Вожык-супергерой Спайкі

Вожык-супергерой Спайкі стаў талісманам хакейнага чэмпіянату свету-2021

16
(абноўлена 16:23 24.02.2020)
Майскі жук Хрушч перамог у галасаванні балельшчыкаў і атрымаў прыз глядацкіх сімпатый, але выніковы выбар упаў на варыянт, які блізкі і зразумелы шырокай аўдыторыі.

МІНСК, 24 лют - Sputnik. У штаб-кватэры Нацыянальнага алімпійскага камітэта прадставілі афіцыйны талісман чэмпіянату свету па хакеі, які пройдзе ў Беларусі і Латвіі ў 2021 годзе.

Ім стаў вожык па мянушцы Спайкі - з англійскага яго можна перавесці як "калючы". На думку стваральнікаў, гэты персанаж найлепшым чынам адлюстроўвае сутнасць віду спорту, а таксама знаёмы жыхарам дзвюх краінаў, якія прымаюць чэмпіянат.

"Вожык - адна з самых распаўсюджаных жывёл у свеце. Акрамя таго, ён вельмі разумны і кемлівы, а хуткасці яго рэакцыі можа пазайздросціць кожны. І хай з выгляду герой зусім не вялікі, заўсёды ваюе да пераможнага канца, пускаючы ў ход не толькі іголкі, але і вострыя зубкі. Менавіта гэтым і славяцца хакейныя зборныя Беларусі і Латвіі - сваёй няўступлівасцю, гатоўнасцю біцца за перамогу да фінальнай сірэны", - гаворыцца ў тлумачэнні арганізатараў.

У комплексным галасаванні Спайкі апярэдзіў янотаў Гуляку і Рымі, а таксама яшчэ аднаго вожыка, прапанаванага латвійскім бокам. Прыз глядацкіх сімпатый дастаўся пераможцу галасавання балельшчыкаў - жуку Хрушчу.

Майский жук Хрущ
© Sputnik / Виктор Толочко
Хрушч

На першым этапе выбару талісмана арганізатары адабралі больш за 100 заявак ад дызайнераў і простых аматараў хакея з Беларусі і Латвіі. Па выніках першаснага адбору заўзятарам на выбар было прадстаўлена 30 работ, пасля чаго лепшыя з іх ацэньвала экспертная камісія дзвюх краін.

З беларускага боку ў яе ўвайшлі трэнер мінскага "Дынама" Міхаіл Грабоўскі, чатырохкратная алімпійская чэмпіёнка Дар'я Домрачава, комік Андрэй Скараход, саліст групы БИ2 Шура, чэмпіён UFC Андрэй Арлоўскі, алімпійская чэмпіёнка па фрыстайле Ганна Гуськова, генеральны дырэктар "Беларусьфільм" Уладзімір Карачэўскі і старшыня федэрацыі хакея Беларусі Генадзь Савілаў.

Нагадаем, 85-ы чэмпіянат свету па хакеі пройдзе ў Беларусі і Латвіі з 7 па 23 мая 2021 года. Матчы турніру пройдуць у Мінску і Рызе. Абедзве краіны будуць гаспадынямі чэмпіянату свету ў другі раз: Латвія ўжо прымала першынство ў 2006 годзе, а Беларусь - у 2014-м. За права правесці турнір ў 2021 годзе сумесная беларуска-латвійская заяўка абыйшла Фінляндыю.

16
Тэги:
Латвія, Беларусь, Хакей
Мікалай Казека

Лукашэнка павіншаваў Мікалая Казеку з юбілеем

7
(абноўлена 12:29 05.04.2020)
Галоўнаму трэнеру нацыянальнай зборнай Беларусі па фрыстайле Мікалаю Казеку споўнілася 70 гадоў.

МІНСК, 5 кра - Sputnik. Прэзідэнт Беларусі Аляксандр Лукашэнка павіншаваў галоўнага трэнера нацыянальнай каманды па фрыстайле Мікалая Казеку з юбілеем, паведамілі ў прэс-службе беларускага лідара.

У віншавальнай тэлеграме адзначаецца, што з імем трэнера, якому сёння споўнілася 70 гадоў, звязаны самыя яркія алімпійскія дасягненні Беларусі. "Вы стаялі ля вытокаў станаўлення айчыннай школы лыжнай акрабатыкі", - сказана, у прыватнасці, у віншаванні. Прэзідэнт адзначыў таксама выдатныя поспехі, якіх удалося дамагчыся на найбуйнейшых міжнародных спаборніцтвах, а таксама той факт, што Мікалай Казека вывеў краіну ў лідары сусветнага фрыстайлу.

Мікалай Казека змог выхаваць плеяду славутых атлетаў, у ліку якіх чатыры алімпійскія чэмпіёны. Як звярнуў увагу Аляксандр Лукашэнка, пад яго кіраўніцтвам вырасла цэлае пакаленне трэнераў.

"Перакананы, што вашыя веды, талент педагога і найбагацейшы вопыт яшчэ шмат гадоў будуць прыносіць карысць беларускаму спорту", - падкрэсліў кіраўнік дзяржавы.

А напярэдадні юбілею з праслаўленым трэнерам пагутарыў калумніст Sputnik Ігар Казлоў.

7
Тэги:
Аляксандр Лукашэнка
Гіганцкія алімпійскія кольцы ў Токіа

Вызначана дата правядзення Алімпійскіх гульняў у Токіа

12
(абноўлена 15:31 30.03.2020)
З-за пандэміі каронавіруса мерапрыемства перанеслі на наступны год, парадкавы нумар Гульняў застанецца такім жа.

МІНСК, 30 сак - Sputnik. МАК і ўрад Японіі прызначылі дату перанесеных Алімпійскіх гульняў у Токіа. Спаборніцтвы пачнуцца 23 ліпеня 2021, паведамляе NHK World-Japan.

Пры гэтым Паралімпійскія гульні адкрыюцца 24 жніўня таго ж года.

Рашэнне аб пераносе Алімпійскіх гульняў-2020 у Токіа было прынята з-за пандэміі каронавіруса.

З новай датай спаборніцтваў пагадзіліся Міжнародны алімпійскі камітэт, урад Японіі, Арганізацыйны камітэт такійскіх гульняў і астатнія арганізацыі.

Алімпійскі агонь застанецца ў Японіі, парадкавы нумар гульняў застанецца без змен.

Гульні-2020 былі апошнім буйным спартыўным форумам, не адмененым ці не прыпыненым з-за пандэміі COVID-19. МАК да апошняга разлічваў, што сітуацыя з распаўсюдам і захворваннем на новы тып каронавіруса палепшыцца і мерапрыемства пройдзе ў тэрмін.

12
Тэги:
каронавірус, Алімпійскія гульні
Тэмы:
Успышка каронавіруса з Уханя
Дабравешчанне

Які сёння дзень: 7 красавіка 2020 года

0
(абноўлена 15:39 06.04.2020)
Гэты дзень з'яўляецца дзевяноста восьмым па грыгарыянскім календары, да канца года засталося 268 дзён.

Сёння праваслаўныя вернікі святкуюць Дабравешчанне. Якія яшчэ падзеі адбыліся 7 красавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 7 красавіка

  • У 1992 годзе Беларусь устанавіла дыпламатычныя адносіны з Латвіяй.

Хто нарадзіўся 7 красавіка

  • 1947 год: Валерый Славук, беларускі мастак.

Таксама сёння нарадзіліся французскі паэт Шарль Бадлер, амерыканская джазавая спявачка Білі Холідэй, амерыканскі кінарэжысёр Фрэнсіс Форд Копала і ганконгскі і амерыканскі акцёр Джэкі Чан.

7 красавіка ў народным календары

Сёння праваслаўныя вернікі святкуюць Дабравешчанне Прасвятой Багародзіцы. У гэты дзень архангел Гаўрыіл прыйшоў да Марыі са звесткай, што яна прывядзе ў свет Сына Божага.

Дзева Марыя была дачкой праведных Анны і Іакава і да 14 гадоў выхоўвалася ў храме. Пасля яна павінна была вярнуцца да бацькоў або абрацца шлюбам, але дзяўчына вырашыла захаваць цнатлівасць. У царкве для яе знайшлі праведнага чалавека – Іосіфа, які павінен быў клапаціцца пра яе.

Дабравешчанне адзначаецца за 9 месяцаў да Каляд.

У Беларусі ў гэты дзень шанавалі буслоў, якія вырталіся з выраю ў свае гнёзды.

Лічылася, якое надвор'е будзе на Дабравешчанне, такое і на Вялікдзень. Калі у гэты дзень быў туман або вецер, год чакалі ўраджайны. Туман таксама прадвяшчаў паводку.

0
Тэги:
народны каляндар, які сёння дзень, Дабравешчанне Прасвятой Багародзіцы