Беларускі хакеіст Максім Сушко

Беларускі хакеіст Максім Сушко дэбютаваў у НХЛ

27
(абноўлена 19:19 19.02.2021)
Выхаванец брэсцкай школы правёў матч у камандзе "Філадэльфія Флайерс", раней ён выступаў у хакейнай лізе Антарыё.

МІНСК, 20 лют – Sputnik. Беларускі хакеіст Максім Сушко дэбютаваў у НХЛ, ён стаў 12-м беларусам у Лізе.

Першы матч каманда "Філадэльфія Флайерс", у складзе якой і выступае Сушко, прайграла "Рэйнджэрс" 2:3. Беларус выходзіў на лёд у чацвёртым звяне, ён правёў 11 змен, здзейсніў адзін сілавы прыём і зрабіў адну страту.

Берасцейцу Максіму Сушко 22 гады. Ён пачынаў гэты сезон у мінскім "Дынама". Правёў там 30 матчаў і набраў 5 ачкоў. Пасля чаго і адправіўся ў ЗША. Сыграў 3 матчы за каманду "Ліхай Вэллі", аднак балаў не набраў.

У асноўны склад "Філадэльфіі" Сушко паклікалі пасля таго, як у некаторых гульцоў выявілі каронавірус.

Беларускі спартсмен гуляе за акіянам з 2016 года, пачынаў з паспяховага выступлення ў хакейнай лізе Антарыё. У 2017-м трапіў у "Філадэльфію" пад агульным 107-м нумарам.

У 2018-м на чэмпіянаце свету выступаў за зборную Беларусі.

Не першы беларус у НХЛ

Нагадаем, раней у НХЛ дэбютаваў яшчэ адзін беларус - Ягор Шаранговіч, яму таксама 22 гады, ён гуляе ў "Нью-Джэрсі". У канцы снежня спартсмен пакінуў мінскае "Дынама", за якое выступаў на правах арэнды, і адправіўся ў клуб НХЛ.

Шаранговіч выступаў за мінскае "Дынама" з ліпеня. У сезоне КХЛ ён правёў 34 матчы і набраў 25 ачкоў. Па закінутых шайбах беларус уваходзіў у топ-5 гульцоў КХЛ.

Чытайце таксама:

27
Тэги:
Хакей, КХЛ, НХЛ

Чэмпіянат Еўропы па футболе - 2021: расклад матчаў

25
(абноўлена 15:57 09.06.2021)
16-ы Чэмпіянат Еўропы па футболе адбудзецца 11 чэрвеня – 11 ліпеня 2021 года ў адзінаццаці гарадах кантынента. Расклад матчаў галоўнай футбольнай падзеі Старога Свету - у інфаграфіцы Sputnik.
Чэмпіянат Еўропы па футболе - 2021: расклад матчаў
© Sputnik

16-ы чэмпіянат Еўропы па футболе будзе ісці роўна месяц: з 11 чэрвеня па 11 ліпеня 2021 года.

Першапачаткова ён быў прымеркаваны да 60-годдзя першага турніру, аднак перашкодзіла пандэмія: ва УЕФА прынялі рашэнне перанесці кантынентальнае першынство з 2020-га на 2021-ы год.

У чэмпіянаце возьмуць удзел 24 зборныя. 20 каманд былі вызначаны ў рамках кваліфікацыі чэмпіянату Еўропы, яшчэ чатыры - у плэй-оф Лігі нацый УЕФА 2018/19.

Цікава, што ў групе F сабраліся дзеючыя чэмпіёны свету (Францыя), Еўропы (Партугалія) і папярэднія чэмпіёны свету (Германія).

На групавым этапе пройдуць 36 сустрэч, яшчэ 15 адбудуцца ў рамках плэй-оф на вылет.

Матчы чэмпіянату Еўропы прымуць 11 гарадоў Старога Свету: Амстэрдам, Баку, Будапешт, Бухарэст, Глазга, Капенгаген, Лондан, Мюнхен, Рым, Санкт-Пецярбург і Севілья.

У Расіі згуляюць 7 сустрэч: Санкт-Пецярбург - другі галоўны горад турніру. Першы - Лондан, які прыме на стадыёне "Уэмблі" 8 сустрэч, у тым ліку вырашальныя - абодва паўфіналы і фінал.

Матч адкрыцця адбудзецца ў Рыме на "Стадыё Алімпіка". Сустрэнуцца зборныя Італіі і Турцыі.

Гледачы на ​​матчы турніру будуць дапушчаны, аднак на большасці гульняў, уключаючы паўфіналы і фінал, запаўняльнасць трыбун складзе не больш за 50%.

Пасламі ЕЎРА сталі знакамітыя футбалісты з 12 краін, у тым ліку расіянін Андрэй Аршавін, іспанец Хабі Алонса, француз Цьеры Анры, ангелец Пол Гаскойн, італьянец Алесандра Дэль П'еро, немец Юрген Клінсман, партугалец Луіш Фігу і іншыя - усяго 48 чалавек.

Талісманам турніру вызначылі хлопчыка Скілзі, які любіць фрыстайл і вулічны футбол.

25
Тэги:
Sputnik, інфаграфіка, футбол, Еўропа, чэмпіянат, матч, расклад, Чэмпіянат Еўропы па футболе
(0:24 / 3.12Mb / просмотров видео: 1978)

У Мінск прывезлі Кубак Гагарына

9
(абноўлена 11:34 11.06.2021)
На Кубку выгравіраваны імёны чатырох беларусаў - абаронцы Кірыла Гатаўца, а таксама нападаючых Мікіты Камарова, Андрэя Стася і асістэнта генеральнага мэнэджара Юрыя Кузьмянкова.

У чацвер Кубак ненадоўга быў выстаўлены на трох сталічных арэнах. З 10:00 і да 12:00 - на "Чыжоўка-Арэне", з 12:30 да 14:00 яго можна было ўбачыць на Крытым катку ў парку Горкага, а з 14:30 да 16:00 - у Палацы спорту.

Кубак ў Мінск прывёз беларускі форвард Андрэй Стась, які выступаў за "Авангард" у мінулым сезоне, калі омскі клуб упершыню ў гісторыі стаў чэмпіёнам. На трафеі з'явіліся імёны чатырох беларусаў - апроч Стася гэта абаронца Кірыл Гатавец, нападаючы Мікіта Камароў і асістэнт генеральнага мэнэджара Юрый Кузьмянкоў.

Глядзіце таксама:

9
Тэги:
Кубак Гагарына, Мінск, відэа
Паломнікі ў Меке

Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам

14
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.

Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.

"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.

Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.

Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.

З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.

Чытайце таксама:

14
Тэги:
Мека, Іслам, хадж, Эр-Рыяд
Тэмы:
Каронавірус COVID-19