Ірына Курачкіна

Беларуска Курачкіна выйграла бронзу ЧС па барацьбе

10
(абноўлена 17:06 19.09.2019)
Беларусы на сусветным першынстве па барацьбе, якое доўжыцца ўжо пяць дзён, выйгралі пакуль толькі адну ўзнагароду.

МІНСК, 19 вер - Sputnik. Беларуска Ірына Курачкіна выйграла бронзавую ўзнагароду чэмпіянату свету па барацьбе ў Нур-Султане, паведамляе Sputnik.

У сутычцы за трэцяе месца (вагавая катэгорыя да 57 кг) Курачкіна справілася з полькай Ёвітай Вжэсень (4:0). Разам з бронзай сусветнага першынства беларуска заваявала ліцэнзію на Алімпійскія гульні-2020 у Токіа.

Дарэчы, узнагарода Курачкінай пакуль адзіная для беларускай зборнай на ЧС.

Раней барацьбу на турніры завяршылі Марыя Мамашук і Васіліса Марзалюк - дзяўчаты не змаглі заваяваць алімпійскія ліцэнзіі.

10
Тэги:
Казахстан, Барацьба

Спорт