МІНСК, 6 лют — Sputnik. Беларуская спявачка Анастасія Малашкевіч прайшла сляпыя праслухоўванні ў рамках украінскага тэлешоў "Голас" і пазмагаецца за перамогу ў конкурсе.
Малашкевіч — беларуская спявачка, якая працуе ў Вялікім тэатры оперы і балета. Двойчы выканаўца станавілася фіналісткай нацыянальнага адбору на "Еўрабачанне" ад Беларусі — у 2015-м і 2016-м гадах.
У мінулую нядзелю ў эфір украінскага ТБ выйшаў чарговы выпуск сёмага сезона шоу "Голас краіны" ("Голас країни") — адной з самых папулярных тэлепраграм у краіне. Удзел у сляпых праслухоўваннях прыняла і беларуска Анастасія Малашкевіч. Яна выканала песню Лабады "40 градусаў" і працягне змагацца за перамогу ў конкурсе: свае галасы ёй аддалі адразу два трэнеры — Ціна Кароль і Патап. Малашкевіч вырашыла застацца з Кароль.
Малашкевіч распавяла ў эфіры ўкраінскага тэлебачання аб сваёй матывацыі для ўдзелу ў конкурсе — па яе словах, пасля заручын у канцы 2015 года яе кінуў каханы, і цяпер спявачка хоча даказаць сваю значнасць не толькі яму, але і сабе.
У мінулым годзе Малашкевіч спрабавалася і на расійскую версію "Голаса", аднак там яе выступленне не так высока ацанілі: трэнеры вырашылі не працягваць працу са спявачкай.
