МІНСК, 10 вер - Sputnik. Беларуская тэнісістка Вікторыя Азаранка атрымала перамогу ў чарговым матчы US Open і выйшла ў паўфінал, паведамляе Sputnik.
Экс-першая ракетка свету, якая займае цяпер 27-ы радок рэйтынгу WTA, у матчы 1/4 фіналу сустрэлася на корце з бельгійкай Элізай Мертенс (16-я пазіцыя WTA). У двухсэтавам паядынку Азаранка здолела атрымаць перамогу над саперніцай. Матч доўжыўся 1 гадзіну 14 хвілін і завяршыўся з лікам 6:1, 6:0.
У паўфінале беларуска сустрэнецца з шасціразовай чэмпіёнкай US Open Серэнай Уільямс (8 WTA). Уільямс выйгравала US Open шэсць разоў (апошні раз - у 2014 годзе), яшчэ дзве перамогі яна атрымала ў парным разрадзе.
Раней спартсменкі ўжо сустракаліся на кортах турніру ў 2012 і 2013 гадах, тады перамогу атрымала амерыканка.
Азаранка паспяхова выступае ў гэтым годзе на турніры. Яна ўжо абыграла аўстрыйку Барбару Хаас, сваю суайчынніцу Арыну Сабаленка, польскую тэнісістку Iгу Швэнтак і прадстаўніцу Чэхіі Караліну Мухаву.
У парным разрадзе беларуская тэнісістка разам з напарніцай амерыканкай Сафіяй Кенін завяршыла сваё выступленне на турніры, дайшоўшы да 1/8 фіналу.
Адкрыты чэмпіянат ЗША па тэнісе завершыцца 13 верасня. Агульны прызавы фонд турніру складае 53,4 мільёна даляраў. З-за эпідэміялагічнай сітуацыі спаборніцтвы праходзяць без гледачоў.
