Фэст Рок за Баброў

Мінскі open air увайшоў у топ-5 фестываляў на постсавецкай прасторы

27
(абноўлена 15:31 27.06.2017)
Рэйтынг папулярных open air фестываляў у расійскіх турыстаў узначалілі музычныя фестывалі ў Грузіі, Беларусі, Азербайджане, Казахстане і Арменіі. "Рок за Баброў" адзін з найпапулярнейшых.

МІНСК, 27 чэр — Sputnik. Аналітычнае агенцтва ТурСтат склала рэйтынг самых папулярных музычных фестываляў краін СНД і Грузіі на адкрытым паветры ў "высокі" летні сезон 2017 года.

У топ-5 самых папулярных open air фестываляў СНД і Грузіі ўваходзяць:

  • GEM Fest (Анаклія, Грузія),
  • "Рок за Баброў" (Мінск, Беларусь),
  • "Жара" (Баку, Азербайджан),
  • "FourЭ" (Алматы, Казахстан),
  • EPIC Rock Fest Armenia (Цахкадзор, Арменія).

Фестываль танцавальнай электроннай музыкі GEM Fest 2017 пройдзе з 14 ліпеня па 14 жніўня 2017 года на чарнаморскім узбярэжжы ў Анакліі, Грузія. У GEM Fert 2017 прымуць удзел такія вядомыя DJs, як Dubfire (14 ліпеня), Ferry Corstein (15 ліпеня), Steve Aoki (16 ліпеня), Martin Garrix (21 ліпеня) і Paul Kalkbrenner (13 жніўня). Фестываль GEM Fest наведала больш за 30 тысяч чалавек ў 2016 годзе.

Музычны фестываль "Рок за Баброў" пройдзе 22 ліпеня 2017 года на аэрадроме "Баравая" ў Мінску. У фестывалі прымуць удзел гурты BRUTTO, ANACONDAZ, "Каста", "Сплин", "Чайф", "Дай дорогу!" і NaviBand. Фестываль "Рок за Баброў" наведалі 15 тысяч чалавек у 2016 годзе.

Музычны фестываль "Жара" пройдзе з 27 па 30 ліпеня 2017 года на тэрыторыі курорта Sea Breeze ў прадмесці Баку на беразе Каспійскага мора. У фэсце возьмуць удзел Ала Пугачова, Сафія Ратару, Рыгор Лепс, Філіп Кіркораў, Emin, A'Studio, LOBODA, Валерый Меладзе, Ягор Крыд і іншыя. Фестываль "Жара" наведала звыш 5 тысяч чалавек у 2016 годзе, а ў 2017 годзе колькасць наведвальнікаў фэсту вырасце да 10 тысяч.

Этна-эка фестываль "FourЭ" пройдзе з 18 па 24 жніўня 2017 года ў коннаспартыўным комплексе Almaty Horse & Polo Club, Салдацкая цясніна, Талгарскі раён, Алмацінская вобласць (урочышча Чубарагаш у 35 км ад Алматы). Фестываль "FourЭ" наведала больш за 5 тысяч чалавек у 2016 годзе.

EPIC Rock Fest Armenia 2017 пройдзе з 12 па 13 жніўня 2017 года на горным курорце Цахкадзор, Арменія. У EPIC Open Air возьмуць удзел гурты Dogma, Vostan Hayots, Vordan Karmir, Empyray, Rozen Tal, Nemra, Vishup і Black Marrows.

27
Тэги:
турызм, Фестываль, Турызм і адпачынак, Музыка, Арменія, Азербайджан, Грузія, Казахстан, Расія, Мінск, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

39
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

39
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Петыцыю за адмену выпускных экзаменаў падпісалі больш за 6,5 тысяч беларусаў

Петыцыю за адмену выпускных экзаменаў падпісалі больш за 6,5 тысяч беларусаў

0
(абноўлена 15:56 24.05.2020)
Адпаведны зварот накіруюць як у Міністэрства адукацыі Беларусі, так і ў Адміністрацыю прэзідэнта.

МІНСК, 24 мая - Sputnik. Петыцыю з заклікам адмяніць выпускныя іспыты ў школах Беларусі падпісалі больш за 6,5 тысяч чалавек, паведамляе Sputnik.

Міністэрства адукацыі, нягледзячы на ​​распаўсюд каронавіруса, вырашыла не пераносіць выпускныя іспыты ў беларускіх школах.

Пасля гэтага на анлайн-платформе з электроннымі петыцыямі з'явіўся адкрыты ліст у Міністэрства адукацыі і да прэзідэнта.

Чыноўнікаў просяць ацаніць бягучую сітуацыю і адмовіцца ад правядзення выпускных экзаменаў пасля дзевятых і адзінаццатых класаў. Таксама ў петыцыі заклікаюць праводзіць уступныя выпрабаванні не раней чым 1 жніўня.

"Арганізаваць у школах, гімназіях і ліцэях перад пачаткам 2020/21 навучальнага года вочныя і (або) дыстанцыйныя заняткі для ўсіх жадаючых па дадатковым вывучэнні і паўтору матэрыялу за чацвёртую чвэрць 2019/20 навучальнага года", - гаворыцца ў петыцыі.

Таксама ў петыцыі заклікаюць ініцыяваць унясенне тэрміновых зменаў у заканадаўства, якое рэгулюе сферу адукацыі, якія дазволяць праводзіць урокі і экзамены ў дыстанцыйнай форме і па выніках такіх урокаў і экзаменаў выстаўляць ацэнкі. Нагадаем, у дзеючым Кодэксе аб адукацыі паняцці "дыстанцыйнае навучанне" няма.

Зварот ужо падпісалі больш за 6,5 тысяч чалавек. Збор подпісаў працягваецца.

Нагадаем, раней у Мінадукацыі заяўлялі пра тое, што пры правядзенні выпускных іспытаў будуць выконвацца ўсе меры засцярогі. Правядзенне выпускных вечароў было адменена, аднак атэстаты ўсё роўна будуць выдаваць ва ўрачыстай абстаноўцы. Некалькі зменены тэрміны правядзення цэнтралізаванага тэсціравання (ЦТ) - яно пачнецца на два тыдні пазней, чым павінна было.

0
Тэги:
Беларусь, Экзамены, Адукацыя
Тэмы:
Абітурыент - 2020