Аляксандра Сасновіч і зусім выпала з першай сотні, апусціўшыся з 92-га на 103-е месца.

Яшчэ адна спартсменка - Вольга Гаварцова ўзнялася на некалькі пазіцый, заняўшы 139-ы радок (раней была на 142-й).

Чытайце таксама:

25
Тэги:
тэнісны турнір, Мадрыд, спартсмен, Арына Сабаленка, рэйтынг WTA
Яўген Лук'янаў

Пасол Лук'янаў распавёў пра прыярытэты сваёй працы ў Беларусі

7
(абноўлена 12:01 13.05.2021)
У Палацы Незалежнасці сёння адбылася ўрачыстая цырымонія, падчас якой новы пасол Расіі ўручыў Аляксандру Лукашэнку даверчыя граматы.

МІНСК, 13 тра - Sputnik. У Расіі рады рашэнню беларускага боку накіраваць свой экспарт у расійскія парты на Балтыцы, сказаў журналістам у Палацы Незалежнасці пасол РФ Яўген Лук'янаў.

У адказ на пытанне, што стане прыярытэтам для пасла Расіі падчас працы ў Беларусі, дыпламат сказаў, што сканцэнтруецца "перш за ўсё на нашай плённай, узаемавыгаднай і эфектыўнай сумеснай працы".

Пры гэтым ён асабліва адзначыў, што пры прызначэнні на дыпламатычную службу ў беларускую сталіцу яму быў аказаны высокі давер, таму ён шчаслівы прадстаўляць інтарэсы Расіі ў рэспубліцы.

Яўген Лук'янаў таксама пракаменціраваў пераарыентацыю экспарту беларускіх нафтапрадуктаў на расійскія марскія парты на Балтыцы.

"Беларусь сама прыняла гэтае рашэнне. І, больш за тое, усялякае эканамічнае рашэнне заснавана перш за ўсё на эканамічных выгодах. Тут не трэба шукаць лішняй палітыкі. Бізнес, як і грошы, любіць цішыню, прадказальнасць, стабільнасць. Калі беларускім партнёрам выгадна працаваць праз парты Расійскай федэрацыі, мы будзем толькі рады", - канстатаваў кіраўнік дыпламатычнай місіі.

Чытайце таксама:

7
Тэги:
Аляксандр Лукашэнка, палац Незалежнасці, Беларусь, Яўген Лук'янаў, пасол