Дударскі фэст-2017

Дуда як сімвал вернасці традыцыям "Дударскі фэст-2017" прайшоў у Мінску

349
(абноўлена 13:59 10.04.2017)
У мерапрыемстве ўзялі ўдзел гурты "Стары Ольса", Pawa, PiobRock, Lity Taler, Hardwood, Sakramant і Trollwald.

МІНСК, 9 кра — Sputnik, Юлія Хвошч. Першы беларускі фестываль сярэднявечнай музыкі "Дударскі фэст" у чарговы раз прайшоў у Мінску, гэтым разам у сталічным клубе Re: Public. 

Мэта фестывалю — пазнаёміць моладзь з традыцыямі, прывіць ей любоў да свайго, беларускага, але зрабіць гэта цікава і нават апантана, ну, і, канешне, даць зразумець, наколькі магутны гэты інструмент — беларуская дуда.

Дударскі фэст-2017
© Sputnik Юлія Хвошч
Вядоўца "Дударскага фэсту-2017" і адзін з яго заснавальнікаў Зміцер Сасноўскі

"Дуда — гэта душа нашага народу. Гэта голас самой нашай зямлі. Гэта шалёны подых усіх піроў і карчомных вечарынаў. Візгат старых танцаў і пранікнёнае гучанне абрадавых спеваў. Голас пахаванняў і развітання з загінулымі сябрамі. За сотні і сотні гадоў. Наш Дударскі фэст — шчырае вяртанне традыцыі", — распавялі арганізатары "Дударскага фэсту".

Дударскі фэст-2017
© Sputnik Юлія Хвошч
Былы ўдзельнік Litvintroll, лідэр гурта Sakramant Васіль Верабейчыкаў

Характэрна, што мерапрыемства наведала не толькі моладзь, было шмат людзей і больш сталага ўзросту. Таксама на танцпляцы былі заўважаны і замежныя госці нашай краіны.

"Мы трапілі сёння ў клуб выпадкова. Наш мінскі сябра паклікаў нас і сказаў, што тут мы зможам пабачыць крыху беларускай культуры. Я ў шоку ад таго, як беларусы спалучаюць металічныя гукі і традыцыі. Шмат гасцей у нацыянальных строях, людзі танчаць нацыянальныя танцы! Гук якасны, музыкі "драйвовыя". Не думала, што можна так "адрывацца" пад фолк-музыку", — распавяла замежная госця.

Са старадаўніх часоў дуда лічылася мужчынскім існтрументам, але сёння з'явіўся трэнд на дзяўчын-дударак, што выглядае вельмі і вельмі прывабна. Гледачы мелі магчымасць гэта адзначыць падчас выступлення PiobRock.

Выступленне гурта Стары Ольса на Дударскім фэсце-2017
© Sputnik Юлія Хвошч
Выступленне гурта "Стары Ольса" на "Дударскім фэсце-2017"

Старадаўнія застольныя песні ў беларускай публіцы, як правіла, асацыіруюцца з гуртом "Стары Ольса". Удзельнікі калектыву прыляцелі на мінскі канцэрт з ЗША напярэдадні. Дарэчы, вядоўцай мерапрыемства, як і заўжды, быў лідэр "Ольсаў" Зміцер Сасноўскі. Падчас іх выступу не абыйшлося ні без прэм'ер, ні без усенароднай "Карчмы". Ну а напрыканцы гурт выканаў неўміручую "Highway to hell" у аранжыроўцы народных інструментаў.

Выступленне гурта "Стары Ольса" не магчыма ўявіць без сярэднявечных танцаў. На танцляцы традыцыйна знаходзіліся юнакі і дзяўчаты, якія ведалі, як танчылі нашыя продкі і дэманстравалі гэта астатнім. Вынік — увесь танцпляц у адзіным дружным карагодзе.

Дударскі фэст-2017
© Sputnik Юлія Хвошч
Скрыпачка гурта Pawa

Наступны гурт Pawa прыемна здзівілі — калектыў вельмі моцны. Не тое, каб я не чула іх раней, але зрабілася ўражанне, што яны вельмі выраслі як музыкі. Яны натуральныя і шчырыя. У іх музыцы не чуваць займання ад замежных гуртоў, але ў плане аранжыроўцы гурт гучыць па-еўрапейску, шчыльна.

Дударскі фэст-2017
© Sputnik / Юлія Хвошч
Вакаліст гурта Sakramant

Колькі гадоў таму яшчэ існаваў выбітны беларускі металічны гурт Litvintroll, які ў 2015 распаўся на Sakramant і Trollwald. Абодва гурта значыліся хэдлайнерамі і выступалі адзін за адным. Зміцер Сасноўскі іх так і прадставіў публіцы — разам.

Дударскі фэст-2017
© Sputnik Юлія Хвошч
Вядоўца мерапрыемства Зміцер Сасноўскі прадстаўляе былых удзельнікаў Litvintroll

"Вось жылі сабе тролі ў вялікім племені "Літвінтроль". І раптам унутры гэтага племені ўзнікла праблема — адныя тролі не хочуць піць з другімі тролямі. І падзяліліся тролі на дзве часткі, і ўтварылася два племені беларускіх троляў. І тады балотныя тролі перасталі любіць падземных троляў. Адно племя пачало называцца Sakramant, а другое — Trollwald. І зараз на адной пляцоўцы, выступаючы адзін за другім, сустрэнуцца дзве часткі аднаго велізарнага народу, які завецца "Літвінтроль", — распавёў вядоўца са сцэны.

Дударскі фэст-2017
© Sputnik Юлія Хвошч
Лідэр гурта Trollwald

Мабыць, не так шмат часу мінула ад распаду вялікага племені Litvintroll, але гурты былі вельмі падобныя, як па моцнай энергетыцы, так і па гуку, нават па святлу. У звычайнага слухача, калі б ён не глядзеў на сцэну, магло б скласціся ўражанне, што гэта адзін калектыў. Ну, а калі б глядзеў, то адзначыў бы магутную харызму дудара ў "Сакраманта" і вакаліста ў "Трольвалда". Апошні, дарэчы, выйшаў на сцэну напаўголым і з плёткай у руцэ. Музыка ж абодвух гуртоў нечым нагадвала старую добрую "Металіку". З адной акалічнасцю. Гэта была беларуская музыка. Гэта была дуда. 

349
Тэги:
Фестываль, Музычныя жанры, Стыль жыцця і адпачынак, Дударскі фэст, Беларусь
По теме
ВІДЭА: беларуская дуда — родная сястра шатландскай валынкі
"Дударскі фэст-2017": Троль з плёткай і Highway to Hell пад дуду
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Рамонт дарожнага пакрыцця, архіўнае фота

На Партызанскім праспекце на некалькі дзён абмяжуюць рух аўтамабіляў

0
(абноўлена 15:25 25.09.2020)
Рамонт дарогі пройдзе з 26 па 28 верасня, для зручнасці вадзіцеляў ўсе працы будуць выконвацца ноччу.

МІНСК, 26 вер - Sputnik. Рух аўтамабіляў будзе абмежаваны на Партызанскім праспекце на ўчастку ад вуліцы Варвашэні да МКАД, паведамілі ва УДАІ ГУУС Мінгарвыканкама.

На адной з галоўных вуліц горада праводзіцца замена асфальтавага пакрыцця. Рух будзе абмежаваны з 26 па 28 верасня.

Па няцотным баку праспекта нельга будзе праехаць з 01:30 26 верасня да 06:00 27 верасня, па цотным баку - з 21:00 26 верасня да 06:00 27 верасня, а таксама з 21:00 27 верасня да 05:00 28 верасня.

Таксама з-за рамонту праспекта 26 і 27 верасня замест тралейбусаў па маршруце №3 будуць хадзіць аўтобусы, паведамілі на прадпрыемстве "Мінсктранс".

0
Тэги:
Мінск