Інсталяцыя бразільскага мастака на Венецыянскай біенале - 2016

"Стол": што прадставіць Беларусь на Венецыянскай біенале

26
(абноўлена 10:06 20.03.2017)
Выдзеленыя Мінкультам грошы аўтары праекту выдаткуюць на арэнду павільёна, а таксама друк плакатаў і каталогаў; сам жа праект яны падрыхтавалі на ўласныя сродкі.

Праз два месяцы пройдзе 57-ая Венецыянская біенале — адзін з самых значных форумаў сучаснага мастацтва. Беларусь на выставе прадставяць мастак Раман Заслонаў, прадзюсар Віктар Лабковіч і рэжысёр Сяргей Талыбаў.

Канцэпцыю беларускага павільёна на 57-й Венецыянскай біенале сучаснага мастацтва зацвердзіла ў лютым спецыяльнае журы, у склад якога ўваходзілі прадстаўнікі Міністэрства культуры, Нацыянальнай акадэміі навук Беларусі, Беларускага саюза мастакоў, Беларускага саюза дызайнераў, Нацыянальнага мастацкага музея Беларусі і шэраг іншых арганізацый.

Карэспандэнт Sputnik Яўген Казарцаў сустрэўся з Заслонавым і Лабковічам, каб даведацца — чым жа паспрабуе здзівіць Беларусь спрактыкаваных гасцей біенале.

Павільён — каля садоў Джардзіні

"Стол" — праект маёй інтэлектуальнай працы ўжо на працягу некалькіх гадоў, прычым апошнія паўтара года са мной над ім працуюць прадзюсар Віктар Лабковіч і рэжысёр Сяргей Талыбаў", — распавёў Заслонаў.

Як прызнаўся мастак, пасля зацвярджэння Мінкультам праект трохі змяніўся, хоць і не канцэптуальна.

"Гэта звязана з тым павільёнам, дзе мы будзем выстаўляцца ў Венецыі. Вядома, асноўны элемент — відэа — ніяк не змяніўся, проста памяняліся ўмовы экспанавання і падачы", — растлумачыў ён.

Художник Роман Заслонов
© Sputnik / Виктор Толочко
Мастак Раман Заслонаў

Як нагадаў Лабковіч, у Беларусі свайго павільёна няма, таму для ўдзелу ў экспазіцыі даводзіцца арандаваць плошчу.

"За два дні мы павінны былі прагледзіць дзвесце варыянтаў, з якіх выбралі два павільёна. У выніку спыніліся на тым, што крыху даражэй, затое размешчаны каля садоў Джардзіні, у якіх і адбываюцца асноўныя дзеянні ў рамках біенале. Памяшканне — класічная еўрапейская мастацкая галерэя з зусім невялікай плошчай, дзе нам трэба будзе зрабіць нешта прывабнае і годнае. Там две залы: у першай — будзе праекцыя відэа, а ў другой — інсталяцыя. Усяго мы раскрываць не будзем — няхай будзе інтрыга", — распавёў суразмоўца Sputnik.

Беларускае відэа на біенале

Відэа доўжыцца 32 хвіліны. На экране з'яўляецца вялікая колькасць вядомых беларускіх артыстаў, а таксама простыя людзі і мастакі.

"Само відэа — бясконцы "стол", дзе адбываюцца розныя падзеі. Бывае і трывіяльнае са сталом, і іншае — можна ўкласці шмат сэнсаў і метафар. І сам "стол" у нас ужываецца як сімвал", — адзначыў мастак Заслонаў.

Паводле яго слоў, відэа-арт значна адрозніваецца ад кіно.

"У кіно калі чалавек сыходзіць з сярэдзіны фільма — значыць, яму вельмі моцна не спадабалася. А прагляд на выставах мае на ўвазе пастаяннае абнаўленне гледачоў. Хтосьці можа паглядзець усяго хвіліну, хтосьці — некалькі разоў запар. Мы спадзяемся, што гэта будзе кранаць людзей. Мы ўжо апрабавалі відэа на вядомых еўрапейскіх куратарах і мастаках, на некалькіх гледачах — ва ўсіх узнікае жаданне даведацца, што ж будзе далей", — дадаў суразмоўца Sputnik.

Час на падрыхтоўку

На думку стваральнікаў "Стала", Мінкульт аддаў ім перавагу ў тым ліку і таму, што іх праект да моманту прыняцця рашэння ўжо быў гатовы.

"Наш праект таму і быў прывабны для Мінкультуры, таму што ён ужо існаваў. Бо той час, які адводзяць на падрыхтоўку павільёна… Вось 1 лютага прадстаўлялі канцэпцыю, а заставалася да адкрыцця біенале тры месяцы. Падобныя праекты за тры месяцы не робяцца", — сказаў Заслонаў.

Да прыкладу, Францыя абрала канцэпцыю свайго павільёна больш за год таму. Год асэнсоўвала і працавала над праектам. Беларуская каманда ж свой праект стварала за ўласныя грошы. Прычым свой "Стол" яны стваралі не спецыяльна для біенале — ідэя нарадзілася сама па сабе, а затым ужо з'явіліся спосабы яе прадэманстраваць.

Продюсер Виктор Лобкович
© Sputnik / Виктор Толочко
Прадусар Віктар Лабковіч

"Мы думалі пра праект не як пра нешта для біенале, хоць любы твор мастацтва трэба паказваць. Чым больш людзей убачаць яго — тым лепш. Раней падавалі праект на фестываль у Канаду і прайшлі папярэдні адбор, але потым "склалі" ўсё разам і зразумелі, што гэта для чагосьці большага, чым проста фестываль. Вырашылі тады і падаваць на такую вялікую выставу", — распавёў Лабковіч.

Міністэрства культуры, як адзначылі суразмоўцы Sputnik, не ўмешваецца ў працэс падрыхтоўкі, а, наадварот, усяляк дапамагае. Выдзеленыя дзяржавай грошы, у прыватнасці, пойдуць на арэнду павільёна, плакаты і каталогі.

"Міністэрства культуры пакрывае асноўную частку выдаткаў, але шукаем і спонсарскія грошы — укласціся цалкам у выдаткаваны бюджэт мы не можам. Міністэрства прадастаўляе 50 тысяч еўра на ўдзел у біенале", — прызнаўся Лабковіч.

Беларускія гледачы і планы

Заслонаў нагадаў, што Беларусь удзельнічае ў біенале ў пяты раз. Каманда не хавае хвалявання, але пры гэтым настойвае — прысутнічаць на форумах такога ўзроўню прынцыпова важна.

"Калі краіна ўдзельнічае ў такога ўзроўню мерапрыемствах — значыць, яна існуе, і пра гэта людзі ведаюць ва ўсім свеце. Для нас галоўнае — каб пра краіну казалі, прызнавалі яе цікавай. Проста ўдзел любога беларускага мастака або музыканта ў любым музычным форуме — велізарны плюс для краіны", — адзначыў мастак.

У Мінску "Стол" куратары абяцаюць паказаць пасля біенале — як яны прызналіся, менавіта беларускі глядач для іх самы важны і запатрабаваны, і яны абавязкова пакажуць праект суайчыннікам.

Венецыянская біенале пройдзе з 13 траўня па 26 лістапада, беларускі павільён афіцыйна адкрыецца 11 траўня.

26
Тэги:
мастацтва, Сучаснае мастацтва, мастакі, культура і мастацтва, Венецыянская біенале, Сяргей Талыбаў, Віктар Лабковіч, Раман Заслонаў, Венецыя, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

39
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

39
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Нарада прэзідэнта з новым складам урада

Мы вытрымаем і пераможам: Лукашэнка даў слова на дарогу новаму ўраду

0
(абноўлена 14:00 04.06.2020)
Кіраўнік дзяржавы сабраў на нараду як новых членаў урада, так і тых, хто захаваў свае пасады.

МІНСК, 4 чэр - Sputnik. Прэзідэнт Беларусі Аляксандр Лукашэнка даў слова на дарогу новаму складу ўрада і пазначыў прыярытэты працы на бліжэйшы час.

Прэзідэнт абнавіў сёння склад урада. Дзясятым па ліку ў гісторыі суверэннай рэспублікі прэм'ер-міністрам стаў Раман Галоўчанка, замененыя таксама некаторыя віцэ-прэм'еры, міністры і кіраўнікі камітэтаў.

0
Тэги:
Урад Беларусі, Аляксандр Лукашэнка