Аляксандр Салаўёў, Уладзімір Цярэнцьеў

Віцебскія мастакі: адмысловая школа Юрыя Пэна, Шагала

19
Віцебская абласная арганізацыя Беларускага саюза мастакоў - самая буйная ў краіне, яна аб'ядноўвае 106 майстроў, якія працягваюць традыцыі, закладзеныя Віцебскай мастацкай школай.

МІНСК, 28 лют — Sputnik. У Мастацкім музеі Віцебска адкрыўся выставачны праект, прысвечаны 65-годдзю абласной арганізацыі Беларускага саюза мастакоў (БСМ). Знакавай падзеяй на прэзентацыі маштабнай рэтраспектыўнай экспазіцыі стала ўручэнне аднаму з найстарэйшых майстроў жывапісу і графікі, заслужанаму дзеячу мастацтваў рэспублікі Аляксандру Салаўёву ордэна Францыска Скарыны.  

Мастак мінулай восенню адзначыў 90-годдзе. Родам ён з Ленінградскай вобласці, але ўсё сваё творчае жыццё прысвяціў Беларусі, якая стала яго другой радзімай. Гэта другі ордэн, якім узнагароджваюць Аляксандра Салаўёва. Першы — Чырвонай Зоркі — ён атрымаў за баявыя заслугі, праяўленыя ў гады Вялікай Айчыннай.

У 17 гадоў будучы мастак пайшоў у партызаны, а з 1944-га знаходзіўся ў дзеючай арміі і прымаў удзел у баях. Пасля вайны скончыў Ленінградскае вышэйшае мастацка-прамысловае вучылішча імя Мухінай, а затым — Беларускі дзяржаўны тэатральна-мастацкі інстытут. 30 гадоў прапрацаваў мастаком-пастаноўшчыкам у Нацыянальным акадэмічным драматычным тэатры імя Якуба Коласа, аформіў больш за 100 спектакляў.

Персанальная выстава майстра — частка праекта, прысвечанага 65-годдзю абласной арганізацыі БСМ. Яшчэ дзве экспазіцыі прадстаўляюць аўтараў, якія стаялі ля вытокаў стварэння творчага аб'яднання. Адна зала прысвечана мастакам, якія сталі членамі прафесійнага саюза з 1945 па 1975 гады, другі — з 1975-га па 1990-ы.

Усяго экспануецца больш за 90 твораў 58 жывапісцаў, графікаў і скульптараў. Шматлікіх аўтараў можна назваць класікамі беларускага выяўленчага мастацтва. Гэта Валянцін Дзежыц, Антон Каржанеўскі, Пётр Явіч, народны мастак Беларусі Яўген Нікалаеў, Рыгор Клікушын, Іван Сталяроў і іншыя.

Дарэчы, віцебская абласная арганізацыя Беларускага саюза мастакоў — самая буйная ў краіне, яна аб'ядноўвае 106 майстроў, якія працягваюць традыцыі, закладзеныя Віцебскай мастацкай школай, і пракладваюць свой шлях у мастацтве.

19
Тэги:
Беларускі саюз мастакоў, Аляксандр Салаўёў, Віцебск
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

39
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

39
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
У студэнцкай вёсцы

Прэзідэнт даручыў пабудаваць чатыры новыя інтэрнаты ВНУ

0
(абноўлена 17:26 06.07.2020)
Гаворка ідзе пра ўзвядзенне новых інтэрнатаў для шэрагу сталічных універсітэтаў - ад БДУІР да БДУФК.

МІНСК, 6 ліп - Sputnik. Прэзідэнт Беларусі Аляксандр Лукашэнка сваім распараджэннем ад 2 лiпеня 2020 г. № 121рп даручыў пабудаваць новыя інтэрнаты для шэрагу ВНУ, паведамілі на Нацыянальным прававым інтэрнэт-партале.
Пабудаваць новыя інтэрнаты для сталічных ВНУ павінны да 2024 года.

Як паведамляюць у НЦПІ, гаворка ідзе пра інтэрнат на 1030 месцаў - яго падзеляць студэнты Беларускага дзяржаўнага ўніверсітэта інфарматыкі і радыёэлектронікі (БДУІР) і Беларускага дзяржаўнага медыцынскага ўніверсітэта (БДМУ).

Акрамя таго, новы інтэрнат пабудуюць для Беларускага нацыянальнага тэхнічнага ўніверсітэта (БНТУ) і Беларускага дзяржаўнага тэхналагічнага ўніверсітэта (БДТУ), абодва - на 1030 месцаў.

Таксама на 700 месцаў плануецца пабудаваць інтэрнат для Беларускага дзяржаўнага ўніверсітэта фізічнай культуры (БДУФК).

Да 2024 года плануюць таксама ўзвесці навучальны корпус практыка-арыентаванага навучання для БДМУ.
"Дакументам вызначаны генеральныя праектныя і падрадныя арганізацыі па будаўніцтве гэтых аб'ектаў, а таксама парадак прадастаўлення і пагашэння крэдытаў на названыя мэты", - паведамілі ў НЦПІ.

Дзе будуць пабудаваны новыя інтэрнаты, пакуль не вядома.

Нагадаем, кіраўнік дзяржавы раней паставіў задачу забяспечыць усіх студэнтаў ВНУ магчымасцю пражываць у інтэрнатах. Сёння праблема з колькасцю месцаў ёсць толькі ў мінскіх універсітэтах, у рэгіёнах недахопу інтэрнатаў няма.

0
Тэги:
ВНУ, Беларусь, Аляксандр Лукашэнка