Камяніца-2016

Фестываль "Камяніца-2016" прайшоў пад Мінскам

391
(абноўлена 15:01 27.10.2017)
Падчас найбуйнейшага беларускага фолк-фестываля гурт "Троіца" парадаваў прыхільнікаў прэм’ерамі, а расійская спявачка Іна Жаланая выказала падзяку беларускім паралімпійцам.

Юлія Хвошч, Sputnik.

Найбуйнейшы беларускі фолк-фестываль у восьмы раз прайшоў у нацыянальным музеі народнай архітэктуры і побыту ў Строчыцах 10 верасня.

Камяніца-2016: дзея на вялікай сцэне
© Photo : Юлія Хвошч
Камяніца-2016: дзея на малой сцэне

Галоўнае адрозненне фестываля "Камяніца" ад іншых беларускіх оупэн-эйраў, канешне, у яго аўтэнтычнасці, натуральным, непадробным нацыяальным каларыце, а яшчэ ў душэўнасці. Прыемна было назіраць вялікую колькасць людзей самага рознага ўзросту ў нацыянальных беларускіх строях, і, падаецца, іх было шмат не толькі праз тое, што ўваход на фестываль для людзей у нацыянальным убранні быў вольны. На "Камяніцу" з'ехаліся тыя, хто лічыць сябе сапраўднымі беларусамі. 

На фэсце сабраліся ўсе, хто лічыць сябе сапраўднымі беларусамі
© Photo : Юлія Хвошч
На фэсце сабраліся ўсе, хто лічыць сябе сапраўднымі беларусамі

Можна сказаць, што "Камяніца" — гэта лепшае месца для турыста, які ўпершыню трапіў у нашу краіну. Таму што толькі тут цягам аднаго дня можна даведацца як жылі продкі сучасных беларусаў, узяць удзел у старадаўніх гульнях і танцах, пазнаёміцца з лепшай беларускай музыкай, на свае вочы пабачыць, як ладзіліся старадаўнія абрады.

Вяселле ў беларускай вёсцы
© Photo : прадастаўлена арганізатарамі "Камяніца-2016"

Дарэчы, сёлета на "Камяніцы" справілі сапраўднае аўтэнтычнае беларускае вяселле для закаханай пары. 

З кожным годам фестываль развіваецца, яго наведвае ўсё большая колькасць людзей, шмат з іх прыходзяць з маленькімі дзецьмі. Сёлета на фестывалі працавалі адразу дзве сцэны: на галоўнай выступалі знакамітыя фолк і фолк-рок гурты, на маленькай — калектывы народнай беларускай песні і музыкі, перадаючы эстафету адно аднаму.

Дарэчы, галоўная сцэна ўразіла сваімі маштабамі і, са слоў арганізатараў, яна з'яўляецца адной з найлепшых у Беларусі. Тое ж тычылася і тэхнічага аздаблення. І сапраўды — і гук, і святло былі на высокім мастацкім і тэхнічным узроўні.

На "Камяніцы-2016" выступілі найлепшыя фолкавыя калектывы Беларусі, Расіі і Украіны.

Алег Хаменка, вядоўца Камяніцы-2016
© Photo : Юлія Хвошч
Алег Хаменка, вядоўца "Камяніцы-2016"

Маладая таленавітая Паліна Рэспубліка, магчыма, і не вельмі ўпісвалася ў фолкавы кантэкст, але вядоўца мерапрыемства Алег Хаменка патлумачыў гасцям фестывалю, чым быў прадыктаваны такі выбар.

"Мы доўга думалі, які гурт запрасіць выступіць менавіта ў гэты час, гурт, які б мог стаць найбольш адметным і ад якога можна было б працягнуць мысленне, мысленне ўжо сёняшнега фальклору, мы гаворым аб тым, што этна-фальклорны фестываль — гэта не толькі адлюстраванне нашай спадчыны, гэта безумоўны шлях наперад. Таму сёння ствараецца сапраўды той фальклор, які стане, напэўна, самым яскравым і самым важным для нашых нашчадкаў, гэтак жа, як было і сто, і дзвесці гадоў таму — стваралі людзі песні, якія ствараліся для сябе, але цяпер мы ўспрымаем іх, як сапраўдную культуру беларусаў. І вось хто стварае культуру сёння? Якія гурты? Яны можа быць не зусім у тых традыцыйных старадаўніх адзеннях, але менавіта яны робяць нашую беларускую культуру адметнай", — растлумачыў вядоўца.

Майстры на фестывалі
© Photo : Юлія Хвошч
Майстры на фестывалі

Пасля завяршэння выступлення да Паліны Рэспублікі пабеглі за аўтографам нават самыя маленькія — дзяўчынкі сямігадовага ўзросту, а тым часам на сцэну выходзіў беларускі гурт, слава пра які ўжо даўно грыміць па ўсім свеце.

Этна-трыа "Троіца" толькі што вярнулася з гастроляў у Англіі і парадавала беларускіх прыхільнікаў некалькімі прэм'ерамі, якія ўжо былі прэзентаваны еўрапейскаму слухачу.

У размове з карэспандэнтам Sputnik лідэр "Троіцы" Іван Кірчук пажадаў фестывалю далейшага росквіту, але параіў больш вучыцца арганізацыі ў еўрапейскіх фестываляў.

Лідэр этна-трыа Троіца Іван Кірчук
© Photo : Юлія Хвошч
Лідэр этна-трыа "Троіца" Іван Кірчук

"У нас да фестываля толькі адна прэтэнзія. Мы былі заяўлены як хэдлайнеры, то бок павінны былі закрываць фестываль, і так думалі нашыя сябры, якія прыедуць на нашае выступленне ўвечары. А так сталася, што мы выступаем днём. У іх няма дакладнага раскладу выступлення гуртоў. У адрозненні ад еўрапейскіх фестываляў, якія ўжо за месяц да мерапрыемства выкладаюць праграму ў інтэрнэт, каб людзі ведалі, куды і калі ехаць. Нам давялося змяніць праграму выступлення, таму што ўвечары зусім іншае святло, тэатральнае, іншая атмасфера", — распавёў Кірчук.

Адной з самых чаканых падзей фестывалю стала выступленне расійскай спявачкі сусветнага ўзроўню Іны Жаланай, якая наведала Беларусь упершыню. Са сцэны артыстка выказала словы падзякі беларускім спартсменам, якія ўзнялі расійскі сцяг у знак салідарнасці на паралімпіядзе ў Рыа.

Выступаюць госці Камяніцы
© Photo : Юлія Хвошч
Выступленне Іны Жаланай на "Камяніцы-2016"

Таксама на галоўнай сцэне ў той вечар выступілі Re1ikt, украінцы "Татура", этна-трансавы расійскі калектыў "Оле-Лукое" і іншыя.

На фестывалі было і шмат аўтэнтычных забаў — і малыя, і дарослыя кідаліся сенам і змагаліся надзіманай зброяй, каталіся на конях. Цікаўныя бралі ўдзел у майстар-класах, вывучалі старадаўнія танцы, вадзілі карагоды.

У імправізаваным горадзе майстроў можна было падзівіцца на вырабы рамеснікаў, паспрабаваць сапраўднага мёду і пачуць незвычайныя музычныя інструменты.

Былі і такія слухачы на Камяніцы
Былі і такія слухачы на "Камяніцы"

Характрэрна, што п'яных на фестывалі амаль не было.

Такім чынам некалькі тысяч беларусаў стварылі сабе сапраўднае свята і аб'ядналіся адзінай ідэяй і адзінай мэтай: "Не забываць карані свае, каб не ўмерлі".

Камяніца-2016 пакінула незабыўныя ўражанні
© Photo : Юлія Хвошч
"Камяніца-2016" пакінула незабыўныя ўражанні

Выручаныя ад продажу квіткоў грошы пойдуць на рахунак музея народнай архітэктуры і побыту.

391
Тэги:
Фестываль, Фолк-фэст "Камяніца", Алег Хаменка, Іван Кірчук, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

52
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

52
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

43
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

43
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Міністр аховы здароўя Беларусі Дзмітрый Піневіч

Далей-лягчэй: Піневіч ацаніў тэрміны заканчэння пандэміі COVID-19 у Беларусі

2
(абноўлена 11:47 13.05.2021)
Каронавірус схільны да сезоннасці, летам захворванне будзе меншым, лічыць міністр аховы здароўя рэспублікі.

МІНСК, 13 тра - Sputnik. Восенню 2021 года пандэмія каронавіруса будзе, але ў меншых маштабах, а барацьба з ёй працягнецца да лютага 2022-га, такі прагноз даў міністр аховы здароўя Дзмітрый Піневіч.

Паводле яго слоў, хутчэй за ўсё, беларускія медыкі будуць змагацца з каронавірусам да лютага 2022 года. Тым не менш, міністр лічыць, што гэтай восенню COVID-19 значна зменшыцца ў маштабах.

"Цяпер асноўная задача - прайсці вясновую хвалю, астатняе вытрымаем. А калі яшчэ больш пазітыўна, то беларусы - малайцы, гэты этап праходзяць вельмі годна", - цытуе Піневіча "СБ. Беларусь сегодня".

Ён гэта звязвае з тым, што каронавірус схільны да сезоннасці, у тым ліку, зніжэннем актыўнасці летам. Па словах міністра, таксама ў цёплы час года людзі больш часу праводзяць на свежым паветры, ядуць свежыя садавіну і гародніну, якія ўмацоўваюць імунітэт.

На гэта ўсё яшчэ накладзена і вакцынацыя, якая будзе працягвацца, таму ўсплёску захворвання, як увосень-2020 не будзе, сказаў Піневіч.

Памыліліся з прагнозам

"Хутчэй за ўсё, мы памыліліся з велічынёй піка трэцяй хвалі - меркавалі, што яна будзе ніжэй, чым падчас другой, але не настолькі. Сёння прыкладна 1500 ложкаў у краіне знаходзіцца ў свабодным рэжыме - хацелася б, каб усё так і засталося", - падкрэсліў кіраўнік Міністэрства аховы здароўя. Тым не менш, паводле яго слоў, цяжкахворых пацыентаў нават больш, чым увосень.

Беларусь збіраецца выпускаць "Спутник Лайт"

Піневіч падкрэсліў, што ў беларусаў два праекты з рознымі расейскімі кампаніямі, але па адным прэпараце, вырабленым ў інстытуце Н.Ф.Гамалеі.

"У корпусе на вуліцы Фабрыцыуса ідзе разліў, а ў корпусе на вуліцы Аранскай праходзіць рэканструкцыя цэха. Менавіта там будзе вырабляцца вакцына - ад вырошчвання да разліву", - сказаў ён.

Па словах міністра, Беларусь плануе таксама закупляць і вырабляць новую расійскую вакцыну "Спутник Лайт".

"Спутник Лайт" - "палегчаная" версіі вакцыны "Спутник V". Паводле інфармацыі фонду, эфектыўнасць прэпарата складае 79,4% з 28-га дня пасля атрымання імунізацыі. Гэты паказчык вышэй многіх іншых вакцын, якія патрабуюць двух уколаў.

Плануецца, што ў грамадзянскі абарот у рэспубліцы прэпарат паступіць толькі ў 2022 годзе. Таксама ў нашай краіне чакаюць і кітайскую вакцыну Vero Cell, якая паступіць у канцы траўня.

Адзначаецца, што вакцына "Спутник V", якая была выраблена на РУП "Белмедпрэпараты", паспяхова прайшла трохтыднёвыя лабараторныя выпрабаванні ў Нацыянальным даследчым цэнтры эпідэміялогіі і мікрабіялогіі імя Н.Ф.Гамалеі на кантроль якасць і бяспеку.

Прышчэпачная кампанія ў Беларусі

Цяпер у рэспубліцы ўсё насельніцтва прышчапляюць ад каронавіруса, у першую чаргу - пажылых. Вакцынацыю робяць трыма прэпаратамі - расійскімі "Спутник V", "ЭпиВакКорона" і кітайскім "Синофармом".

Беларуская вакцына

Прэзідэнт Аляксандр Лукашэнка 7 траўня заявіў аб стварэнні беларускай вакцыны ад COVID - так званага "кандыдацкага варыянту".

У Міністэрстве аховы здароўя ўдакладнілі, што вакцына, якую распрацоўваюць у Беларусі, - інактываваная, гэта значыць зроблена з "забітага" віруса: гэты тып вакцыны добра вывучаны, тэхналогія вядомая даўно, вакцына будзе маларэактагеннай, без аддаленых пабочных рэакцый і наступстваў.

Перавага будучай вакцыны - магчымасць мяняць склад пры неабходнасці, калі будуць адбывацца сур'ёзныя мутацыі штамаў.

З недахопаў - цяжкі працэс вытворчасці і працяглыя тэрміны стварэння ў параўнанні з тымі ж вектарнымі вакцынамі. Праца ідзе з высокапатагенным матэрыялам, таму патрабуецца высокі ўзровень біялагічнай абароны.

Навукоўцы ўпэўнены, што доследна-прамысловая партыя прэпарата пачне выпускацца з канца 2021 года.

Якое прадпрыемства зоймецца вытворчасцю айчыннай вакцыны, трымаецца ў сакрэце - камерцыйная таямніца. Над назвай таксама пакуль не думалі: "галоўнае - вынайсці".

Чытайце таксама:

2
Тэги:
міністр, каронавірус, Беларусь, COVID-19, пандэмія, Дзмітрый Піневіч