"Зубры" упершыню за 7 гадоў перамаглі "Северсталь" у Мінску
(абноўлена 09:41 26.01.2021)
У гэтым сезоне падапечныя Крэйга Вудкрафта сустракаліся з чарапаўчанамі чытыре разы: тройчы поспех святкавалі "бела-сінія".МІНСК, 26 сту – Sputnik. Мінскае "Дынама" перамагло на "Мінск-Арэне" чарапавецкую "Северсталь" з лікам 2:1 у панядзелак, паведамляе Sputnik.
Першымі лік адкрылі "зубры": у сярэдзіне другога перыяду вызначыўся Арцём Дзямкоў. У пачатку трэцяй 20-хвілінкі лік зраўняў Якаб Берглунд, аднак за 10 хвілін да сірэны Шэйн Прынс зноў вывеў мінчан наперад.
Тыдзень таму ў Чарапаўцы "Дынама" з такім жа лікам перамагло "сталёвых". У гэтым сезоне каманды ўжо сустракаліся чатыры разы: тройчы вікторыю святкавалі падапечныя Вудкрафта. Апошняе супрацьстаянне ў Мінску стала 40-й вочнай сустрэчай калектываў: па колькасці перамог нічыя - 20:20. Але па закінутых шайбах лідзіруюць "зубры" - 103 супраць 94.
Дарэчы, да гэтага матча дынамаўцы не маглі абыграць "Северсталь" на хатнім лёдзе з 27 сакавіка 2014 года. Зараз мінчане займаюць 5-е месца ў Заходняй канферэнцыі.
Да канца студзеня "бела-сінія" будуць гуляць на "Мінск-Арэне": 27 студзеня - супраць ніжагародскага "Тарпеда", 29 студзеня - з маскоўскім ЦСКА, 31 студзеня - супраць падольскага "Віцязя".
Чытайце таксама:
- Мінскае "Дынама" атрымала другую перамогу запар у выязной серыі
- Буйная перамога мінскага "Дынама": абыгралі рыжскіх аднаклубнікаў 6:2
- Мінскае "Дынама" выйграла ў піцерскага СКА ў хатнім матчы КХЛ
Тэги:
Стартуе чэмпіянат Еўропы па лёгкай атлетыцы: на ім выступяць 22 беларусы
(абноўлена 11:45 04.03.2021)
Галоўны старт сезона пройдзе ў Польшчы і збярэ моцны састаў - аднак на яго не змогуць прыехаць расійскія спартсмены.МІНСК, 4 сак – Sputnik. Удзел у чэмпіянаце Еўропы па лёгкай атлетыцы ў памяшканні, які пройдзе ў Таруні, прымуць 22 беларускія спартсмены, паведамляе Sputnik.
У ліку найбольш тытулаваных беларускіх атлетаў за медалі паспаборнічаюць Эльвіра Герман (бег з бар'ерамі), Крысціна Ціманоўская (бег), Алена Дубіцкая (штурханне ядра), Карына Дземідзік і Максім Недасекаў (скачок у вышыню), Ірына Жук (скачок з шастом) і Анастасія Мірончык-Іванова (скачок у даўжыню).
Будучыя спаборніцтвы - выдатная магчымасць правесці рэпетыцыю перад Алімпійскімі гульнямі ў Токіо. Як паведамілі Sputnik у Беларускай федэрацыі лёгкай атлетыкі, пакуль на рахунку нашых спартсменаў ёсць 18 пуцёвак на Гульні ў сталіцу Японіі.
Турнір не абяцае быць простым: сярод тых, хто заявіўся, - рэкардсмен свету ў скачку з шастом швед Арман Дзюпланціс. Паспаборнічаць з ім мог бы і расійскі скакун з шастом Мацвей Волкаў, але пакуль пытанне пра выступленне спартсмена пад сцягам Беларусі знаходзіцца на разглядзе World Athletics. Таму для яго ўжо сезон скончаны.
©
Photo : Пресс-служба президента РБ
На жаль, не прыедуць у Польшчу расійскія спартсмены - яны пакуль не атрымалі міжнародны допуск. У мінулым годзе Міжнародная федэрацыя лёгкай атлетыкі (World Athletics) забараніла расійскім лёгкаатлетам удзельнічаць у міжнародных спаборніцтвах з прычыны нявыплаты штрафу Усерасійскай федэрацыяй лёгкай атлетыкі (УФЛА) за допінгавыя парушэнні. Сума ў выніку была выплачана, зараз УФЛА узгадняе аднаўленне ў World Athletics.
Чэмпіянат пройдзе 4-7 сакавіка ў Таруні (Польшча). Цырымонія адкрыцця спаборніцтваў адбудзецца ў чацвер у 18:30 (20:30 па мінскім часе). Плануецца, што ўсяго ўдзел у іх возьмуць больш за 730 атлетаў Старога Свету.
Чытайце таксама:
- Жук устанавіла нацыянальны рэкорд Беларусі па скачку з шастом
- Недасекаў устанавіў рэкорд Беларусі ў скачках у вышыню на турніры ў Польшчы
- Польшча замест Беларусі прыме Суперлігу па лёгкай атлетыцы ў 2021 годзе
Тэги:
Вудкрафт пракаменціраваў паражэнне "Дынама" ад СКА: крыху не хапіла
(абноўлена 12:40 03.03.2021)
Хакеісты мінскага "Дынама" у аўторак пацярпелі паражэнне ў стартавым матчы плэй-оф Кубка Гагарына. МІНСК, 3 сак – Sputnik. Хакеісты "Дынама" добра правялі першы і другі перыяд, у трэцім таксама выступілі нядрэнна, заявіў галоўны трэнер "зуброў" Крэйг Вудкрафт.
Першы матч плэй-оф Кубка Гагарына ў аўторак мінчане правялі супраць СКА. Перамогу святкаваў піцерскі клуб - 2:4.
Вудкрафт лічыць, што беларускаму клубу не хапіла крыху, каб адыграцца.
"Хлопцам крыху не хапіла, каб вярнуцца ў гульню пры ліку 2:3. Што ж, пасля першага паядынку плэй-оф самае галоўнае - адпачыць, зрабіць высновы і зразумець, як правільна падысці да другой сустрэчы ў серыі з піцерцамі", - цытуе свайго галоўнага трэнера прэс-служба.
Па словах канадскага спецыяліста, мінчанам прыйдзецца яшчэ выправіць невялікія памылкі ў гульні.
Тым не менш, ён адзначыў добрую працу каманды ў меншасці, адзначыўшы важнасць таго, каб у плэй-оф на лідзіруючыя пазіцыі выходзілі моцныя хлопцы.
Наступны матч плэй-оф Кубка Гагарына мінскае "Дынама" і СКА правядуць у Санкт-Пецярбургу ў чацвер, 4 сакавіка. Затым серыя пераедзе ў Мінск, у беларускай сталіцы гульні запланаваны на 6 і 8 сакавіка.
Чытайце таксама:
- Упершыню за 4 гады: мінскае "Дынама" выйшла ў плэй-оф КХЛ
- Мінскае "Дынама" выйграла ў аднаклубнікаў з Рыгі ў КХЛ
- Мінскае "Дынама" выйграла ў чэлябінскага "Трактара"
Тэги:
Які сёння дзень: 5 сакавіка 2021 года
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 5 сакавіка
- У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
- У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
- У 1992 годзе Беларусь устанавіла дыпламатычныя адносіны з Грэцыяй і Малайзіяй.
Хто нарадзіўся 5 сакавіка
- 1777 год: Юзаф Маралёўскі, беларускі паэт і педагог.
- 1896 год: Кандрат Крапіва, беларускі навуковец і пісьменнік.
- 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.
Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.
5 сакавіка ў народным календары
Сёння Праваслаўная Царква шануе памяць вялебнага Льва Катанскага.
Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.
Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.
Тэги: