Мары Пракапцова: аэрапорт – Скарыны, самалёт – Купалы
(абноўлена 16:23 04.07.2016)
Дырэктар Нацыянальнага мастацкага музея падчас адкрыцця выставы "Свабодны музей" крыху памарыў аб ідэальнай Беларусі і ідэальных імёнах для самалётаў Белавія.МІНСК, 4 ліп — Sputnik. Уладзімір Пракапцоў лічыць, што кампаніі "Белавія" варта было б больш актыўна выкарыстоўваць імёны знакамітых землякоў ва ўласным піяры. Напрыклад, даць імёны самалётам. Назваць іх варта было б у гонар вялікіх беларусаў, упэўнены дырэктар Нацыянальнага мастацкага музея.
"Калі б самалёты насілі імёны беларускіх выдатных дзеячаў, гэта б станоўча адбілася на іміджы Беларусі за мяжой. Напрыклад, самалёт называецца "Янка Купала". Пакуль пасажыр чамаданчык укладвае, гучыць песня Мулявіна — "Янка Купала", — фантазіраваў Пракапцоў.
А вось аэрапорт, на думку дырэктара, лепш за ўсё было б назваць імем Францыска Скарыны. Падобная практыка існуе ў многіх краінах свету: варшаўскі аэрапорт носіць імя Фрэдэрыка Шапэна, а Будапешцкі — Ферэнца Ліста.
Сваімі поглядамі наконт нацыянальнага неймінга дырэктар мастацкага музея падзяліўся падчас адкрыцця "Свабоднага музея" на плошчы Свабоды, дзе музей выставіў партрэты знакамітых мінчукоў — балерыны Людмілы Бржазоўскай, кампазітара Мікалая Аладава, актрысы Стэфаніі Станюты ды іншых.
Плануецца, што дзякуючы гэтаму праекту мінчане змогуць даведацца пра вялікіх людзей Беларусі. У фондах Нацыянальнага мастацкага музея захоўваецца 30 тысяч карцін, з іх для дэманстрацыі мінчанам і гасцям сталіцы адабралі 20 партрэтаў. Паводле слоў Пракапцова, музей з радасцю выставіў бы і больш, але памеры плошчы не дазваляюць.
Тэги:
Instagram: як прайшоў Навагодні баль у Вялікім тэатры
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.
У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.
Госці свята танчылі, слухалі жывую музыку і забаўляліся ў цікавых фотазонах.
Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.
У гэтую ноч публіка сустрэла стары Новы год у асяроддзі артыстаў, музыкаў і спевакоў.
Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.
Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.
Глядзіце таксама:
Тэги:
Хаменка: "Калядны фэст" аб'яднае ўсіх
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.Хаменка: "Калядны фэст" аб'яднае ўсіх
Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.
"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.
У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.
Гутарку з Алегам Хаменкам слухайце ў аўдыёзапісе радыё Sputnik Беларусь.
Расія і Турцыя будуць сумесна выпрабоўваць вакцыны ад каронавіруса
(абноўлена 11:07 04.06.2020)
У Турцыі 22 ўніверсітэта працуюць над стварэннем вакцын ад каронавіруса, чатыры з іх ужовыпрабоўваюць іх на жывёлах.МІНСК, 4 чэр - Sputnik. Міністры аховы здароўя РФ і Турцыі дамовіліся аб супрацоўніцтве па клінічных выпрабаваннях вакцын ад каронавіруса, заявіў кіраўнік турэцкага Міністэрства аховы здароўя Фахрэцін Коджа.
©
Photo : Conferenceseries.com
Раней Коджа паведаміў аб тэлефоннай размове са сваім расійскім калегам Міхаілам Мурашкам, падчас якой была дасягнутая дамоўленасць аб сумеснай працы спецыялістаў дзвюх краін па стварэнні вакцыны і лекаў ад каронавіруса.
"У Турцыі 22 ўніверсітэта працуюць над стварэннем вакцын ад каронавіруса, чатыры з іх ужо выпрабоўваюць іх на жывёлах. Каб перайсці на этап клінічных выпрабаванняў, недастаткова рамак адной краіны. Расія таксама распрацоўвае вакцыны, і мы дамовіліся супрацоўнічаць па крыжаваных клінічных выпрабаваннях", - сказаў Коджа журналістам.
Ён таксама дадаў, што навукоўцы РФ і Турцыі абмяркуюць далейшыя крокі па супрацоўніцтве ў гэтай галіне ў чацвер у фармаце відэаканферэнцыі.
Брытанская вакцына
Тым часам бразільскае нацыянальнае агенцтва па наглядзе ў сферы аховы здароўя Anvisa дало дазвол пачаць на добраахвотніках выпрабаванне вакцыны супраць каронавіруса, якая была распрацавана ў Вялікабрытаніі, гаворыцца ў паведамленні рэгулятара.
У Anvisa заявілі, што эксперыментальная вакцына была створана Оксфардскім універсітэтам, інфармацыю пра яе і запыт на дазвол выпрабаванняў падало бразільскае аддзяленне кампаніі Astrazeneca.
Неклінічныя выпрабаванні вакцыны пад назвай ChAdOx1 nCov-19 на жывёлах, а таксама першая фаза клінічных выпрабаванняў на людзях для ацэнкі бяспекі вакцыны прайшлі ў Англіі, вынікі сведчаць аб яе прымальным профілі бяспекі, адзначылі ў Anvisa.
Тэги:
Тэмы: