Алімпійскія кольцы ў Пекіне

Беларусь атрымала афіцыйнае запрашэнне на зімовую Алімпіяду

24
(абноўлена 16:58 08.02.2021)
На апошняй зімовай Алімпіядзе ў Пхенчхане у 2018 годзе беларускія атлеты заваявалі тры ўзнагароды - два золата і срэбра.

МІНСК, 8 лют – Sputnik. Нацыянальны Алімпійскі камітэт атрымаў ліст на ўдзел беларускай зборнай каманды ў Гульнях у Пекіне ў 2022 годзе, паведаміла прэс-служба НАК.

Медалі на 24-й Алімпіядзе будуць разыграны ў 109 дысцыплінах у сямі відах спорту. Упершыню золата разыграюць ў такіх дысцыплінах, як жаночы слоупстайл (разнавіднасць фрыстайла), а таксама сярод мужчын і жанчын у біг-эйры (від сноўборда).

Зімовыя гульні ў Кітаі пройдуць на 25 пляцоўках. Стадыёны і арэны размешчаны ў трох кластарах: у Пекіне - фігурнае катанне, канькабежны спорт, хакей, шорт-трэк; ў правінцыі Хунань ў Чжанцзяцзе - лыжныя гонкі, біятлон і сноўборд; у Яньцыне - горныя лыжы, санкавы спорт і бабслей.

Талісманам Гульняў стала панда па мянушцы Бін Дунь Дунь. Спаборніцтвы пройдуць з 4 по 20 лютага 2022 года.

Нагадаем, на апошняй зімовай Алімпіядзе ў Пхенчхане ў 2018 годзе беларускія атлеты заваявалі тры ўзнагароды: золата - у фрыстайлісткі Ганны Гуськовай (лыжная акрабатыка), а таксама жаночай біятлоннай каманды ў эстафеце (Надзея Скардзіна, Ірына Крыўко, Дынара Алімбекава і Дар'я Домрачава), срэбра - у Домрачавай у гонцы з масавым стартам.

Чытайце таксама:

24
Тэги:
Беларусь, Пекін, Кітай, Алімпіяда
МАЗы пасля пралога Золота Кагана

Абвешчаны састаў "МАЗ-СПОРТаўта" на ралі "Шелковый путь-2021"

9
(абноўлена 16:42 15.06.2021)
Ралі-рэйд пройдзе з 1 па 11 ліпеня па тэрыторыях Расіі і Манголіі, беларуская каманда выступіць трыма экіпажамі.

МІНСК, 16 чэр – Sputnik. Тры экіпажы беларускай каманды "МАЗ-СПОРТаўта" выступяць на ралі "Шелковый путь-2021", паведаміла ў аўторак прэс-служба "чырвоных зуброў".

"Шелковый путь-2021" пройдзе з 1 па 11 ліпеня па тэрыторыі Расіі і Манголіі. Стартаваць гоншчыкі будуць у Омску, а фінішуюць ва Улан-Батары. Ім трэба будзе пераадолець 10 этапаў агульнай працягласцю 5440 кіламетраў.

Беларуская каманда "МАЗ-СПОРТаўта" выстаўляе на гонку тры экіпажы:

  • Сяргей Вязовіч / Павел Гаранін / Антон Запарошчанка;
  • Аляксей Вішнеўскі / Максім Новікаў / Сяргей Сачук;
  • Віталій Мурылёў / Аляксандр Швед / Андрэй Крагельскі.

Да гэтага спартсмены паўдзельнічалі ў ралі "Золата Кагана" у Астраханскай вобласці. Пераможцам гонкі ў грузавым заліку стаў расійскі экіпаж Дзмітрыя Сотнікава з "КАМАЗ-МАЙСТАР". Лідэр беларусаў Сяргей Вязовіч па выніках саступіў ім крыху больш за адну хвіліну. На трэцім спецучастку у капотніка двухразовага прызёра "Дакара" лопнулі рысоры, з-за чаго экіпаж страціў хуткасць.

Беларусы на астраханскай гонцы выступалі таксама на трох грузавіках капотнай кампаноўкі. Адзін з іх быў пабудаваны ў гэтым годзе. Яшчэ адзін беларускі экіпаж Аляксея Вішнеўскага быў вымушаны сысці з гонкі з-за праблем з рухавіком. А трэці "капотнік" мінскай каманды пад кіраваннем Віталія Мурылёва гонку скончыў чацвёртым, саступіўшы пераможцу гадзіну з невялікім.

Чытайце таксама:

9
Тэги:
экіпаж, Манголія, Расія, тэрыторыя, "Шелковый путь-2021", ралі, "МАЗ-СПОРТаўта"
Паўэрліфцер са штангай, архіўны фотаздымак

Мінск пазбавіўся чэмпіянату свету па паўэрліфтынгу

11
(абноўлена 15:54 15.06.2021)
Сусветнае першынство павінна было прайсці ў беларускай сталіцы восенню, але з-за "палітычнай сітуацыі" у краіне яго аддалі Швецыі.

МІНСК, 16 чэр – Sputnik. Міжнародная федэрацыя паўэрліфтынгу (IPF) прыняла рашэнне аб пераносе чэмпіянату свету па класічным паўэрліфтынгу з Беларусі ў Швецыю. Пра гэты гаворыцца ў заяве арганізацыі, апублікаванай на яе сайце.

Беларуская сталіца павінна была прыняць сусветнае першынство з 23 верасня па 3 кастрычніка гэтага года.

У заяве IPF гаворыцца, што Выканкам арганізацыі "быў вымушаны прыняць цяжкае рашэнне пра адмену мерапрыемства, беручы пад увагу нявызначаную сітуацыю ў гэтай краіне (Беларусі - Sputnik)".

Прэзідэнт IPF Гастон Параж выказаў шкадаванне ў сувязі з гэтым рашэннем.

"Але федэрацыя нясе адказнасць за здароўе і бяспеку спартсменаў, трэнераў і афіцыйных асоб, і таму гэта было адзіным лагічным рашэннем", - сказаў ён.

Выканкам IPF перанёс чэмпіянат свету па класічным паўэрліфтынгу ў Швецыю.

Гэта не першае буйное спартыўнае мерапрыемства, скасаванае ў Беларусі ў апошні час. Так, раней Мінск страціў этап Кубка свету па біятлоне, чэмпіянат свету па сучасным пяцібор'і, чэмпіянат Еўропы па велатрэку, а таксама чэмпіянат свету па хакеі.

Чытайце таксама:

11
Тэги:
Швецыя, сталіца, паўэрліфтынг, чэмпіянат, Мінск
Прэзідэнт ЗША Джо Байдэн

Байдэн пагаварыў з Пуціным пра Беларусь

26
(абноўлена 21:43 16.06.2021)
Прэзідэнт ЗША Джо Байдэн сёння ўпершыню ў якасці кіраўніка дзяржавы сустрэўся са сваім расійскім калегам Уладзімірам Пуціным, па выніках саміту амерыканскі лідэр выступіў на прэс-канферэнцыі.

МІНСК, 16 чэр – Sputnik. Прэзідэнт ЗША Джо Байдэн падчас сустрэчы з расійскім калегам Уладзімірам Пуціным абмеркаваў сітуацыю ў Беларусі.

Паводле яго слоў, ён паведаміў расійскаму калегу аб заклапочанасці ЗША з нагоды сітуацыі ў Беларусі

"Ён не не пагадзіўся са мной, ён задаў пытанне: "Што мы можам зрабіць з гэтай нагоды?" - сказаў Байдэн.

Падрабязнасці абмеркаванняў амерыканскі лідэр раскрываць не стаў.

Першая сустрэча прэзідэнтаў Расіі і ЗША пасля абрання Байдэна на высокую пасаду доўжылася суткі і складалася з трох частак: вузкай і двух пашыраных.

Раней прэс-сакратар прэзідэнта РФ Дзмітрый Пяскоў паведамляў, што Пуцін не плануе падымаць тэму Беларусі на сустрэчы з прэзідэнтам ЗША, але гатовы даць тлумачэнні, калі Вашынгтон сам яе закране.

А старэйшы дырэктар па Расіі і Цэнтральнай Азіі Савета нацыянальнай бяспекі пры Белым доме Эрык Грын адзначаў, што Джо Байдэн разлічвае абмеркаваць з расійскім калегам сітуацыю ў Беларусі і нормы грамадзянскай авіяцыі

"(...) мы будзем гаварыць пра Беларусь і неабходнасць захавання норм грамадзянскай авіяцыі, якія, як мы бачым, груба парушаліся ў апошнія тыдні", - заявіў Грын.

Чытайце таксама:

26
Тэги:
прэс-канферэнцыя, ЗША, прэзідэнт, Беларусь, Уладзімір Пуцін, Джо Байдэн