Арына Сабаленка

Упершыню ў кар'еры: Сабаленка заняла 7-е месца ў сусветным тэнісным рэйтынгу

19
(абноўлена 12:34 18.01.2021)
У пачатку года беларуска замыкала дзесятку ў рэйтынгу WTA, а пасля перамогі на турніры ў Абу-Дабі паднялася на тры пазіцыі.

МІНСК, 18 сту – Sputnik. Першая ракетка Беларусі Арына Сабаленка паднялася на 7-е месца ў сусветным тэнісным рэйтынгу, пакуль гэта яе лепшая пазіцыя ў кар'еры.

Беларуска на мінулым тыдні выйграла турнір у ААЭ, абыграўшы ў фінале расіянку Вераніку Кудэрметаву. Гэта яе трэці кубак запар. У мінулым сезоне Сабаленка перамагла на спаборніцтвах у чэшскай Астраве (дзе ў фінале, дарэчы, сустрэлася з Вікторыяй Азаранка) і аўстрыйскім Лінцы.

Дзякуючы трыумфу ў Абу-Дабі Арына паднялася на тры радкі ў рэйтынгу і цяпер мае ў актыве 4580 ачкоў. У яе бліжэйшай праследавацельніцы - канадкі Б'янкі Андрэеску - 4555 ачкоў.

Яшчэ адна беларуска Вікторыя Азаранка, як і да гэтага, цяпер займае 13-е месца ў рэйтынгу WTA, маючы 3426 ачкоў. Аляксандра Сасновіч знаходзіцца на 90-й пазіцыі (838 балаў).

У топ-3 першага ў 2021 годзе рэйтынгу трапілі аўстралійка Эшлі Барці, румынка Сімона Халеп і японка Наомі Асака.

У сусветным рэйтынгу ў мужчын лідзіруе серб Новак Джокавіч, на другой пазіцыі - іспанец Рафаэль Надаль, на трэцяй - аўстрыец Дамінік Цім. Лепшы сярод беларусаў Ягор Герасімаў, ён на 78-м месцы.

Зараз тэнісісты рыхтуюцца да Australian Open - першаму ў сезоне турніру серыі Вялікага шлема. Ён пройдзе з 8 па 21 лютага ў Мельбурне.

Раней Вікторыя Азаранка паведаміла, што прапусціць трэніроўкі з-за каронавіруса: у двух чалавек, якія ляцелі з ёй чартарным рэйсам у Мэльбурн, тэст на COVID-19 апынуўся станоўчым. Бліжэйшыя два тыдні беларуска, якая двойчы перамагала ў Адкрытым чэмпіянаце Аўстраліі (2012, 2013 гады), будзе знаходзіцца на каранціне.

Чытайце таксама:

19
Тэги:
рэйтынг WTA, тэніс, Арына Сабаленка
Ірына Жук

Жук устанавіла нацыянальны рэкорд Беларусі па скачку з шастом

12
(абноўлена 11:06 25.02.2021)
Папярэдні рэкорд для залаў належаў ёй жа - 4,66 метра - і быў устаноўлены ў студзені на Кубку Беларусі.

МІНСК, 25 лют – Sputnik. Беларуска Ірына Жук, якая выступае ў скачку з шастом, устанавіла нацыянальны рэкорд у памяшканні на турніры World Athletics Indoor Tour у Мадрыдзе, паведамляе Sputnik.

Жук з першай спробы пакарыла 4,67 метра, устанавіўшы рэкорд Беларусі ў памяшканні. Таксама яна спрабавала пераадолець 4,72 метра, але гэтыя спробы не ўвянчаліся поспехам. Другое месца дасталася славенскай спартсменцы Ціне Суцей (4,57). Замкнула тройку лідэраў канадка Аліша Ньюман (4,57).

Папярэдні рэкорд у памяшканні таксама належаў Жук. Яна ўстанавіла яго ў канцы студзеня на Кубку Беларусі ў Гомелі (4,66).

Беларускія лёгкааталеты працягнуць спаборніцкі сезон. 4-7 сакавіка ў польскім Торуні пройдзе чэмпіянат Еўропы ў памяшканні.

World Athletics Indoor Tour - гэта штогадовая серыя спаборніцтваў па лёгкай атлетыцы, якія пачалі праводзіць пасля 2016-га года. Гэтыя турніры былі закліканы павысіць прэстыж "каралевы" спорту ў закрытых памяшканнях.

У 2021 годзе былі ўведзены тры ўзроўні спаборніцтваў: залаты, сярэбраны і бронзавы. Этап у Іспаніі насіў статус залатога.

Раней беларускі скакун у вышыню Максім Недасекаў выйграў турнір Copernicus Cup у Польшчы, таксама устанавіўшы пры гэтым нацыянальны рэкорд у памяшканні. Скакуну пакарылася вышыня ў 2,34 метра.

Чытайце таксама:

12
Тэги:
Ірына Жук, Беларусь, Рэкорды
Арына Сабаленка

Арына Сабаленка пераадолела метку ў 7 млн долараў прызавых

10
(абноўлена 10:38 24.02.2021)
Зараз Сабаленка ў адзіночным рэйтынгу WTA займае восьмы радок - у панядзелак яна апусцілася на адзін пункт у топе лепшых тэнісістак свету.

МІНСК, 24 лют – Sputnik. Тэнісістка Арына Сабаленка здолела пераадолець адзнаку у сем мільёнаў долараў прызавых за спартыўную кар'еру, сведчаць дадзеныя Жаночай тэніснай асацыяцыі.

На гэты час беларуская спартсменка зарабіла 7,302 мільёна долараў, у тым ліку ў бягучым годзе - больш за 927 тысяч.

Зараз на рахунку Сабаленкі дзевяць тытулаў турніраў WTA у адзіночным разрадзе, а таксама пяць - у пары. Статыстыка паражэнняў і перамог беларускі ў адзіночных спаборніцтвах - 239 да 123, у пары - 80 да 61.

Зараз Сабаленка ў адзіночным рэйтынгу WTA займае восьмы радок - у панядзелак яна апусцілася на адну пазіцыю ў топе найлепшых тэнісістак свету. У парным разрадзе яна з'яўляецца першай ракеткай свету, на другім месцы - яе партнёрка з Бельгіі Эліс Мертэнс.

Нагадаем, былая першая ракетка свету Вікторыя Азаранка, якая цяпер у рэйтынгу WTA займае 14-е месца, за сваю спартыўную кар'еру ў тэнісе ўжо паспела зарабіць 32,4 мільёна долараў.

Чытайце таксама:

10
Тэги:
долар, рэйтынг WTA, Рэйтынг, Арына Сабаленка
Сітуацыя ў Ерэване

Палітычны крызіс у Арменіі: што адбываецца ў краіне зараз

0
(абноўлена 10:04 26.02.2021)
Напярэдадні Генеральны штаб узброеных сіл запатрабаваў адстаўкі прэм'ер-міністра, пасля чаго было прынята рашэнне аб звальненні начальніка Генштаба і яго намесніка.

МІНСК, 26 лют – Sputnik. Каля двух соцень праціўнікаў прэм'ер-міністра Арменіі Нікола Пашыняна правялі ноч у палатачным лагеры на праспекце Баграмяна ў Ерэване, аднак у цэлым абстаноўка ў сталіцы мірная, у астатніх раёнах таксама няма ніякіх прыкмет актыўнасці.

Напярэдадні прэм'ер-міністр краіны заявіў пра спробу ваеннага перавароту.

Кіраўніцтва Галоўнага штаба (ГШ) Узброеных сіл Арменіі ў чацвер выступіў з патрабаваннем аб адстаўцы Пашыняна і перасцераглі яго ад прымянення сілы супраць свайго народа. У сваю чаргу прэм'ер пасля заявы Генштаба вызваліў яго кіраўніка Оніка Гаспарана ад пасады. Пасля гэтых падзей у Ерэване пачаліся акцыі прыхільнікаў і праціўнікаў Пашыняна.

Прэм'ер-міністр выступіў на мітынгу, дзе сказаў, што пытанне яго сыходу павінен вырашыць толькі народ.

У чацвер вечарам апазіцыя ўзвяла барыкады і разбіла палатачны лагер каля парламента краіны.

Бакі шукаюць шляхі захавання парадку

Напярэдадні прэзідэнт Арменіі Армэн Саркісян, які пакуль не падпісаў указ аб адстаўцы Гаспарана, заявіў, што робіць захады па зніжэнні эскалацыі ў краіне і пошуку мірнага ўрэгулявання сітуацыі. Прэзідэнт таксама заклікаў усе дзяржорганы, сілавыя структуры, палітычныя сілы, усіх грамадзян праяўляць стрыманасць і разважлівасць.

Як паведамляе Sputnik Арменія, улады краіны сустрэліся з кіраўніком закаўказскага рэгіёну, які ва ўнутрыпалітычным крызісе захоўвае нейтралітэт.

Кіраўнік Нагорнага Карабаха правёў перамовы з начальнікам Генеральнага штаба Арменіі, а таксама прэм'ер-міністрам рэспублікі. Сустрэча прайшла ў адпаведнасці з загадзя абвешчанай гатоўнасцю аб пасярэдніцтве. У перамовах таксама прынялі ўдзел дырэктар Службы нацыянальнай бяспекі (СНБ) і сакратар Савета бяспекі.

Галоўным вынікам стала абвяржэнне інфармацыі пра магчымую адстаўку бакоў.

"Прэзідэнт Аруцюнян правёў сустрэчы і з прэм'ер-міністрам Ніколам Пашынянам, і з Онікам Гаспаранам, абмеркаваў з імі некаторыя пытанні, звязаныя з пераадоленнем існуючай сітуацыі, прымаючы за аснову прыярытэты ўнутранай стабільнасці і знешняй бяспекі Арменіі і Арцаха. Інфармацыя пра тое, што Аруцюнян нібыта патрабаваў адстаўкі начальніка Генштаба ВС Арменіі Оніка Гаспаряна, не адпавядае рэчаіснасці", - паведаміла прэс-сакратар прэзідэнта Нагорнага Карабаха Лусінэ Аванесян.

Митинг сторонников премьер-министра Никола Пашиняна в центре Еревана
© Sputnik / Арам Нерсесян
Мітынг прыхільнікаў прэм"ер-міністра Нікола Пашыняна ў цэнтры Ерэвана

Да гэтай гадзіны кіраўнік Нагорнага Карабаха застаецца ў Арменіі.

Пуцін і Пашынян абмеркавалі сітуацыю

Сітуацыю, якая склалася ў Арменіі, абмеркавалі прэзідэнт Расіі Уладзімір Пуцін і армянскі прэм'ер-міністр Нікол Пашынян.

Як распавёў прэс-сакратар расійскага прэзідэнта, "Пуцін выказаўся на карысць захавання парадку і спакою ў Арменіі, урэгулявання сітуацыі ў рамках закона" і "заклікаў усе бакі да стрыманасці".

З чаго ўсё пачалося

Масавыя акцыі пратэсту прыхільнікаў і праціўнікаў Пашынян пачаліся ў Арменіі ў чацвер, 25 лютага. Прычынай стала звальненне начальніка Генштаба ВС краіны Оніка Гаспарана, які запатрабаваў адстаўкі прэм'ер-міністра. Кіраўнік кабміна расцаніў гэтую заяву як спробу ваеннага перавароту. Разам з тым, прэзідэнт Арменіі Армэн Саркісян, які па Канстытуцыі па прапанове прэм'ера прызначае і здымае з пасады начальніка Генштаба, пакуль не падпісаў указ аб звальненні Гаспарана.

Па законе для рашэння аб зняцці начальніка Генеральнага штаба ў прэм'ер-міністра ёсць тры дні. Затым дакументы адправяцца ў Канстытуцыйны суд, дзе на канчатковы вердыкт прадугледжана яшчэ 5 дзён.

Пасяджэнне савета парламента Арменіі, на якім па прапанове апазіцыі плануецца абмеркаванне маючай месца ўнутрыпалітычнай сітуацыі і пытання адмены ваеннага становішча, прызначаны на раніцу пятніцы.

Падзеі ў Арменіі разгортваюцца на фоне нядаўняга канфлікту паміж Нагорным Карабахам і Азербайджанам.

Чытайце таксама:

0
Тэги:
акцыі пратэстаў, Нагорны Карабах, Ерэван, Нікол Пашынян, Арменія