Адкрыты чэмпіянат Беларусі па брэйк-дансе NBC-2016

Беларусы выйгралі этап чэмпіянату свету па брэйк-дансе

202
(абноўлена 14:36 02.02.2016)
Пераможцамі ў намінацыі "каманда 8 на8" сталі мінчане UFO Technics, яны будуць прадстаўляць Беларусь у фінале сусветнага першынства "Марсэль Battle Pro" у Францыі.

МІНСК, 31 сту — Sputnik. У намінацыі "Сола профі" перамог бі-бой Жук з Калінінграда, лепшым сярод дзяцей да 12 гадоў стаў бі-бой Fresh (Расія).

Адкрыты чэмпіянат Беларусі па брэйк-дансе NBC —2016 праходзіў у Мінску і па рашэнні арганізатараў сусветнага першынства насіў званне "Гранд-фіналу". Мерапрыемства сабрала каля 400 танцораў з Беларусі, Расіі, Латвіі, Літвы, Грузіі і іншых краін.

Чэмпіянат праходзіў у два этапы: 29-га студзеня адбыўся адборачны тур, паўфіналы і фінал — 30-га студзеня. Да фіналу дайшлі далёка не ўсе краіны-удзельніцы, за права паехаць у Марсэль на Чэмпіянат свету спаборнічалі прадстаўнікі з Расіі, Беларусі, Латвіі і Грузіі.

Этап Чэмпіянату свету па брэйк-дансе NBC-2016 —>> фотастужка

Адкрыты чэмпіянат Беларусі па брэйк-дансе NBC-2016
© Sputnik
Адкрыты чэмпіянат Беларусі па брэйк-дансе NBC-2016

"Не даехала да нас толькі Украіна. Гэта ўсё не палітыка, вядома ж, але скажам не прыемныя падкопы арганізатараў ва Украіне. Яны зладзілі падобны фэст ва Украіне ў гэтыя ж дні, хоць нашы даты ведалі яшчэ ўлетку, але перад Новым годам фактычна паставілі нам палкі ў колы. У нас былі заяўлены ўдзельнікі з Украіны, але хлопцы сказалі, што застануцца дома на сваім Чэмпіянаце. На дадзены момант, мы не маем толькі ўдзельнікаў з Украіны", — распавёў Sputnik кіраўнік Дома брэйк-данса Hunters і Маладзёжнага цэнтра вулічнай культуры і спорту "ProКач"Аляксандр Войнаў.

Танцоры спаборнічалі ў трох намінацыях: "Сола дзеці да 12 гадоў", "Сола профі" і "Каманды 8 на 8". Пераможцамі сталі прадстаўнікі Беларусі і Расіі і атрымалі права прадставіць сваю краіну на сусветным фінале ў Марсэлі (Францыя) 5 сакавіка.

Открытый чемпионат Беларуси по брейк-дансу NBC-2016
© Sputnik
Открытый чемпионат Беларуси по брейк-дансу NBC-2016

Майстэрства ўдзельнікаў ацэньвалі суддзі з Расіі, Украіны і Францыі. Прысутнічаў на мерапрыемстве і галоўны арганізатар Сусветнага Фіналу "Марсэль Battle Pro" — Zoubair. Менавіта ён адзначыў горад Мінск як "якаснае і душэўнае" месца для правядзення этапу Чэмпіянату свету.

Канкурэнцыя была не на жарт. Танцоры ў намінацыі да 12 гадоў паказалі велізарны патэнцыял і былі па-дзіцячы шчырымі і энергічнымі. Сур'ёзную падрыхтоўку прадэманстравалі дарослыя, асабліва — госці сталіцы. Так, прадстаўнік Грузіі, бі-бой Pioneer, быў настроены больш чым рашуча. Ён дайшоў да фіналу, але ў вырашальным спаборніцтве крыху саступіў бі-бою Жуку з Калінінграда і заняў другое месца.

"Вельмі моцныя ўдзельнікі, у якіх шмат досвіду, якія ўдзельнічаюць у розных міжнародных фестывалях. Мне вельмі запомніўся бі-бой Жук, ён таксама прайшоў у паўфінал, як і я. Калі мы абодва пераможам, то будзем біцца ўжо ў фінале. Я раблю ўсё для таго, каб перамагчы, я прыехаў з гэтай мэтай і ў мяне гэта пакуль добра атрымліваецца", — распавёў Sputnik прадстаўнік Грузіі перад паўфіналам.

"Я ўпершыню ў Беларусі, мне вельмі тут спадабалася, атмасфера, арганізацыя фэсту, усё праходзіць вельмі выразна, мабілізавана", — адзначыў госць з Тбілісі.

Адкрыты чэмпіянат Беларусі па брэйк-дансе NBC-2016
© Sputnik
Адкрыты чэмпіянат Беларусі па брэйк-дансе NBC-2016

Высокі ўзровень арганізацыі і патэнцыял беларускіх танцораў ацанілі і прадстаўнікі Латвіі.

"Усё даволі арганізавана атрымалася, ніякіх затрымак, усё на ўзроўні, усё супер. Беларускія танцоры, на наш погляд, вельмі моцныя, малайцы, развіваюцца, ёсць вельмі добрыя каманды, перспектыўныя. У нас у Латвіі такіх каманд няма. У вас усё наперадзе, будучыня ёсць", — сказалі танцоры з Латвіі.

Перад фіналам майстар-клас публіцы прадэманстравалі суддзі — мэтры танца з Францыі, Расіі і Украіны паказалі, што не проста так займаюць ганаровыя месцы ў судзейскіх крэслах.

202
Тэги:
Брэйк-данс, Танец, Стыль жыцця, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

52
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

52
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы