Беларуская тэнісістка Арына Сабаленка

Сабаленка выйграла турнір ва Ухане

35
(абноўлена 15:13 28.09.2019)
Першая ракета Беларусі стала другой тэнісісткай ў гісторыі, якой удалося двойчы заваяваць чэмпіёнскі тытул ва Ухане.

МІНСК, 28 вер - Sputnik. Беларуская тэнісістка Арына Сабаленка атрымала перамогу на турніры ў кітайскім Ухане, паведамляе Sputnik.

У вырашальным паядынку Сабаленка сустрэлася з амерыканкай Элісан Рыске. Матч завяршыўся перамогай беларускі - 6:3, 3:6, 6:1. Сустрэча доўжылася 1 гадзіну 54 хвіліны.

Пасля гульні Сабаленка падзякавала саперніцы за гульню, адзначыўшы, што з ёй заўсёды цікава гуляць. Беларуска прызналася, што тыдзень выдаўся для яе цяжкім. Яна падзякавала ўсім за падтрымку.

"Я баялася адпраўляцца ва Ухань у гэтым годзе, баялася абараняць тытул. Але я рада перамозе, рада, што мы разам", - сказала Сабаленка.

Беларуска абараніла чэмпіёнскі тытул. Нагадаем, у мінулым годзе яна была мацнейшай за прадстаўніцу Эстоніі Анэт Кантавейт.

Цікава, што Сабаленка стала другой тэнісісткай у гісторыі, якой удалося двойчы заваяваць тытул ва Ухане. Да гэтага чэшка Петра Квітава два разы перамагала на турніры (2014, 2016).

Для 21-гадовай беларускі, якая займае 14-е месца ў рэйтынгу WTА, гэта чацвёртая перамога на турнірах WTA ў адзіночным разрадзе.

На наступным тыдні першая ракетка Беларусі стартуе на турніры ў Пекіне China Open.

35
Тэги:
Кітай, Тэніс, Арына Сабаленка
Мікалай Казека

Лукашэнка павіншаваў Мікалая Казеку з юбілеем

8
(абноўлена 12:29 05.04.2020)
Галоўнаму трэнеру нацыянальнай зборнай Беларусі па фрыстайле Мікалаю Казеку споўнілася 70 гадоў.

МІНСК, 5 кра - Sputnik. Прэзідэнт Беларусі Аляксандр Лукашэнка павіншаваў галоўнага трэнера нацыянальнай каманды па фрыстайле Мікалая Казеку з юбілеем, паведамілі ў прэс-службе беларускага лідара.

У віншавальнай тэлеграме адзначаецца, што з імем трэнера, якому сёння споўнілася 70 гадоў, звязаны самыя яркія алімпійскія дасягненні Беларусі. "Вы стаялі ля вытокаў станаўлення айчыннай школы лыжнай акрабатыкі", - сказана, у прыватнасці, у віншаванні. Прэзідэнт адзначыў таксама выдатныя поспехі, якіх удалося дамагчыся на найбуйнейшых міжнародных спаборніцтвах, а таксама той факт, што Мікалай Казека вывеў краіну ў лідары сусветнага фрыстайлу.

Мікалай Казека змог выхаваць плеяду славутых атлетаў, у ліку якіх чатыры алімпійскія чэмпіёны. Як звярнуў увагу Аляксандр Лукашэнка, пад яго кіраўніцтвам вырасла цэлае пакаленне трэнераў.

"Перакананы, што вашыя веды, талент педагога і найбагацейшы вопыт яшчэ шмат гадоў будуць прыносіць карысць беларускаму спорту", - падкрэсліў кіраўнік дзяржавы.

А напярэдадні юбілею з праслаўленым трэнерам пагутарыў калумніст Sputnik Ігар Казлоў.

8
Тэги:
Аляксандр Лукашэнка
Гіганцкія алімпійскія кольцы ў Токіа

Вызначана дата правядзення Алімпійскіх гульняў у Токіа

13
(абноўлена 15:31 30.03.2020)
З-за пандэміі каронавіруса мерапрыемства перанеслі на наступны год, парадкавы нумар Гульняў застанецца такім жа.

МІНСК, 30 сак - Sputnik. МАК і ўрад Японіі прызначылі дату перанесеных Алімпійскіх гульняў у Токіа. Спаборніцтвы пачнуцца 23 ліпеня 2021, паведамляе NHK World-Japan.

Пры гэтым Паралімпійскія гульні адкрыюцца 24 жніўня таго ж года.

Рашэнне аб пераносе Алімпійскіх гульняў-2020 у Токіа было прынята з-за пандэміі каронавіруса.

З новай датай спаборніцтваў пагадзіліся Міжнародны алімпійскі камітэт, урад Японіі, Арганізацыйны камітэт такійскіх гульняў і астатнія арганізацыі.

Алімпійскі агонь застанецца ў Японіі, парадкавы нумар гульняў застанецца без змен.

Гульні-2020 былі апошнім буйным спартыўным форумам, не адмененым ці не прыпыненым з-за пандэміі COVID-19. МАК да апошняга разлічваў, што сітуацыя з распаўсюдам і захворваннем на новы тып каронавіруса палепшыцца і мерапрыемства пройдзе ў тэрмін.

13
Тэги:
каронавірус, Алімпійскія гульні
Тэмы:
Успышка каронавіруса з Уханя
Палата для каранціну тых, хто захварэў на каронавірус мінскай бальніцы

Каранік: з вылучаных пад пацыентаў з COVID-19 ложкаў занятыя менш за 30%

0
(абноўлена 17:04 07.04.2020)
Міністэрства аховы здароўя штодня ўносіць змены ў свае нарматыўныя дакументы і прымае рашэнні аб перапрафіляванні ложкавага фонду.

МІНСК, 7 кра - Sputnik. Менш за 30% ложкаў з вылучаных для аказання меддапамогі пацыентам з каронавіруснай інфекцыяй занятыя ў бальніцах Беларусі, заявіў кіраўнік Міністэрства аховы здароўя краіны Уладзімір Каранік.

Прэзідэнт Беларусі Аляксандр Лукашэнка правёў сёння нараду па тэме барацьбы з каронавіруснай інфекцыяй.

Пасля мерапрыемства журналісты пацікавіліся ў міністра, ці патрэбныя дадатковыя меры па барацьбе з COVID-19.

"На сённяшні момант карэкціроўкі адбываюцца практычна штодня. Мы, зыходзячы з сітуацыі, штодня ўносім змяненні ў свае нарматыўныя дакументы, перапрафіляванне ложкавага фонду. Ёсць і пытанне жорсткіх абмежавальных мерапрыемстваў, якое часта падымаецца", - распавёў Каранік, яго словы прывяла БелТА.

Па словах міністра, для аказання меддапамогі пацыентам з каронавірусам у краіне выдзелена больш за сем тысяч ложкаў, з іх заняты менш за 30%.

Адзначым, што гэтыя койкі выкарыстоўваюцца не толькі для інфіцыраваных, але і для іх кантактаў, якія таксама знаходзяцца пад наглядам урачоў.

Прымаюцца ўсе меры

"Сусветная арганізацыя аховы здароўя дакладна кажа: гэтыя меры патрэбныя, каб стварыць акно магчымасцяў для таго, каб даць сістэме аховы здароўя, калі яна перагружаная, аднавіцца і ўвайсці ў звыклы рытм працы. І гэтае пытанне сёння ўздымаў кіраўнік дзяржавы: калі ёсць нейкая неабходнасць уводзіць дадатковыя меры, то яны будуць уведзеныя", - падкрэсліў Каранік.

Па словах міністра, "прыкмет перагрузкі сістэмы аховы здароўя на сённяшні момант няма".

"Сітуацыя, натуральна, адсочваецца пастаянна. У нейкіх рэгіёнах яна лепей, у нейкіх горш з-за таго, што там ёсць хворыя з каронавіруснай інфекцыяй, а таксама не скончыўся пік сезоннага ўздыму рэспіраторных інфекцый. Гэта значыць гэтыя два фактары сустрэліся , што павялічыла ў дадзеных рэгіёнах нагрузку", - дадаў кіраўнік Міністэрства аховы здароўя.

Аднак і там, па словах Караніка, прымаюцца ўсе неабходныя меры.

0
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Успышка каронавіруса з Уханя