Фестываль Kubana у Краснадарскім краі, архіўнае фота

Арганізатары Kubana хочуць вярнуць фестываль у Краснадарскі край

43
(абноўлена 17:22 12.07.2017)
Улады Кубані сцвярджаюць, што да іх з прапановай зноў праводзіць фестываль у вёсцы Весялоўка ніхто не звяртаўся.

МІНСК, 12 ліп — Sputnik. Арганізатар і стваральнік міжнароднага музычнага фестывалю Kubana Ілля Астроўскі хоча вярнуць оупэн-эір у Краснадарскі край, пра гэта ён паведаміў на сваёй старонцы ў Facebook у сераду.  

У сваім пасце Астроўскі звяртаецца да губернатара Краснадарскага краю Веньяміна Кандрацьева і заклікае мясцовыя ўлады правесці круглы стол з удзелам СМІ і ўсіх зацікаўленых, каб канчаткова вырашыць пытанне пра тое, ці патрэбен фестываль рэгіёну.

"За 8 гадоў фестываль наведала больш за 500 000 гасцей з усяго свету. Вы асабіста прысутнічалі на найбольш грандыёзным і адначасова найбольш складаным фестывалі ў 2013 годзе, бачылі ўсё на свае вочы. Упэўнены, што Вам будзе цікава абмяняцца ўражаннямі з іншымі ўдзельнікамі фестывалю", — звяртаецца Астроўскі да губернатара.

У сваю чаргу, ўлады адказалі, што ніякіх лістоў пра фестываль яны не атрымоўвалі, а пра тое, што арганізатары хочуць вярнуць фестываль у Краснадарскі край, чуюць упершыню.

"Афіцынага запыту аб правядзенні KUBANA на першапачатковым месцы ад прадзюсера Астроўскага да губернатара цягам апошніх двух гадоў не паступала. Мы гатовыя да грамадскай дыскусіі пра лёс фестываля, але не ў "Фэйсбуку" Астроўскага", — распавяла СМІ прэс-сакратар губернатара Краснадарскага краю Галіна Жукава.

Яна таксама адзначыла, што ў асяродку моладзі Кубані пытання пра фестываль не паўставала, інакш улады на запыт ужо адрэагавалі б.

Музычны фестываль Kubana быў заснаваны ў 2010-м годзе і ўпершыню адбыўся ў вёсцы Весялоўка на беразе Чорнага мора. За перыяд існавання оупэн-эіра яго наведала больш за 500 тысяч чалавек. На фестывалі выступалі такія гурты, як Offspring, Korn, Misfits, System of a Down, Garbage, Him і іншыя. Адмысловымі гасцямі былі Міхаіл Баярскі (2011), Юрый Антонаў (2013), Леў Лешчанка (2015).

У 2015-м фестываль праз непаразуменні з мясцовымі ўладамі быў перанесены ў Латвію, яго наведала значна менш гасцей, чым у папярэднія гады. У 2016-м Астроўскі заявіў, што фестываль больш не будзе праходзіць у Латвіі. У 2017-м фестываль не праводзіўся. 

43
Тэги:
Kubana, Фестываль, Расія
Тэмы:
Летнія фестывалі Беларусі-2017 (21)
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

51
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

51
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды

Відэафакт: касманаўт зняў паўночнае ззянне з борта МКС

0
(абноўлена 10:38 22.01.2021)
Расійскі астранаўт паказаў, як выглядаюць нябесныя з'явы з космасу. Глядзіце на відэа кадры ў рэжыме таймлапс.

З борта МКС расійскі касманаўт Сяргей Кудзь-Свярчкоў зняў на відэа ў рэжыме таймлапс паўночнае ззянне. Ролік Сяргей апублікаваў у сваім акаўнце Instagram.

На знятых кадрах паўночнае ззянне выглядае як памяранцава-смарагдавая абалонка планеты са светлавымі пошугамі, якая быццам акружае ўсю Зямлю.

"Мы пачнем палёт над Ціхім акіянам, пралятаючы над гарадамі ЗША і Канады, а затым сустрэнем світанак над паўночнай Атлантыкай. Нават ноччу можна выразна бачыць акіян, аблокі і начныя горады, а з-за гарызонту выплывае Млечны Шлях", - напісаў касманаўт ў каментарыі да відэароліка.

Таксама Сяргей распавёў карыстальнікам сацсеткі, што памяранцавы арэол над Зямлёй утвараецца з-за яе ўласнага святлення. Акрамя таго, касманаўт патлумачыў, што прыкметныя з-за сонечнага святлення аб'екты, якія лётаюць  у пачатку першага кадра, з'яўляюцца спадарожнікамі.

У цяперашні час на борце МКС знаходзяцца расійскія касманаўты Сяргей Рыжыкаў і Сяргей Кудзь-Свярчкоў, спецыялісты з НАСА Кэтлін Рубінс, Майкл Хопкінс, Віктар Гловер, Шэнан Уокер і японская астранаўт Саіці Нагуці.

Глядзіце таксама:

0
Тэги:
Паўночнае ззянне, МКС