БАТЭ - Астана

Сышлі прыгожа: БАТЭ абыграў "Астану", але вылецеў з Лігі Еўропы

6
(абноўлена 09:27 30.08.2019)
Нягледзячы на два забітых мяча, барысаўскі клуб не змог прайсці далей у Лізе Еўропы.

МІНСК, 29 жні - Sputnik. Барысаўскі футбольны клуб БАТЭ не змог выйсці ў групавы раўнд Лігі Еўропы, нягледзячы на два забітых гала ў хатняй гульні з казахстанскай "Астаной", перадае карэспандэнт Sputnik.

Сустрэча накаўт-раўнда кваліфікацыі Лігі Еўропы адбылася на "Барысаў-Арэне" ў чацвер, 29 жніўня.

БАТЭ традыцыйна правёў на пачатку гульні "хуткі" гол - ужо на шостай хвіліне вароты "Астаны" паспяхова атакаваў Максім Скавыш. Да канца першага тайма падапечныя Аляксея Багі не змаглі аформіць ніводнага ўзяцця варот.

Большая частка другога тайма прайшла ў пазіцыйнай гульні, актыўныя дзеянні каля варотаў суперніка "жоўта-сінія" пачалі на апошняй дзесяцімінутцы. Множныя атакі варотаў казахстанцаў далі вынік: на 85-й хвіліне забіў Яўген Яблонскі.

Нягледзячы на жорсткі прэсінг супернікаў, барысаўчане да канца матчу так і не забілі яшчэ ніводнага гола, хаця мелі мноства момантаў. Такім чынам, па выніках двух матчаў БАТЭ саступіў "Астане" з лікам 2:3, і клуб пакідае Лігу Еўропы.

6
Тэги:
Футбол, ФК "БАТЭ"

Спорт