Адкрыццё Славянскага базару

Адкрыццё Славянскага базару: непрыступная Пугачова і жарты пра Лукашэнку

25
Карэспандэнт Sputnik вызначыў, каму падарылі больш за ўсё кветак, хто быў сам недаступным для прыхільнікаў і хто лепш за ўсіх жартаваў.

Яўген Казарцаў, Sputnik

Юбілейны фестываль "Славянскi базар у Віцебску" урачыста адкрыўся ў чацвер. Карэспандэнт агенцтва пабываў на канцэрце і паспрабаваў ацаніць яго знутры, а таксама раздаў своеасаблівыя намінацыі за адкрыццё фестывалю.

Інфармацыйную падтрымку фестывалю аказвае Sputnik Беларусь.

Намінацыя: самы недаступны чалавек

Лагічна выказаць здагадку, што самым недаступным будзе названы прэзідэнт рэспублікі Аляксандр Лукашэнка… Але — не. Абсалютна немагчымым было нават падысці на адлегласць некалькіх метраў да прымадоны расійскай сцэны Алы Пугачовай.

Максим Галкин на Славянском базаре
© Sputnik / Виктор Толочко
Максім Галкін на "Славянскім базары"

Як казалі ўдзельнікі фестывалю, у Алы Барысаўны было найстрогае патрабаванне нікога да яе не пускаць. Ні журналістаў, ні цікаўных маладых калегаў, ні прыхільнікаў. Нават назва гасцініцы, у якой спынілася Пугачова з мужам Максімам Галкіным, трымалася ў строгім сакрэце. Іншыя зоркі, калі і адмаўляліся гаварыць з журналістамі, то так не хаваліся.

Алла Пугачева на открытии Славянского базара
© Sputnik / Виктор Толочко
Ала Пугачова на адкрыцці "Славянскага базару"

Не дазволіла Ала Барысаўна сваім прыхільнікам уручыць ёй кветкі — пасля другой песні яна знікла за кулісамі, а ля сцэны так і засталіся стаяць расчараваныя фанаты і фанаткі з абярэмкамі кветак. А вось калі б прымадона пагадзілася прыняць букет — без сумневу, перамагла б у наступнай намінацыі.

Намінацыя: улюбёнец публікі і ўладар сэрцаў

Крытэрыем для вызначэння лідэра ў гэтай катэгорыі стала колькасць сабраных артыстамі букетаў. Сёлета фэст не наведалі ні Мікалай Баскаў, ні Філіп Кіркораў — гэта значыць, галоўную зорку вызначыць было складана.

Шмат букетаў сабраў Валерый Лявонцьеў — ужо з першых секунд яго выступу пад сцэнай мітусіліся жанчыны з букетамі. Досыць шмат атрымаў і Руслан Аляхно. Кветкі неслі і замежнаму госцю Томасу.

Валерий Леонтьев на витебской сцене
© Sputnik / Виктор Толочко
Валеры Лявонцьеў на віцебскай сцэне

Аднак больш за ўсё букетаў сабраў Сяргей Лазараў, які выканаў сваю песню з "Еўрабачання".

Намінацыя: жарты-прымаўкі

І хай Максім Галкін быў адзіным гумарыстам на сцэне адкрыцця, але асобную намінацыю ўсё роўна заслужыў. Большая частка яго выступлення была пабудавана вакол прэзідэнта Беларусі, але па Лукашэнку было відаць: ён любіць жарты пра сябе.

Прэзідэнт смяяўся і апладзіраваў на жартах у духу "чаму людзей трое, а галасоў за Лукашэнку чатыры" і тых, дзе міністраў называлі гароднінай. Рогатам заходзілася і зала — Галкін змог пажартаваць на быццам бы "вострыя тэмы" і зрабіць гэта досыць тонка.

Журналісты паміж сабой перагаворваліся аб тым, што з тэлеверсіі выступ Галкіна "выражуць", але Sputnik праверыў: кожнае слова і смех прэзідэнта па тэлебачанні паказалі.

Намінацыя: чалавек фестывалю

Адкрываў па традыцыі "Славянскі базар" асабіста Лукашэнка. І ён быў галоўнай зоркай фестывалю. Калі абвясцілі аб з'яўленні ў амфітэатры кіраўніка дзяржавы, уся зала імгненна ўстала і пачала апладзіраваць.

Лукашэнка пасля афіцыйнай прамовы сказаў трохі і ад сябе — жарты прэзідэнта пра "узнагародзіць самога сябе" таксама заходзілі "на ўра".

Глядзеў канцэрт беларускі лідэр да канца — разам з малодшым сынам Мікалаем, віцэ-прэм'ерам Наталляй Качанавай, міністрам культуры Расіі Уладзімірам Мядзінскім і іншымі чыноўнікамі.

Працягнецца юбілейны 25-ы фестываль да 20 ліпеня, хоць афіцыйнае закрыццё і прызначанае на 17-е.

25
Тэги:
музычная падзея, Фестываль, Аляксандр Лукашэнка, Віцебск, Беларусь
Тэмы:
"Славянскі базар": грані свята (7)
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

39
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

39
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Станцыя метро Усход мінскага метрапалітэна

Штодзённы пасажырапаток у метро знізіўся з-за COVID-19

0
(абноўлена 12:00 30.03.2020)
У параўнанні з лютым бягучага года, людзей у сталічным метро стала істотна менш: пасажырапаток у суткі паменшыўся з 800 тысяч да 600 тысяч чалавек.

МІНСК, 30 сак - Sputnik. На 200 тысяч чалавек у суткі сталі менш наведваць сталічную падземку ў сакавіку, пра гэта паведаміў Sputnik прэс-сакратар Мінскага метрапалітэна Андрэй Дроб.

Раней паведамлялася, што пасажырапаток упаў і ў метро, ​​і ў наземным грамадскім транспарце сталіцы. Толькі за адзін тыдзень у сярэдзіне сакавіка штодзённая колькасць пасажыраў у падземцы знізілася на 115 тысяч, у аўтобусах, тралейбусах і трамваях - на 102 тысячы.

Па апошніх звестках, колькасць пасажыраў у метро скарацілася яшчэ.

"У параўнанні з лютым, у сакавіку штодзённы пасажырапаток ў Мінскім метрапалітэне знізіўся прыблізна на 200 тысяч чалавек. Гэта значыць каля 200 тысяч чалавек сталі менш наведваць метро за суткі", - распавёў Дроб.

Ён адзначыў, што звычайна пасажырапаток складае каля 800 тысяч чалавек штодня.

"Атрымліваецца, колькасць людзей знізілася на чвэрць", - канстатаваў прадстаўнік метрапалітэна.

Відавочна, што мінчане сталі радзей ездзіць на грамадскім транспарце, каб дадаткова засцерагчы сябе ад заражэння каронавірусам. Частка людзей працуе выдалена, частка перасела на асабісты транспарт. Пры гэтым у мэтах прафілактыкі каронавіруса рухомы састаў цягнікоў метро, ​​аўтобусаў, тралейбусаў і трамваяў кожны дзень праходзіць апрацоўку антысептыкамі.

0
Тэги:
каронавірус, Беларусь, Мінскі метрапалітэн
Тэмы:
Успышка каронавіруса з Уханя