Адкрыццё выставы Антона Бархаткова

Антон Бархаткоў: вучань Бялыніцкага-Бірулі і паэт беларускіх мастакоў

39
(абноўлена 10:57 09.02.2017)
Гэтыя карціны Антона Бархаткова ніколі не выстаўляліся разам, а некаторыя наогул прадсталі перад гледачамі ўпершыню.

МІНСК, 9 лют — Sputnik. У Нацыянальным мастацкім музеі ўчора адкрылася выстава работ Антона Бархаткова, якая прысвечана стагоддзю заслужанага мастака краіны.

Ігар Бархаткоў
© Sputnik Вольга Караленка
Ігар Бархаткоў

Адкрыццё можна без перабольшвання назваць сустрэчай добрых знаёмых, бо тут не было выпадковых асоб. Прыйшлі тыя, хто добра ведаў Антона Стэфанавіча, яго сына і, канечне, піша сам. Ва ўсялякім выпадку, Ігар Антонавіч Бархаткоў толькі паспяваў вітацца з сябрамі і дзякаваў за памяць і добрыя словы пра бацьку, вучня самога Бялыніцкага-Бірулі.

Яго карціны падобныя і на палотны настаўніка, і на Левітана, у якога ў сваю чаргу вучыўся Бялыніцкі-Біруля. Бо ў іх адна натуралістычная школа, якая ніколі не выйдзе з моды. Таму і стаялі падоўгу наведвальнікі ля зімовых палотнаў, на якіх так перададзены цені, быццам ты на вуліцы, ля гэтай сельскай прыгажосці.

На выставе прадстаўлена каля трыццаці работ, якія ніколі не выстаўляліся разам. Арганізатары выставы, а гэта ў першую чаргу сын, таксама вядомы мастак Ігар Бархаткоў, і дырэкцыя Нацыянальнага мастацкага музея збіралі палотны па ўсёй Беларусі. Зусім нямногія захоўваюцца ў калекцыі музея, большасць належаць сям'і, паколькі сам мастак вельмі балюча развітваўся са сваімі работамі. А таксама прывезены на выставу з іншых галерэй краіны.

І гэта яшчэ адна важкая падстава наведацца на экспазіцыю "Век Антона Бархаткова", якога калегі назвалі паэтам беларускіх мастакоў.

39
Тэги:
Выстава карцін, Антон Бархаткоў, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

52
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

52
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

43
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

43
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Палац Незалежнасці ў Мінску

Лукашэнка прыняў даверчыя граматы пасла Расіі Лук'янава

4
(абноўлена 12:03 13.05.2021)
У Палацы Незалежнасці адбылася ўрачыстая цырымонія ўручэння даверчых грамат новых кіраўнікоў дыпламатычных місій адразу шасці дзяржаў.

МІНСК, 13 тра - Sputnik. Беларускі лідэр у Палацы Незалежнасці прыняў даверчыя граматы пасла Расіі Яўгена Лук'янава.

Аляксандру Лукашэнку ў ходзе ўрачыстай цырымоніі свае даверчыя граматы таксама ўручылі паслы Ірака, Нікарагуа, Руанды, Саудаўскай Аравіі і Сьера-Леонэ.

Кіраўнік дзяржавы нагадаў замежным дыпламатам, што беларуская сталіца была цалкам разбурана ў гады вайны, але была адноўлена дзякуючы намаганням яго жыхароў "і сёння вы можаце атрымліваць асалоду ад дагледжаннасці і прыгажосці Мінска".

"Мы сустракаемся адразу пасля святкавання святой для кожнага беларуса, кожнага савецкага чалавека даты - Дня Перамогі і напярэдадні 80-годдзя Вялікай Айчыннай вайны", - сказаў ён.

Паводле яго слоў, гэтая вайна была самай крывавай у гісторыі чалавецтва бойняй, якая прынесла пакуты ўсім народам Савецкага Саюза. У Беларусі загінуў кожны трэці жыхар, у большай частцы - мірнае насельніцтва.

"Па сутнасці гэта было мэтанакіраванае жорсткае і бесчалавечнае вынішчэнне людзей - сапраўдны генацыд. Мы гэта памятаем і ў травеньскія дні кожны год славім герояў, смуткуем па шматмільённых нявінных ахвярах", - распавёў Аляксандр Лукашэнка.

На яго думку, на жаль, сёння сітуацыя ў свеце далёкая ад спакойнай, барацьбу за геапалітычны ўплыў, перадзел сфер інтарэсаў у эканоміцы абвастрыла пандэмія каронавіруса. Беларускія ўлады, як і кіраўніцтва іншых краін не могуць ігнараваць гэты фактар.

"Толькі беларускі народ у праве сам вырашаць, якім павінна быць яго будучыня. У лютым у Мінску прайшоў Усебеларускі народны сход. У яго рабоце прынялі ўдзел больш за 2,5 тысяч дэлегатаў. Гэта прадстаўнікі ўсіх слаёў нашага грамадства: людзі розных прафесій і палітычных поглядаў. Рашэнне гэтага прадстаўнічага форуму адназначна пацвердзіла падтрымку дзяржаўнага курсу на далейшае развіццё сацыяльнай дзяржавы з высокатэхналагічнай эканомікай", - упэўнены беларускі лідэр.

Пасля чаго дадаў, што "народнае веча" паказала запыт часткі беларускага грамадства на перамены ў грамадска-палітычным жыцці. Беларусы падтрымалі рэформу Канстытуцыі, якая ідзе з шырокім абмеркаваннем.

"Праўда, гэта не ўсім падабаецца за мяжой. Але нават у такіх няпростых умовах Беларусь застаецца прыхільнай канструктыўнага ўзаемадзеяння на міжнароднай арэне. Мы заўсёды настроены на дыялог, але ён павінен быць паважлівым, сумленным раўнапраўным", - пазначыў пазіцыю Аляксандр Лукашэнка.

Кіраўнік дзяржавы выказаў надзею, што замежныя дыпламаты прапануюць цікавыя ідэі для двухбаковага супрацоўніцтва, якія ўзбагацяць Беларусь станоўчым вопытам.

Чытайце таксама:

4
Тэги:
Яўген Лук'янаў, Пасольства РФ у Беларусі, Аляксандр Лукашэнка