Сцяг ЗША

Лукашэнка паабяцаў зрабіць Мінск сталіцай ЗША

22
(абноўлена 09:11 10.09.2019)
Беларускі лідар лічыць, што ў выпадку правядзення матчу ў Мінску, яго зможа наведаць Дональд Трамп.

МІНСК, 10 вер - Sputnik. Прэзідэнт Беларусі Аляксандр Лукашэнка паабяцаў у 2021 годзе зрабіць Мінск на час сталіцай ЗША.

Лукашэнка сустрэўся з арганізатарамі мачта Еўропа - ЗША
© Photo : пресс-служба президента Беларуси

У панядзелак кіраўнік дзяржавы прыняў удзел у цырымоніі адкрыцця лёгкаатлетычнага матчу паміж камандамі Еўропы і ЗША.

Матч урачыста адкрыўся 9 верасня на стадыёне "Дынама" ў Мінску. У 20 відах праграмы выступяць па восем атлетаў - па чатыры спартсмены з Еўропы і ЗША. Цырымонію адкрыцця на стадыёне "Дынама" наведаў кіраўнік дзяржавы, які выступіў з кароткай прамовай.

Ён адзначыў, што такі ж матч павінен адбыцца ў 2021 годзе ў ЗША - Амерыка павінна прыняць яго пасля Еўропы. Але ў тым жа годзе ў Штатах адбудзецца чэмпіянат свету па лёгкай атлетыцы, таму ЗША не могуць арганізаваць дадзеныя спаборніцтвы.

Лукашэнка прапанаваў правесці дадзены матч зноў у Мінску і паабяцаў, што праз два гады Беларусь зробіць усё на больш высокім узроўні.

"Я абяцаю вам, што праз два гады Мінск стане сталіцай Злучаных Штатаў Амерыкі. Удакладняю, каб не западозрылі ў нядобрым, як быццам мы Амерыку хочам далучыць. На гэтыя дні, калі вы нам даверыце, Мінск стане сталіцай ЗША, таму што ЗША павінны праводзіць гэты матч", - пажартаваў прэзідэнт.

Ён таксама запэўніў, што ў дадзеным пытанні дамовіцца з Дональдам Трампам. "У 2020-м годзе ён пераможа на выбарах. І, я думаю, з'явіцца тут на гэтым стадыёне", - сказаў Лукашэнка.

22
Тэги:
ЗША, Аляксандр Лукашэнка, Беларусь
Алімбекава выйграла спрынт на чэмпіянаце краіны па летнім біятлоне

Алімбекава выйграла спрынт на чэмпіянаце краіны па летнім біятлоне

6
У спаборніцтвах у "Раўбічах" апроч беларусаў таксама ўдзельнічалі спартсмены з Расіі і Манголіі.

МІНСК, 25 вер - Sputnik. У спарткомплексе пад Мінскам 25 верасня прайшлі спрынтэрскія гонкі чэмпіянату Беларусі па летнім біятлоне. У спаборніцтвах у жанчын лепшай стала Дынара Алімбекава, у мужчын - Дзмітрый Лазоўскі, паведамілі Sputnik у прэс-службе Беларускай федэрацыі біятлона.

На двух агнявых рубяжах Алімбекава дапусціла два промахі, але была самай хуткай на трасе. Алена Кручынкіна выйграла срэбра, прамазала толькі аднойчы, але саступіўшы пераможцы ў хуткасці. Ганна Сола прыйшла да фінішу трэцяй, у яе два стрэлы "ў малако".

Лазоўскі, які стаў па выніку чэмпіёнам, прамахнуўся адзін раз. Антон Смольскі і Сяргей Бачарнікаў, якія фінішавалі на другі і трэцяй пазіцыях адпаведна, не закрылі па дзве мішэні.

Чэмпіянат завершыцца у нядзелю 27 верасня гонкамі пераследу, а заўтра ў каманд - выхадны. Нягледзячы на тое, што на тэрыторыі "Раўбіч" дзейнічае рэжым абмежаванага наведвання з-за каронавіруса, гледачы пры наяўнасці маскі і падтрыманні сацыяльнай дыстанцыі могуць наведаць гонкі.

Нагадаем, у спаборніцтвах прымаюць удзел не толькі беларускія біятланісты, але і спартсмены з Манголіі і Расіі.

6
Тэги:
Дынара Алімбекава, Біятлон
Лагатып УЕФА

Кангрэс УЕФА перанеслі з Беларусі ў Швейцарыю

9
(абноўлена 16:45 24.09.2020)
Беларусь упершыню ў гісторыі павінна была прыняць Кангрэс УЕФА ў сакавіку 2021-га, але сёння было прынята рашэнне аб пераносе мерапрыемства.

МІНСК, 24 вер - Sputnik. Кангрэс УЕФА ў 2021 годзе пройдзе ў Швейцарыі, а не ў Беларусі, як планавалася раней, заявіў прэзідэнт арганізацыі Александэр Чэферын.

​Выканкам УЕФА ў сакавіку прыняў рашэнне аб правядзенні пасяджэння вышэйшага органа еўрапейскага футбольнага саюза ў Мінску вясной будучага года.

"Кангрэса УЕФА ў сакавіку 2021 года ў Мінску не будзе, ён пройдзе ў Швейцарыі", - сказаў Чэферын на прэс-канферэнцыі па выніках выканкама УЕФА ў Будапешце.

Акрамя таго, было прынята рашэнне аб тым, што ўсе карпаратыўныя сустрэчы арганізацыі ў бліжэйшыя паўгода пройдуць у Швейцарыі. Таксама ў Швейцарыі пройдуць пасяджэнні выканкама УЕФА, запланаваныя на снежань 2020 года і сакавік 2021 года.

9
Тэги:
Швейцарыя, Беларусь, УЕФА

Рэкорд па выкананні "мёртвай пятлі" на Як-52. Каго ўпішуць у гісторыю?

0
(абноўлена 13:08 25.09.2020)
Лётчыкі 11 разоў запар выканалі "пятлю Несцерава" на Як-52. Глядзіце, як выглядае гэтая фігура вышэйшага пілатажу, на відэа.

Пілатажная група "Першы палёт" ўстанавіла сусветны рэкорд. Лётчыкі адзінаццаць разоў запар выканалі "пятлю Несцерава" на Як-52.

Лічба "11" выбралі невыпадкова: менавіта столькі гадоў у гэтым годзе спаўняецца авіягрупе. Рэкорд зафіксавалі на падмаскоўным аэрадроме Вялікае Грызлова. Героямі сталі майстры спорту Канстанцін Баравік, Алег Шпалянскі і Антон Беркутаў.

Пятлю яшчэ называюць "мёртвай" - некаторы час яе разлічвалі толькі на паперы, лётчыкі не выконвалі яе на самалётах. У 1913 годзе ў Кіеве паветраны ас Пётр Несцераў упершыню выканаў гэтую найскладанейшую фігуру вышэйшага пілатажу.

Дарэчы, у мінулым годзе памятны знак "Пятля Несцерава" адкрылі ў беларускіх Баранавічах - у скверы імя лётчыка двойчы Героя Савецкага Саюза Міхаіла Сцепанішчава.

Фігуры вышэйшага пілатажу ў выкананні самалётаў, здольных дзейнічаць сінхронна на мінімальнай дыстанцыі, - глядзіце ў нашым відэа.

0
Тэги:
авіяцыя