Пальчаткі і клюшкі хакеістаў

Мінспорта пакрые спартсменам фінансавыя страты з-за адмены спаборніцтваў

5
(абноўлена 12:49 15.04.2020)
Беларусь гатова падтрымаць спартсменаў, якія апынуліся ў няпростай сітуацыі пасля пандэміі каронавіруса і пераносу ўсіх буйных турніраў.

МІНСК, 15 кра - Sputnik. Адмена Алімпійскіх гульняў у Токіа паставіла пад пытанне фінансаванне беларускіх спартсменаў, заробак якіх шмат у чым залежыць ад выступу на спаборніцтвах. Міністр спорту і турызму Беларусі Сяргей Кавальчук запэўніў, што разам з урадам будзе на баку атлетаў і вырашыць гэтае пытанне, выкліканае форс-мажорнай сітуацыяй.

"Альбо працягнем, альбо нейкім чынам пралангуем сітуацыю з заробкамі. Не думаю, што спартсмены панясуць страты. Зразумела, што сёння вымушаны прастой у спорце, як і ва ўсіх іншых галінах - эканоміцы і гэтак далей. Будзем глядзець, мудра падыходзіць да кожнай канкрэтнай сітуацыі", - перадае словы міністра тэлеканал "Беларусь 5".

Пандэмія каронавіруса ўдарыла не толькі па буйных турнірах, але і па бяспецы спартсменаў. Кожную зіму некаторыя нацыянальныя каманды выязджаюць з Беларусі ў Турцыю, Іспанію, Партугалію і іншыя краіны для лепшай падрыхтоўкі. Як правіла, гэта тычыцца веславання і астатніх відаў спорту, якімі немагчыма займацца пры халодным надвор'і.

Кавальчук пацвердзіў, што ўсе беларускія спартсмены, якія знаходзіліся за мяжой падчас каронавіруса, вярнуліся дадому і без праблем прайшлі двухтыднёвы каранцін.

"Я з задавальненнем хачу сказаць, што ўсе нашы спартсмены вярнуліся ў Беларусь. 1 008 чалавек знаходзіліся за мяжой. Нам удалося за кароткі перыяд усіх вярнуць. Усе прайшлі каранцін, прайшлі паспяхова. Многія прыемна здзіўлены "Стайкамі" і "Раўбічамі, якія змяніліся. Мы за гэтыя два гады значна палепшылі інфраструктуру аб'ектаў. Магчымасці на нашых базах зараз не саступаюць замежным", - заявіў чыноўнік.

Разам з Алімпіядай адмяніліся і кваліфікацыйныя турніры, дзе Беларусь магла б дабраць астатнія ліцэнзіі. Больш за палову магчымых пуцёвак на АГ беларускія спартсмены ўжо заваявалі, але да гэтага часу няма афіцыйнай інфармацыі пра тое, ці застануцца ў сіле квоты, заваяваныя за год да турніру.

Кавальчук пацвердзіў, што каляндарныя планы падрыхтоўкі спартсменаў будуць перагледжаны і ў першую чаргу акцэнт будзе зроблены на тых, хто яшчэ не кваліфікаваўся на Гульні.

5
Тэги:
каронавірус, Беларусь, Міністэрства спорту і турызму РБ

Самы моцны чалавек планеты жыве ў Мінску - відэа

12
(абноўлена 13:30 08.07.2020)
Алімпійскі чэмпіён Леанід Тараненка ўстанавіў сусветны рэкорд у 1988 годзе. І яго дасягненне да гэтага часу ніхто не пабіў. Глядзіце на відэа гісторыю легендарнага беларускага цяжкаатлета.

Праз восем гадоў пасля трыумфальнага золата на "Алімпіядзе-80" цяжкаатлет Леанід Тараненка паехаў на спаборніцтвы ў Аўстралію. Там ён устанавіў сусветны рэкорд - падняў у штуршку штангі 266 кілаграмаў - і гэты рэкорд трымаецца ўжо больш за 30 гадоў. Да гэтага часу яго ніхто не змог пабіць.

Зараз самы моцны чалавек планеты - на пенсіі. Скончыўшы спартыўную кар'еру, ён выгадаваў прызёра Алімпіяды па цяжкай атлетыцы для Індыі. Тараненка заўсёды быў супраць жаночай цяжкай атлетыкі, а калі прыехаў трэнерам у Індыю, менавіта ў жаночую зборную яго і накіравалі. Да таго, як са зборнай пачаў працаваць беларускі трэнер, алімпійскіх медалёў там не было.

Больш за тое, калі Тараненка запэўніваў, што адна з яго выхаванак стане прызёрам Алімпіяды, на яго глядзелі са здзіўленнем. А калісьці з такім жа здзіўленнем глядзелі на трэнера самога Тараненкі - легендарнага Івана Лагвіновіча. У тым, што яго выхаванец возьме "золата" ў Маскве, сумневаў у яго не было. Для гэтага трэба было перамагчы балгарскага спартсмена Валянціна Хрыстова, які яшчэ за чатыры гады да алімпіяды абвясціў, што ў Маскву прыедзе за "золатам".

"І тут з'яўляецца нейкі беларус", - смяецца Тараненка.

У спартсмена не было сумненняў у тым, што Алімпіяда для яго будзе паспяховай. Як і не было часу на адпачынак.
За ўвесь час, што ў Маскве праходзілі Гульні, Леанід Аркадзьевіч пабываў у спецыяльна пабудаванай Алімпійскай вёсцы толькі адзін раз. Трэніроўкі, падрыхтоўка - усё гэта забірала і час, і сілы.

На Алімпіяду невялікая частка спартсменаў прыязджае спаборнічаць, астатнія прыязджаюць забаўляцца і адпачываць, кажа спартсмен. Ён быў на спаборніцтвах, каб узяць золата.

Праз шмат гадоў у Беларусі яго веды і вопыт засталіся незапатрабаваныя, прызнае спартсмен. Не без суму кажа, што хацеў бы трэніраваць, што адчувае ў сабе сілы "аграніць алмаз" - прывесці таленавітага спартсмена да добрых вынікаў. Але нават па кансультацыі да чалавека, чый рэкорд да гэтага часу не пабіты, у Беларусі не звяртаюцца.
Так што вольны час ён праводзіць у лесе - любіць паляванне. Ці сочыць за спаборніцтвамі? Ад цяжкай атлетыкі, прызнаецца Тараненка, ужо нікуды не падзецца. Штанга сніцца яму да гэтага часу.

12
Тэги:
Алімпіяда-1980
Тэмы:
Алімпіяда - 80
Сцягі краін СНД

Каля 300 беларускіх спартсменаў адправяцца на I Гульні краін СНД у Казань

6
(абноўлена 09:07 07.07.2020)
У спаборніцтвах могуць прымаць удзел атлеты ва ўзросце ад 14 да 23 гадоў, выступаць яны будуць у 22 відах спорту.

МІНСК, 7 ліп - Sputnik. Каля 300 спартсменаў з Беларусі адправяцца на I Гульні краін СНД, якія плануецца правесці ў верасні гэтага года ў Казані, пра гэта паведамілі ў прэс-службе Мінспорту і турызму рэспублікі.

"Каля 300 беларускіх спартсменаў прыме ўдзел у I Гульнях краін СНД. Пра гэта заявіў міністр спорту і турызму Рэспублікі Беларусь Сяргей Кавальчук падчас відэаканферэнцыі, якая прайшла пад эгідай Выканаўчага камітэта СНД", - праінфармавалі ў ведамстве.

Калі ўключыць у дэлегацыю трэнераў, суддзяў і адміністрацыйны апарат, то яна павялічваецца ўжо да прыкладна 390 чалавек. Па словах міністра, спартсмены ўжо "засумавалі па спаборніцтвах", а Гульні краін Садружнасці даюць выдатную магчымасць памерацца сіламі з супернікамі.

Плануецца, што беларускія атлеты выступяць у 20 відах спорту.

У Мінспорта ўдакладнілі, што Гульні пройдуць у Казані з 4 па 11 верасня. Іх планавалася правесці ў жніўні, аднак у сувязі з эпідэміялагічным становішчам іх было вырашана перанесці на больш позні тэрмін.

У спаборніцтвах будуць удзельнічаць спартсмены ад 14 да 23 гадоў, будзе разыграна каля 280 камплектаў медалёў. Ініцыятарам Гульняў выступае Расія.

6
Тэги:
Казань, СНД, Спорт
Паэтычны батл Вершус прайшоў у Мінску

Тэст: адгадай Колас ці Купала?

433
(абноўлена 10:05 10.07.2020)
Нягледзячы на тое, што вершы двух песняроў беларускай зямлі добра вядомыя кожнаму школьніку, іх даволі часта блытаюць.

Якуб Колас і Янка Купала – дзве асобы, з якімі, сапраўды, асацыюецца беларуская паэзія. Абодва яны шчыра спачувалі нядолі роднай зямлі, абодва заклікалі працаваць, вучыцца і любіць Беларусь і беларускую мову. Вершы, паэмы і празаічныя творы Янкі Купалы і Якуба Коласа добра вядомыя кожнаму беларусу са школы.

Ці зможаце вы пазнаць радкі з вядомых твораў паэтаў – або, калі не памятаеце, паспрабаваць пазнаць стыль?

433
Тэги:
Вершы, тэст, Якуб Колас, Янка Купала
Тэмы:
Беларуская літаратура
По теме
Тэст: ці ведаеце вы беларускія прыказкі
Тэст: ці пазнаеце вы беларускія фразеалагізмы па эмодзі?
Тэст: ці добра вы ведаеце беларускія фразеалагізмы?
Тэст: пазнай Міцкевіча на партрэце
Тэст: якія беларускія творы схаваліся за эмодзі
Тэст: Багдановіч ці не?