Беларуская тэнісістка Арына Сабаленка

Сабаленка не стала лепшай тэнісісткай верасня

16
(абноўлена 11:24 16.10.2019)
Беларускую тэнісістку абыйшла экс-першая ракетка свету японка Наомі Осака, а трэцяе месца заняла чэшка Караліна Плішкава.

МІНСК, 16 кас - Sputnik. Першая ракетка Беларусі Арына Сабаленка прайграла ў галасаванні за званне лепшай тэнісісткі верасня, паведамляецца на сайце WTA.

На ўзнагароду прэтэндавалі, апроч Сабаленка, яшчэ дзве спартсменкі - чэшка Караліна Плішкава і японка Наомі Осака.

Большасць заўзятараў прагаласавалі за Осаку. Сабаленка стала другой, Плішкава - трэцяй.

На пачатку кастрычніка Осака стала пераможцай тэніснага турніру ў Пекіне, абыграўшы першую ракетку свету аўстралійку Эшлі Барці. Гэта яе трэці тытул у адзіночным разрадзе ў бягучым сезоне.

Прадстаўніца Японіі ў гэтым сезоне 21 тыдзень займала першы радок рэйтынгу WTA. Яна з'яўляецца двухразовай пераможцай турніраў Вялікага шлема: у 2018 годзе яна выйграла US Open у 2018 годзе, а ў 2019-м Адкрыты чэмпіянат Аўстраліі.

16
Тэги:
Тэніс, Арына Сабаленка
МАЗы пасля пралога Золота Кагана

Абвешчаны састаў "МАЗ-СПОРТаўта" на ралі "Шелковый путь-2021"

8
(абноўлена 16:42 15.06.2021)
Ралі-рэйд пройдзе з 1 па 11 ліпеня па тэрыторыях Расіі і Манголіі, беларуская каманда выступіць трыма экіпажамі.

МІНСК, 16 чэр – Sputnik. Тры экіпажы беларускай каманды "МАЗ-СПОРТаўта" выступяць на ралі "Шелковый путь-2021", паведаміла ў аўторак прэс-служба "чырвоных зуброў".

"Шелковый путь-2021" пройдзе з 1 па 11 ліпеня па тэрыторыі Расіі і Манголіі. Стартаваць гоншчыкі будуць у Омску, а фінішуюць ва Улан-Батары. Ім трэба будзе пераадолець 10 этапаў агульнай працягласцю 5440 кіламетраў.

Беларуская каманда "МАЗ-СПОРТаўта" выстаўляе на гонку тры экіпажы:

  • Сяргей Вязовіч / Павел Гаранін / Антон Запарошчанка;
  • Аляксей Вішнеўскі / Максім Новікаў / Сяргей Сачук;
  • Віталій Мурылёў / Аляксандр Швед / Андрэй Крагельскі.

Да гэтага спартсмены паўдзельнічалі ў ралі "Золата Кагана" у Астраханскай вобласці. Пераможцам гонкі ў грузавым заліку стаў расійскі экіпаж Дзмітрыя Сотнікава з "КАМАЗ-МАЙСТАР". Лідэр беларусаў Сяргей Вязовіч па выніках саступіў ім крыху больш за адну хвіліну. На трэцім спецучастку у капотніка двухразовага прызёра "Дакара" лопнулі рысоры, з-за чаго экіпаж страціў хуткасць.

Беларусы на астраханскай гонцы выступалі таксама на трох грузавіках капотнай кампаноўкі. Адзін з іх быў пабудаваны ў гэтым годзе. Яшчэ адзін беларускі экіпаж Аляксея Вішнеўскага быў вымушаны сысці з гонкі з-за праблем з рухавіком. А трэці "капотнік" мінскай каманды пад кіраваннем Віталія Мурылёва гонку скончыў чацвёртым, саступіўшы пераможцу гадзіну з невялікім.

Чытайце таксама:

8
Тэги:
экіпаж, Манголія, Расія, тэрыторыя, "Шелковый путь-2021", ралі, "МАЗ-СПОРТаўта"
Паўэрліфцер са штангай, архіўны фотаздымак

Мінск пазбавіўся чэмпіянату свету па паўэрліфтынгу

9
(абноўлена 15:54 15.06.2021)
Сусветнае першынство павінна было прайсці ў беларускай сталіцы восенню, але з-за "палітычнай сітуацыі" у краіне яго аддалі Швецыі.

МІНСК, 16 чэр – Sputnik. Міжнародная федэрацыя паўэрліфтынгу (IPF) прыняла рашэнне аб пераносе чэмпіянату свету па класічным паўэрліфтынгу з Беларусі ў Швецыю. Пра гэты гаворыцца ў заяве арганізацыі, апублікаванай на яе сайце.

Беларуская сталіца павінна была прыняць сусветнае першынство з 23 верасня па 3 кастрычніка гэтага года.

У заяве IPF гаворыцца, што Выканкам арганізацыі "быў вымушаны прыняць цяжкае рашэнне пра адмену мерапрыемства, беручы пад увагу нявызначаную сітуацыю ў гэтай краіне (Беларусі - Sputnik)".

Прэзідэнт IPF Гастон Параж выказаў шкадаванне ў сувязі з гэтым рашэннем.

"Але федэрацыя нясе адказнасць за здароўе і бяспеку спартсменаў, трэнераў і афіцыйных асоб, і таму гэта было адзіным лагічным рашэннем", - сказаў ён.

Выканкам IPF перанёс чэмпіянат свету па класічным паўэрліфтынгу ў Швецыю.

Гэта не першае буйное спартыўнае мерапрыемства, скасаванае ў Беларусі ў апошні час. Так, раней Мінск страціў этап Кубка свету па біятлоне, чэмпіянат свету па сучасным пяцібор'і, чэмпіянат Еўропы па велатрэку, а таксама чэмпіянат свету па хакеі.

Чытайце таксама:

9
Тэги:
Швецыя, сталіца, паўэрліфтынг, чэмпіянат, Мінск
Канстытуцыя Рэспублікі Беларусь

Канстытуцыйны суд могуць надзяліць правам правяраць законнасць выбараў

4
(абноўлена 12:05 16.06.2021)
Акрамя таго, прапануецца ўпаўнаважыць Канстытуцыйны суд РБ выносіць заключэнне аб легітымнасці працэсу імпічменту прэзідэнта.

МІНСК, 16 чэр – Sputnik. Канстытуцыйны суд Беларусі хочуць надзяліць правам праверкі законнасці вынікаў выбараў і працэсу імпічменту прэзідэнта, заявіла намеснік старшыні Канстытуцыйнага суда, член Канстытуцыйнай камісіі Наталля Карповіч.

"Ёсць канстытуцыйныя падставы і аб'ектыўная неабходнасць вызначыць ролю Канстытуцыйнага суда ў выбарчым працэсе як прэзідэнта, так і парламента", - заявіла Карповіч.

Паводле яе слоў, прапануецца надзяліць Канстытуцыйны суд паўнамоцтвам праверкі канстытуцыйнасці выбараў.

Карповіч таксама паведаміла, што прапануецца ўпаўнаважыць КС выносіць заключэнне аб канстытуцыйнасці працэсу імпічменту прэзідэнта.

Інстытут канстытуцыйнай скаргі

Акрамя таго, па словах Карповіч, прапануецца надзяліць грамадзян краіны правам звярнуцца ў Канстытуцыйны суд для праверкі выканання Канстытуцыі падчас судовага разбору.

"Прапануецца надзяліць Канстытуцыйны суд паўнамоцтвамі па скаргах грамадзян ажыццяўляць праверку канстытуцыйнасці норм законаў, ужытых у канкрэтнай судовай справе, калі вычарпаны ўсе іншыя сродкі судовай абароны", - сказала спікер.

Па словах Карповіч, увядзенне канстытуцыйнай скаргі ў Беларусі ўстанаўлівае прамы доступ грамадзян да канстытуцыйнага правасуддзя.

"Канстытуцыйная скарга з'яўляецца найбольш распаўсюджанай формай абароны канстытуцыйных праў і свабод грамадзян. Усе краіны постсавецкай прасторы і большасць еўрапейскіх дзяржаў маюць інстытут канстытуцыйнай скаргі грамадзян", - адзначыла Карповіч.

Наступнае пасяджэнне Канстытуцыйнай камісіі пройдзе 30 чэрвеня, так як прапановы грамадзян, звязаныя з увядзеннем інстытута прысяжных засядацеляў выклікалі шырокую дыскусію і маюць патрэбу ў дадатковай прапрацоўцы.

7 ліпеня пройдзе абмеркаванне выніковага тэксту змяненняў у Канстытуцыю, а заключнае пасяджэнне Канстытуцыйнай камісіі намечана на 21 ліпеня.

Чытайце таксама:

4
Тэги:
Канстытуцыя, прэзідэнт, легітымнасць, Выбары, законнасць, права, імпічмент, Канстытуцыйны суд РБ