Легендарная Ардынка: Ахматава "атрымала" маскоўскую прапіску
(абноўлена 15:21 15.02.2017)
Афіцыйнага адрасу ў Ахматавай у Маскве не было, у сталіцы яна жыла на Ардынцы ў сям'і сваіх сяброў.МІНСК, 15 лют — Sputnik. Мемарыяльную прастору "Маскоўскі дом Ахматавай" адкрыюць 21 лютага ў Доме антыкварнай кнігі "У Нікіцкіх", паведамляе РІА "Новости".
"Гэтая пастаянна дзеючая экспазіцыя стане першым у свеце літаратурным музеем, створаным аўкцыённым домам", — гаворыцца ў паведамленні прэс-службы "У Нікіцкіх".
Афіцыйнага адрасу ў Ахматавай у Маскве не было, у сталіцы пецярбужанка Ахматава жыла на Ардынцы ў сям'і сваіх сяброў — пісьменніка Віктара Ардова і яго жонкі, актрысы Ніны Альшэўскай. У двары дома, які Ахматава называла "Легендарнай Ардынкай", ёй усталяваны помнік.
Сыны Альшэўскай — акцёр Аляксей Баталаў і пісьменнік, протаіерэй Міхаіл Ардоў з 2011 года спрабавалі знайсці магчымасць ператварыць іх сямейную кватэру ў музей Ахматавай, аднак пакуль ім гэтага зрабіць не ўдалося. Заснавальнік аўкцыённага дома "У Нікіцкіх" Мікалай Шутаў прапанаваў стварыць прастору вакол жыцця і творчасці Ганны Ахматавай у сценах асабняка ў Нікіцкім завулку.
"У нас вялікія планы на гэтую прастору: мы хочам, каб музей жыў, збіраў неабыякавых да паэзіі людзей, хочам адрадзіць "ахматаўку", прыцягваючы не толькі ўжо добра знаёмых з творчасцю Ганны Андрэеўны людзей, але і моладзь, якая толькі адкрывае для сябе гэтага паэта.
У нашых планах — штомесячнае правядзенне мерапрыемстваў, прысвечаных Ганне Андрэеўне, стварэнне прэміі імя Ганны Ахматавай для паэтаў-пачаткоўцаў, выпуск "Ахматаўскага штогодніка", паэтычныя і літаратурныя вечары", — цытуе прэс-служба куратара музея Анатоля Госцева.
У экспазіцыю ўвойдуць не толькі кнігі і аўтографы Ахматавай, але і прадметы побыту, якія знаходзіліся ў кватэры на Ардынцы: фамільная бібліятэка сям'і Ардова, працоўны стол, канапа, пара крэслаў, друкаваная машынка, Евангелле, чарніліца і гадзіннік Ахматавай.
Тэги:
Instagram: як прайшоў Навагодні баль у Вялікім тэатры
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.
У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.
Госці свята танчылі, слухалі жывую музыку і забаўляліся ў цікавых фотазонах.
Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.
У гэтую ноч публіка сустрэла стары Новы год у асяроддзі артыстаў, музыкаў і спевакоў.
Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.
Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.
Глядзіце таксама:
Тэги:
Хаменка: "Калядны фэст" аб'яднае ўсіх
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.Хаменка: "Калядны фэст" аб'яднае ўсіх
Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.
"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.
У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.
Гутарку з Алегам Хаменкам слухайце ў аўдыёзапісе радыё Sputnik Беларусь.
Як ваенныя трэніруюцца вадзіць тэхніку ў складаных метэаўмовах - відэа
(абноўлена 18:08 26.01.2021)
Мароз, гурбы і снегапад - самы час праверыць навыкі ваджэння ваеннай тэхнікай - як колавай, так і гусенічнай. Як гэта адбываецца - глядзіце на відэа.На гэты раз, як перадае Мінабароны Расіі, на палігон у Мурманскай вобласці выехалі вадзіцелі мотастралковага злучэння Паўночнага флоту. Даручаная ім тэхніка - двухзвенныя ўсюдыходы "Віцязь" і грузавікі КамАЗ.
Надвор'е выдалася марознае, ды і са снегападам, такім, што пасля аднаго ўзмаху "дворнікаў" лабавое шкло амаль адразу заляпляла снегам. Ідэальны варыянт для экстрэмальнага кіравання.
Зрэшты, нават вялікія гурбы не з’яўляюцца перашкодай як для гусенічных цягачоў, так і для паўнапрывадных грузавікоў. Усюдыходы, падсвятляючы сабе шлях фарамі, прадзіраліся скрозь занесеныя снегам дарогі паміж дрэвамі, а ўслед за імі ехалі Камазы і Уралы.
Глядзіце таксама:
- Глядзіце, як беларуская "Аса" паражае цэлі – відэа
- Выпрабавальныя стрэльбы мадэрнізаванай РСЗА "Град" правялі ў РБ - відэа
- Як страляе "Тэрмінатар"? Відэа з ваеннага палігона
Тэги: