Мінскае "Дынама" выйграла ў чэлябінскага "Трактара"
(абноўлена 12:39 21.02.2021)
"Зубры" першымі адкрылі лік, затым страцілі ініцыятыву ў сярэдзіне сустрэчы, але змаглі аднавіць раўнавагу і ў выніку пераламілі ход супрацьстаяння ў сваю карысць.МІНСК, 22 лют – Sputnik. Мінскі хакейны клуб "Дынама" абыграў у хатнім матчы чэмпіянату Кантынентальнай хакейнай лігі чалябінскі "Трактар", перадае Sputnik.
Першы перыяд прайшоў пад націскам "зуброў", які чэлябінцы вытрымалі, адказваючы толькі кароткімі контратакамі. Тым не менш, да першага перапынку лічбы на табло не змяніліся. "Размачыў" лік форвард "Дынама" Зак Мітчэл на 28-й хвіліне супрацьстаяння. Трыумф доўжыўся нядоўга: нападаючы "Трактара" Нік Бэйлен аднавіў раўнавагу сіл (34).
У трэцяй дваццаціхвілінцы зноў вылучыўся Бэйлен, аформіў дубль (49). Мінчане сабраліся з сіламі і незадоўга да фінальнай сірэны змаглі зраўняць лік - 2:2. Вызначыўся Сцяпан Фалькоўскі, які закінуў шайбу ў вароты сапернікаў з пятака (57).
У авертайме пераможны гол закінуў Шэйн Прынс (61).
Матч скончыўся на карысць "Дынама" - 3:2 (0:0, 1:1, 1:1, 1:0).
Наступную сустрэчу мінскае "Дынама" правядзе дома 23 лютага супраць хабараўскага "Амура".
Суботні рэкорд
Мінскае "Дынама" устанавіла ў суботу рэкорд КХЛ па колькасці перамог у дадатковы час на працягу аднаго сезону. Перамога над "Трактарам" стала ўжо дзесятай, здабытай у дадатковых пяціхвілінках.
Ранейшы рэкорд належаў омскаму "Авангарду" (сезон 2010/2011) і піцерскаму СКА (2019/2020).
"Зубры" у гэтым сезоне правялі 16 сустрэч за межамі асноўнага часу, перамогшы 15 разоў (10 у авертаймах і 5 у серыях пасляматчавых кідкоў).
Чытайце таксама:
- Мінскае "Дынама" па булітах абыграла "Йокерыт" у КХЛ
- Беларускі хакеіст Максім Сушко дэбютаваў у НХЛ
- "Зубры" упершыню за 7 гадоў перамаглі "Северсталь" у Мінску
Тэги:
Арына Сабаленка пераадолела метку ў 7 млн долараў прызавых
(абноўлена 10:38 24.02.2021)
Зараз Сабаленка ў адзіночным рэйтынгу WTA займае восьмы радок - у панядзелак яна апусцілася на адзін пункт у топе лепшых тэнісістак свету.МІНСК, 24 лют – Sputnik. Тэнісістка Арына Сабаленка здолела пераадолець адзнаку у сем мільёнаў долараў прызавых за спартыўную кар'еру, сведчаць дадзеныя Жаночай тэніснай асацыяцыі.
На гэты час беларуская спартсменка зарабіла 7,302 мільёна долараў, у тым ліку ў бягучым годзе - больш за 927 тысяч.
Зараз на рахунку Сабаленкі дзевяць тытулаў турніраў WTA у адзіночным разрадзе, а таксама пяць - у пары. Статыстыка паражэнняў і перамог беларускі ў адзіночных спаборніцтвах - 239 да 123, у пары - 80 да 61.
Зараз Сабаленка ў адзіночным рэйтынгу WTA займае восьмы радок - у панядзелак яна апусцілася на адну пазіцыю ў топе найлепшых тэнісістак свету. У парным разрадзе яна з'яўляецца першай ракеткай свету, на другім месцы - яе партнёрка з Бельгіі Эліс Мертэнс.
Нагадаем, былая першая ракетка свету Вікторыя Азаранка, якая цяпер у рэйтынгу WTA займае 14-е месца, за сваю спартыўную кар'еру ў тэнісе ўжо паспела зарабіць 32,4 мільёна долараў.
Чытайце таксама:
- Сабаленка і Мертэнс выйгралі ў парным разрадзе Australian Open
- Australian Open-2021: Сабаленка выйшла ў фінал парнага разраду
- Упершыню ў кар'еры: Сабаленка заняла 7-е месца ў сусветным тэнісным рэйтынгу
Тэги:
Упершыню за 4 гады: мінскае "Дынама" выйшла ў плэй-оф КХЛ
(абноўлена 10:25 23.02.2021)
"Зубры" гарантавалі сабе выхад у фінальную частку Кубка Гагарына завочна - пасля таго, як фінскі "Йокерыт" абыграў падольскі "Віцязь".МІНСК, 23 лют – Sputnik. Мінскі хакейны клуб "Дынама" прабіўся ў плэй-оф Кантынентальнай хакейнай лігі, перадае Sputnik.
"Зубры" гарантавалі сабе выхад у фінальную частку Кубка Гагарына завочна - пасля таго, як фінскі "Йокерыт" абыграў падольскі "Віцязь".
Апошнія страцілі шанцы на апярэджанне мінчан - падапечныя Крэйга Вудкрафта ўжо не змогуць апусціцца ніжэй за 8-ы радок у табліцы Заходняй канферэнцыі КХЛ.
Усяго "Дынама" гуляла ў плэй-оф лігі пяць разоў, у апошні - у сезоне 2016/2017. Пры гэтым "зубры" ні разу не праходзілі першы раўнд.
Пакуль не вядома, хто стане першым сапернікам мінчан - гэта могуць быць маскоўскае "Дынама", СКА ці "Лакаматыў".
Чытайце таксама:
- Мінскае "Дынама" па булітах абыграла "Йокерыт" у КХЛ
- "Зубры" упершыню за 7 гадоў перамаглі "Северсталь" у Мінску
- Мінскае "Дынама" атрымала другую перамогу запар у выязной серыі
Тэги:
Які сёння дзень: 25 лютага 2021 года
(абноўлена 17:27 21.02.2021)
Гэты дзень з'яўляецца пяцьдзесят шостым па грыгарыянскім календары, таму да канца года засталося 309 дзён.Якія падзеі адбыліся 25 лютага і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 25 лютага
- У 1918 годзе было створана Менскае беларускае прадстаўніцтва.
Хто нарадзіўся 25 лютага
- 1909 год: Сяргей Дарожны, беларускі паэт, грамадскі і культурны дзеяч.
- 1947 год: Яўген Шатохін, беларускі мастак, грамадскі дзеяч.
- 1953 год: Васіль Касцючэнка, беларускі мастак-жывапісец.
- 1957 год: Алесь Пісьмянкоў, беларускі паэт.
Таксама сёння нарадзіліся французскі мастак-імпрэсіяніст П'ер Агюст Рэнуар і украінская пісьменніца Леся Украінка.
25 лютага ў народным календары
Сёння праваслаўныя вернікі шануюць памяць мітрапаліта Аляксея і епіскапа Мелеція Антыахійскага.
У народзе гэты дзень лічылі добрым, каб вылячыць спалох – для гэтага хадзілі самі і насілі дзяцей да знахараў.
Чым халадней у гэты дзень і наступны тыдзень, тым цяплей будзе сакавік. Туман або галалёдзіца прадвяшчаюць дажджлівае лета.