Вязовіч утрымлівае трэцяе месца перад апошнім этапам Дакара

Вязовіч утрымлівае трэцяе месца перад апошнім этапам "Дакара"

9
(абноўлена 16:00 16.01.2020)
Экіпаж "капотніка" у топ-4 знаходзіцца сярод экіпажаў "КАМАЗ-МАЙСТАР", да другога месца яму адна гадзіна і 13 хвілін, адрыў ад праследавацеля - 57 хвілін.

МІНСК, 16 сту - Sputnik. Сяргей Вязовіч на капотным МАЗе утрымлівае трэцяе месца ў заліку грузавікоў пасля 11-га этапа ралі-рэйду "Дакар - 2020", які праходзіць у Саудаўскай Аравіі, перадае Sputnik.

Марафонскі этап скончыўся ў чацвер, і першыя тры месцы на фінішы занялі экіпажы "КАМАЗ-МАЙСТАР". Лідар зноў Андрэй Каргінаў, другое месца - у Дзмітрыя Сотнікава, трэцяе - Антон Шыбалаў. Экіпаж Сяргея Вязовіча прыехаў на фініш этапу пятым, саступіўшы Каргінаву крыху больш за 12 хвілін.

Выніковы залік грузавікоў перад апошнім этапам ралі-рэйду выглядае так: першае месца - у экіпажа Каргінава, на другім радку - КамАЗ Шыбалава, трэцяе месца захаваў за сабой Вязовіч, ён саступае лідару адну гадзіну і 52 хвіліны. На чацвёртым месцы - экіпаж Дзмітрыя Сотнікава, аднак адставанне расіян ад беларусаў - 57 хвілін.

Трохі палепшылі свае пазіцыі Аляксей Вішнеўскі і Аляксандр Васілеўскі на МАЗах - іх месца 7-е і 10-е адпаведна.

Лідары ў заліку пазадарожнікаў не змяніліся - гэта Карлас Сайнс, Насер Аль-Атыя і Стэфан Петэрансель. Фернанда Алонса займае 13-ы радок. Нязменная сітуацыя і ў заліку матацыклістаў - у тройцы лепшых Рыкі Брабец, Пабла Куінтанілья і Тобі Прайс. У квадрацыклістаў сітуацыя крыху змянілася: першыя два месцы ў Ігнасіа Касале і Сымона Вітсэ, а на трэцяе прабіўся паляк Рафал Сонік. У заліку багі расіянін Сяргей Каракін прарваўся на другое месца, апярэдзіўшы Фернанда Кантарда, лідарства нязменна ўтрымлівае Кейсі Кары.

Апошні этап ралі-рэйду "Дакар - 2020", 12-ы па ліку, пройдзе паміж гарадамі Харад і Кідзія. Гоншчыкі пераадолеюць 374 кіламетры спецучастка. Арганізатары адзначаюць, што ва ўдзельнікаў яшчэ ёсць час і кіламетры, каб пазмагацца за больш высокія месцы ў класіфікацыях.

9
Тэги:
"МАЗ-СПОРТаўта", Сяргей Вязовіч, "Дакар"
Шайбы і клюшкі на раскатцы перад пачаткам матча

Славакія пачала перамовы з IIHF з нагоды ЧС-2021

16
(абноўлена 16:18 22.01.2021)
Шэраг членаў урада Славакіі выказаў падтрымку хакейнаму саюзу краіны ў правядзенні часткі сусветнага першынства.

МІНСК, 22 сту – Sputnik. Славацкі саюз хакея на лёдзе пачаў перамовы з Міжнароднай хакейнай федэрацыяй (IIHF) з нагоды правядзення часткі чэмпіянату свету-2021, якая павінна была адбыцца ў Мінску, пра гэта паведаміў прадстаўнік саюза Петэр Яношык.

Савет IIHF у панядзелак, 18 студзеня, пазбавіў Мінск права правядзення хакейнага ЧС-2021. Адзначалася, што такое рашэнне прынята з-за пытанняў бяспекі, якія знаходзяцца па-за кантролем Міжнароднай федэрацыі. У Мінску вердыкт IIHF назвалі палітычна матываваным.

"Міжнародная федэрацыя хакея і Славацкі саюз хакея на лёдзе пачалі перамовы аб правядзенні ў Браціславе матчаў адной з груп чэмпіянату свету, якія раней планавалася правесці ў Мінску", - цытуе словы Яношыка РІА Навіны.

Прадстаўнік саюза ўдакладніў, што ідзе разгляд бюджэту і падрыхтоўка дакументацыі. Канчатковае рашэнне, як дадаў Яношык, застаецца за IIHF.

Члены ўрада Славакіі, па словах Яношыка, з якімі кантактаваў саюз хакея на лёдзе, выказалі падтрымку ў гэтым пытанні.

Чытайце таксама:

16
Тэги:
Мінск, Славакія, Чэмпіянат свету па хакеі 2021 года

Самую доўгую ў свеце канатную дарогу адкрылі ў Сербіі - відэа

16
(абноўлена 10:12 22.01.2021)
У сербскім гарналыжным цэнтры Злацібор адкрылі самую доўгую ў свеце канатную дарогу. Глядзіце на відэа кадры, знятыя з кабінкі.

Горны масіў Злацібор, размешчаны ў 200 кіламетрах ад Белграда, з'яўляецца адным з найбуйнейшых турцэнтраў краіны.

Працягласць канатнай дарогі Gold gondola - 8950 метраў, што робіць яе самай доўгай у свеце. За гадзіну яна можа перавозіць 600 пасажыраў, а верхняя яе кропка знаходзіцца на гары Торнік на вышыні 1496 метраў, адкуль спускаюцца лыжныя трасы.

Глядзіце таксама:

16
Тэги:
Сербія
Які сёння дзень: 25 студзеня

Які сёння дзень: 25 студзеня 2021 года

0
(абноўлена 20:40 22.01.2021)
Гэты дзень з'яўляецца дваццаць пятым па грыгарыянскім календары, таму да канца года засталося 340 дзён.

Сёння адзначаецца Дзень студэнта. Якія яшчэ падзеі адбыліся 25 студзеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 25 студзеня

  • У 1323 годзе князь Гедымін у пасланні да грамадзян Любека, Штральзунда, Брэмена, Магдэбурга, Кёльна запрасіў святароў, рыцараў і рамеснікаў у ВКЛ.
  • У 1924 годзе ў Вільні распачалася Беларуская канферэнцыя.
  • У 1972 годзе мільённы жыхар нарадзіўся ў Мінску.
  • У 1990 годзе быў створаны Лельчыцкі краязнаўчы музей.
  • У 1992 годзе Беларусь устанавіла дыпламатычныя адносіны з Францыяй.
  • У 1995 годзе Беларусь устанавіла дыпламатычныя адносіны з Камбоджай.

Хто нарадзіўся 25 студзеня

  • 1804 год: Антон Адынец, паэт, перакладчык, мемуарыст, выдавец.
  • 1869 год: Адам Гурыновіч, беларускі паэт.
  • 1903 год: Любоў Мазалеўская, беларуская актрыса, рэжысёр, педагог.
  • 1955 год: Аляксандр Лакотка, беларускі архітэктар, гісторык архітэктуры, этнограф.

Таксама сёння нарадзіліся англійскі хімік, фізік і філосаф Роберт Бойль, шатландскі паэт Роберт Бёрнс, англійскі пісьменнік Уільям Сомерсет Моэм, англійская пісьменніца Вірджынія Вульф і рускі бард, паэт і акцёр Уладзімір Высоцкі.

25 студзеня ў народным календары

Сёння праваслаўныя вернікі шануюць памяць пакутніцы Таццяны Рымскай.

25 студзеня таксама называюць Таццянін дзень, і адзначаюць у яго свята студэнцтва. Першапачаткова свята ўзнікла як дзень нараджэння Маскоўскага ўніверсітэта, але з цягам часу яго ператварылася ў свята ўсіх студэнтаў, якое з задавальненнем адзначаюць і ў Беларусі.

У народзе прынята было на Таццянін дзень пячы каравай у выглядзе сонейка. Займаліся гэтым старэйшыя жанчыны ў сям'і. Так яны заклікалі вясну і гналі марозы.

Калі ў гэты дзень сонечна, птушкі прыляцяць рана і вясна будзе цёплая. Вялікія гурбы 25 студзеня прадракаюць добры ўраджай.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей