Выстава карцін  Я Манэ Я Шышкін Я Малевіч у Мінску

"Зімовая раніца" Сяргея Трухана прайшла ў дзверы і пакарыла гледачоў

50
(абноўлена 10:12 28.02.2017)
Выставу "Я Манэ, Я Шышкін, Я Малевіч" у Мінску наведалі каля 4 тысяч гледачоў, паведамілі арганізатары гэтага праекта ў галерэі "Дом карцін".

МІНСК, 28 лют — Sputnik. Гэты незвычайны праект, калі на выставу маглі прадставіць свае работы мастакі рознага ўзросту незалежна ад прафесійнай адукацыі, выклікаў вялікую цікавасць як аўтараў твораў, так і наведвальнікаў. Усяго ў галерэі было размешчана 661 карціна, а з 2 па 26 лютага яе ўбачылі амаль 4 тысячы гледачоў. 

Выстава Я Манэ я Шышкін я Малевіч адкрываецца ў Мінску
Sputnik/ Елена Васильева, Артем Бордовский

Тры апошнія дні студзеня гэтага года супрацоўнікі галерэі прымала па адной працы ад мастака ў парадку жывой чаргі. Мастакоў не абмяжоўвалі ў жанрах, адзінай умовай было, каб праца праходзіла ва ўваходныя дзверы.

Кожнай працы прысвойваўся парадкавы нумар. Наведвальнікі выставы выбіралі свайго фаварыта, паказаўшы нумар упадабанай працы. Вынікі галасавання гледачоў арганізатары праекта агучылі на закрыцці выставы 26 лютага. 

Карціна непрафесійнага мастака "Зімовая раніца" Сяргея Трухана атрымала першае месца па выніках галасавання гледачоў. Пераможца атрымаў магчымасць арганізаваць двухтыднёвую персанальную выставу ў Доме карцін на працягу гэтага года.

Другое месца ў карціны Андрэя Сімончыка "Восень у Істлане", трэцяе — у працы "Сяргей" Вікторыі Савянковай. Практычна ўсе прадстаўленыя на выставе працы можна было набыць.

Падчас выставы многія карціны былі зарэзерваваны для продажу. Каталог работ неўзабаве будзе падрыхтаваны да публікацыі.

Арганізатары выставы "Я Манэ, Я Шышкін, Я Малевіч" лічаць вопыт правядзення такога праекту вельмі паспяховым. Падобную выставу яны плануюць паўтарыць у наступным годзе.

50
Тэги:
Выстава карцін, Мінск
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

52
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

52
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

43
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

43
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Міністр аховы здароўя Беларусі Дзмітрый Піневіч

Далей-лягчэй: Піневіч ацаніў тэрміны заканчэння пандэміі COVID-19 у Беларусі

2
(абноўлена 11:47 13.05.2021)
Каронавірус схільны да сезоннасці, летам захворванне будзе меншым, лічыць міністр аховы здароўя рэспублікі.

МІНСК, 13 тра - Sputnik. Восенню 2021 года пандэмія каронавіруса будзе, але ў меншых маштабах, а барацьба з ёй працягнецца да лютага 2022-га, такі прагноз даў міністр аховы здароўя Дзмітрый Піневіч.

Паводле яго слоў, хутчэй за ўсё, беларускія медыкі будуць змагацца з каронавірусам да лютага 2022 года. Тым не менш, міністр лічыць, што гэтай восенню COVID-19 значна зменшыцца ў маштабах.

"Цяпер асноўная задача - прайсці вясновую хвалю, астатняе вытрымаем. А калі яшчэ больш пазітыўна, то беларусы - малайцы, гэты этап праходзяць вельмі годна", - цытуе Піневіча "СБ. Беларусь сегодня".

Ён гэта звязвае з тым, што каронавірус схільны да сезоннасці, у тым ліку, зніжэннем актыўнасці летам. Па словах міністра, таксама ў цёплы час года людзі больш часу праводзяць на свежым паветры, ядуць свежыя садавіну і гародніну, якія ўмацоўваюць імунітэт.

На гэта ўсё яшчэ накладзена і вакцынацыя, якая будзе працягвацца, таму ўсплёску захворвання, як увосень-2020 не будзе, сказаў Піневіч.

Памыліліся з прагнозам

"Хутчэй за ўсё, мы памыліліся з велічынёй піка трэцяй хвалі - меркавалі, што яна будзе ніжэй, чым падчас другой, але не настолькі. Сёння прыкладна 1500 ложкаў у краіне знаходзіцца ў свабодным рэжыме - хацелася б, каб усё так і засталося", - падкрэсліў кіраўнік Міністэрства аховы здароўя. Тым не менш, паводле яго слоў, цяжкахворых пацыентаў нават больш, чым увосень.

Беларусь збіраецца выпускаць "Спутник Лайт"

Піневіч падкрэсліў, што ў беларусаў два праекты з рознымі расейскімі кампаніямі, але па адным прэпараце, вырабленым ў інстытуце Н.Ф.Гамалеі.

"У корпусе на вуліцы Фабрыцыуса ідзе разліў, а ў корпусе на вуліцы Аранскай праходзіць рэканструкцыя цэха. Менавіта там будзе вырабляцца вакцына - ад вырошчвання да разліву", - сказаў ён.

Па словах міністра, Беларусь плануе таксама закупляць і вырабляць новую расійскую вакцыну "Спутник Лайт".

"Спутник Лайт" - "палегчаная" версіі вакцыны "Спутник V". Паводле інфармацыі фонду, эфектыўнасць прэпарата складае 79,4% з 28-га дня пасля атрымання імунізацыі. Гэты паказчык вышэй многіх іншых вакцын, якія патрабуюць двух уколаў.

Плануецца, што ў грамадзянскі абарот у рэспубліцы прэпарат паступіць толькі ў 2022 годзе. Таксама ў нашай краіне чакаюць і кітайскую вакцыну Vero Cell, якая паступіць у канцы траўня.

Адзначаецца, што вакцына "Спутник V", якая была выраблена на РУП "Белмедпрэпараты", паспяхова прайшла трохтыднёвыя лабараторныя выпрабаванні ў Нацыянальным даследчым цэнтры эпідэміялогіі і мікрабіялогіі імя Н.Ф.Гамалеі на кантроль якасць і бяспеку.

Прышчэпачная кампанія ў Беларусі

Цяпер у рэспубліцы ўсё насельніцтва прышчапляюць ад каронавіруса, у першую чаргу - пажылых. Вакцынацыю робяць трыма прэпаратамі - расійскімі "Спутник V", "ЭпиВакКорона" і кітайскім "Синофармом".

Беларуская вакцына

Прэзідэнт Аляксандр Лукашэнка 7 траўня заявіў аб стварэнні беларускай вакцыны ад COVID - так званага "кандыдацкага варыянту".

У Міністэрстве аховы здароўя ўдакладнілі, што вакцына, якую распрацоўваюць у Беларусі, - інактываваная, гэта значыць зроблена з "забітага" віруса: гэты тып вакцыны добра вывучаны, тэхналогія вядомая даўно, вакцына будзе маларэактагеннай, без аддаленых пабочных рэакцый і наступстваў.

Перавага будучай вакцыны - магчымасць мяняць склад пры неабходнасці, калі будуць адбывацца сур'ёзныя мутацыі штамаў.

З недахопаў - цяжкі працэс вытворчасці і працяглыя тэрміны стварэння ў параўнанні з тымі ж вектарнымі вакцынамі. Праца ідзе з высокапатагенным матэрыялам, таму патрабуецца высокі ўзровень біялагічнай абароны.

Навукоўцы ўпэўнены, што доследна-прамысловая партыя прэпарата пачне выпускацца з канца 2021 года.

Якое прадпрыемства зоймецца вытворчасцю айчыннай вакцыны, трымаецца ў сакрэце - камерцыйная таямніца. Над назвай таксама пакуль не думалі: "галоўнае - вынайсці".

Чытайце таксама:

2
Тэги:
міністр, каронавірус, Беларусь, COVID-19, пандэмія, Дзмітрый Піневіч