Конкурс дзіцячае Еўрабачанне-2014 на Мальце

Удзел у дзіцячым Еўрабачанні цалкам аплаціць Белтэлерадыёкампанія

21
Калі прадзюсарскія выдаткі на дарослы конкурс павінен несці сам артыст і яго каманда, то ўдзельнікам дзіцячага дапамагае дзяржава.

МІНСК, 29 чэр — Sputnik. Белтэлерадыёкампанія цалкам пакрывае выдаткі, звязаныя з удзелам у дзіцячым конкурсе "Еўрабачанне", паведаміла Sputnik прэс-сакратар нацыянальнага медыяхолдынга Святлана Смалонская-Краскоўская.

Дзіцячае "Еўрабачанне-2016" адбудзецца ў лістападзе на Мальце. У Беларусі ўжо выбраны дзесяць юных прэтэндэнтаў, якія будуць змагацца за права прадставіць Беларусь. Працэс адбору падобны да таго, што выкарыстоўваюць пры вызначэнні прадстаўніка на дарослым конкурсе, аднак ёсць і выключэнні, сярод якіх — нюансы фінансавых выдаткаў.

"Нумар выканаўцы для выступу на нацыянальным адборы і потым усе выдаткі за ўдзел у Еўрабачанні нясе Белтэлерадыёкампанія", —  распавяла Sputnik Смалонская-Краскоўская.

Суразмоўніца Sputnik прызнала, што дзіцячы конкурс патрабуе меншых выдаткаў, чым дарослы. Таксама Белтэлерадыёкампанія мае права вырашальнага голасу пры падрыхтоўцы артыста і выступленні.

"Зразумела, што выканаўца можа захацець што-небудзь гэтакае, дарагое, але рашэнне прымае НДТРК", — дадала Смалонская-Краскоўская.

На дарослым конкурсе ўсе прадзюсарскія выдаткі нясе сам артыст, Белтэлерадыёкампанія бярэ на сябе арганізатарскія і адміністрацыйныя функцыі. Удзел у самым папулярным песенным конкурсе Еўропы — задавальненне не таннае. Так, прадстаўнік на конкурсе гэтага года IVAN і яго прадзюсарская каманда патрацілі на "Еўрабачанне" больш за сто тысяч еўра, некаторыя артысты неслі выдаткі, якія перавышаюць мільён долараў.

Кошт удзелу беларусаў на дзіцячым "Еўрабачанні" звычайна не афішуецца. У той жа час конкурс юных выканаўцаў для Беларусі звычайна праходзіць удалей — двойчы за гісторыю нашы артысты станавіліся трыўмфатарамі.

21
Тэги:
музычная падзея, Музыка, Дзіцячае Еўрабачанне, Белтэлерадыёкампанія, Мінск, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

39
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

39
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Пасол РФ у Беларусі Дзмітрый Мезенцаў

Пасол Расіі ў Беларусі: мы ўсе атрымалі ў спадчыну традыцыі адзінай айчыны

0
(абноўлена 09:19 03.04.2020)
На ўсёй постсавецкай прасторы Саюзная дзяржава - унікальны ўзор супрацоўніцтва, адзначае пасол Расіі ў Беларусі Дзмітрый Мезенцаў.
Посол России в Беларуси: у двух братских стран особые межрегиональные связи

Як нагадаў ён у каментары для радыё Sputnik, 2 красавіка прагучалі віншаванні ад імя Уладзіміра Пуціна і Аляксандра Лукашэнкі. Кіраўнікі дзяржаў падкрэслілі, што Дзень яднання народаў Расіі і Беларусі адзначаецца ўжо больш за 20 гадоў, а традыцыі нашых адносін налічваюць не адно стагоддзе.

"У кругавароце бягучых клопатаў, а зараз і новых задач, звязаных з процідзеяннем каронавірусу, якімі занятыя і ўрады, і рэгіянальныя ўлады, не заўсёды аддаем сабе справаздачу, што ж для нас, расіян, значыць Беларусь. Можа быць, і хто-небудзь з грамадзян Беларусі не заўсёды паспявае звярнуць увагу на тое, чым жыве братэрская суседняя краіна. Напэўна, святы для таго і існуюць, каб радавацца разам, думаць разам, разам аналізаваць сітуацыю і разам глядзець у будучыню", - адзначыў Мезенцаў.

Ён таксама нагадаў, што зусім нядаўна мы адзначалі 20-годдзе Саюзнага дагавору - з прававога пункту гледжання і па сутнасці сваёй сапраўды ўнікальнага. Бо на ўсёй постсавецкай прасторы няма дзвюх іншых такіх дзяржаў, грамадзяне якіх маюць такія свабоды і правы - выбіраць месца жыхарства, вучыцца, павышаць кваліфікацыю або працаваць там, дзе лічыш патрэбным.

"Мы маем асаблівыя міжрэгіянальныя сувязі. Гэта не толькі падпісаныя ў свой час пабрацімскія дагаворы паміж гарадамі. Гэта розныя фарматы рэальнага ўзаемадзеяння, перш за ўсё ў эканамічнай сферы, пастаўкі адзін аднаму камплектуючых і фарміраванне вытворчых ланцужкоў, якія даюць многім прадпрыемствам рэальны прыбытак. Даюць людзям магчымасць атрымліваць гарантаваную зарплату, станавіцца багацей", - падкрэсліў пасол Расіі.

Таксама Мезенцаў адзначае, што ў рамках Саюзнага дагавору сёння рэалізуюцца праграмы і ў прамысловасці, і ў будаўніцтве, і ў энергетыцы, і ў іншых сферах. Да прыкладу, у ходзе візіту гендырэктара "Роскосмоса" Дзмітрыя Рагозіна ў Беларусь абмяркоўвалася пытанне магчымага ўдзелу беларускіх будаўнікоў ва ўзвядзенні касмадрома "Усходні".

"Літаральна сёння я меў магчымасць з прэм'ер-міністрам Сяргеем Румасам размаўляць пра тое, як паспяхова і планава ідуць да фінішу працы на Беларускай атамнай электрастанцыі ў Астраўцы. Гэта ўнікальныя, але зусім канкрэтныя магчымасці нашага супрацоўніцтва. Акрамя таго, за апошнія 10 месяцаў у Беларусі пабывала восем дэлегацый на чале з губернатарамі расійскіх рэгіёнаў. Не было ніводнай сустрэчы, каб яна не сканчалася падпісаннем пагадненняў аб пастаўках канкрэтнай беларускай прадукцыі, кантрактаў па накіраванні ў гандлёвыя сеткі Расіі выдатнага беларускага харчавання", - адзначыў Мезенцаў.

Пасол Расіі заклікаў памятаць пра тое, што "мы ўсе атрымалі ў спадчыну традыцыі адзінай айчыны". І казаць пра гэта важна не толькі напярэдадні 9 Мая, калі мы будзем адзначаць 75-годдзе Вялікай Перамогі, але і пасля, калі ўрачыстасці застануцца ў гісторыі.

Поўны каментар пасла Расіі ў Беларусі Дзмітрыя Мезенцава з нагоды Дня Яднання народаў Беларусі і Расіі слухайце ў аўдыёзапісы на радыё Sputnik Беларусь.

0
Тэги:
Саюзная дзяржава, Расія, Беларусь, Дзмітрый Мезенцаў