Алімбекава ўвайшла ў топ-5 агульнага заліку Кубка свету па біятлоне
(абноўлена 12:38 21.12.2020)
Бягучы сезон для беларускай спартсменкі складваецца ўдала, яна запісала ў свой актыў першае месца ў спрынце і другое ў гонцы пераследу.МІНСК, 21 сне - Sputnik. Беларуская біятланістка Дынара Алімбекава займае пятае месца ў агульным заліку Кубка свету, паведамляе Sputnik.
Спартсменка выйграла спрынт на 3-м этапе Кубка свету, а пасля стала другой у гонцы пераследу.
Зараз Алімбекава ў агульным заліку займае пятую пазіцыю, набраўшы 326 пунктаў. Лепшы вынік у нарвежкі Марце Олсбю-Ройзеланд (415). На другой пазіцыі знаходзіцца шведская біятланістка Ханна Эберг (378). Замыкае тройку лідараў спартсменка з Нарвегіі Цірыль Экхоф (346).
Іншыя біятланісткі зборнай Беларусі знаходзяцца на наступных пазіцыях: Алена Кручынкіна - 27-я (100), Ірына Крыўко - 29-я (97), Ганна Сола - 37-я (65).
Чарговы кубкавы этап пройдзе ў нямецкім Оберхофе 4-10 студзеня. У першы дзень спаборніцтваў лепшых выявяць дзяўчаты і хлопцы ў спрынтэрскіх гонках.
Тэги:
"Голы" забег: беларусам прапанавалі пабегаць на Вадохрышча
(абноўлена 09:42 16.01.2021)
Стартаваць удзельнікі будуць з голым торсам, а дыстанцыю скончаць купаннем у палонцы – усім, хто дойдзе да фінішу, абяцаюць медалі.МІНСК, 16 сту - Sputnik. Вадохрышчанскі забег правядуць у сталіцы 17 студзеня, пра гэта распавёў Sputnik арганізатар масавых мерапрыемстваў Беларускай федэрацыі лёгкай атлетыкі Сяргей Зыкаў.
Сярод удзельнікаў і мужчыны, і жанчыны, яны змогуць падзяліцца на пяць узроставых катэгорый: 30 гадоў і меней, 31-40 гадоў, 41-50 гадоў, 51-60 гадоў і 60 і старэй. Прабегчы на выбар трэба будзе дзве трейлавыя дыстанцыі: 5 кіламетраў 300 метраў (1 круг) і 20 кіламетраў 300 метраў (4 круга).
"Пакуль мы толькі рэкамендуем бегчы з голым торсам - мароз кожны ўспрымае па-свойму. На дыстанцыі будуць дзяжурыць валанцёры, якія дапамогуць у выпадку пераахаладжэння", - растлумачыў Зыкаў.
"Падчас бегу рабіць ўдых носам, а выдых праз рот або праз нос, каб дыхальныя каналы перыядычна выграваліся цёплым паветрам з лёгкіх. І, вядома, варта мець пры сабе флісавую кофту", - даў практычныя парады арганізатар.
Пачнецца забег у парку Перамогі каля спарткомплексу "Дынама", а яго маршрут праляжа ўздоўж праспекта Пераможцаў і вуліц Арлоўская, Нававіленская, Багдановіча. На мерапрыемства, па дадзеных арганізатараў, ужо запісалася 80 чалавек. Пасля фінішу ўсе, хто дабеглі, атрымаюць памятныя медалі і змогуць нырнуць у палонку - гэта ўжо квэст для падрыхтаваных смельчакоў.
Тэги:
Шаранговіч стаў першым беларусам у НХЛ за 5 гадоў
(абноўлена 09:39 15.01.2021)
Хакеіст у канцы снежня пакінуў мінскае "Дынама", ён выступаў за "зуброў" на правах арэнды, пасля чаго адправіўся ў размяшчэнне клуба НХЛ, дзе дэбютаваў за "Нью-Джэрсі".МІНСК, 15 сту – Sputnik. Беларус Ягор Шаранговіч дэбютаваў за "Нью-Джэрсі" у матчы рэгулярнага чэмпіянату НХЛ супраць "Бостана", паведамляе Sрutnik.
Дэбютны матч у "д'яблаў" не склаўся: у зацятым процістаянні хакеісты саступілі сваім апанентам па булітах - 2:3. Беларускі ж форвард у гэтай сустрэчы правёў на лёдзе 17 хвілін 23 секунды фактычна ў першым звяне. Разам з Джэкам Х'юзам і Кайлам Палміеры.
За гульню Шаранговіч чатыры разы спрабаваў засмуціць галкіпера сапернікаў, яму ўдалося заблакіраваць шайбу апанентаў, выйграць чатыры з пяці ўкідванняў. Матч беларус завяршыў з паказчыкам карыснасці "+1".
Як паведамляе афіцыйны сайт Федэрацыі хакея Беларусі, былы хакеіст "Нью-Джэрсі" Брайс Сальвадор (правёў 786 матчаў у НХЛ), не раз адзначаў паспяховую гульню Шаранговіча, вылучаючы у тым ліку яго хуткасць, манеўранасць і здольнасць ствараць моманты.
Наступны матч "Нью-Джэрсі" правядзе з "Бостанам" 16 студзеня. Пачнецца сустрэча у 21:00 (па мінскім часе).
Акрамя Шаранговіча ў НХЛ з беларусаў гуляў Міхаіл Грабоўскі (2016 год).
Тэги:
У жыцці за палярным кругам ёсць адзін плюс - і вось ён. Відэа
(абноўлена 14:49 16.01.2021)
Ніколі не бачылі паўночнага ззяння? Глядзіце на відэа, які выгляд на неба адкрыўся жыхарам пасёлка ў Мурманскай вобласці. Не грэе - затое як свеціць!За звыклай для паўночных шырот, але вельмі відовішчнай прыроднай з'явай - паўночным ззяннем - маглі назіраць жыхары пасёлка Ура-Губа ў Мурманскай вобласці.
На кадрах, знятых з ужываннем тэхналогіі паскоранай кіназдымкі таймлапс, захавана палатно нябеснага святлення смарагдавых адценняў з пурпурнымі бакамі.
Aurora Borealis, або паўночнае ззянне - гэта свячэнне верхніх слаёў атмасфер планет, якія валодаюць магнітасфэрай, з прычыны іх узаемадзеяння з зараджанымі часціцамі сонечнага ветру.
Глядзіце на відэа, як выглядае адна з галоўных ці, па меншай меры, прыгожых прычын пажыць за палярным кругам.
Тэги: