Беларускі спявак Ягор Шаранкоў

Беларускі артыст прэтэндуе на Гран-пры "Славянскага базара"

24
(абноўлена 14:23 17.07.2017)
Аднолькавую з беларусам Ягорам Шаранковым колькасць ачкоў набраў і спявак Улад Сытнік з Украіны.

ВІЦЕБСК, 17 ліп — Sputnik. Прадстаўнік Беларусі на конкурсе маладых выканаўцаў у рамках фестывалю "Славянскі базар у Віцебску" прэтэндуе на Гран-пры, перадае карэспандэнт Sputnik са сталіцы музычнага форуму.

Беларусь на конкурсе маладых выканаўцаў у рамках "Славянскага базара" прадстаўляе 19-гадовы студэнт Ягор Шаранкоў. Па выніках сваіх выступаў малады артыст змог вырвацца ў лік лідэраў рэйтынгу.

Так, па выніках другога дня фіналу конкурсу маладых выканаўцаў Ягор Шаранкоў у суме набраў 151 бал — высокіх адзнак ён заслужыў сваім выкананнем песні гурта Queen "We are the champions".

Такую ж колькасць балаў набраў і выканаўца Улад Сытнік, які прадстаўляе на "Славянскім базары" Украіну.

Абодва артыста прэтэндуюць на ўручэнне Гран-пры конкурсу, аднак з-за роўнай колькасці балаў журы можа не ўручаць галоўны прыз, тады Шаранкоў і Сытнік будуць абвешчаныя ўладальнікамі першага месца на шоу.

Беларусь перамагала на конкурсе "Славянскага базара" і ў мінулым годзе — Гран-пры тады ўзяў выканаўца Аляксей Грос.

Урачыстая цырымонія закрыцця "Славянскага базару" гэтага года і падвядзенне вынікаў адбудзецца ўвечары ў панядзелак на сцэне летняга амфітэатра.

24
Тэги:
Фестываль, Музыка, Славянскі базар у Віцебску, Ягор Шаранкоў, Віцебск, Беларусь
Тэмы:
"Славянскі базар-2017" (19)
По теме
"Славянскі базар-2017"
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

51
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

51
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Прэзідэнт Расіі Уладзімір Пуцін

Пуцін заявіў аб паляпшэнні эпідстановішча ў Расіі

1
Расійскі лідэр падзякаваў маскоўскім уладам і адзначыў, што іх намаганні не праходзяць дарма: у сталіцы сітуацыя цяпер выраўноўваецца.

МІНСК, 25 сту – Sputnik. Сітуацыя з каронавірусам у Расіі стабілізуецца, гэта дае магчымасць паступова здымаць уведзеныя ў сувязі з пандэміяй абмежаванні, заявіў прэзідэнт РФ Уладзімір Пуцін на анлайн-сустрэчы з навучэнцамі ВНУ з нагоды Дня расійскага студэнцтва.

"Сёння з раніцы слухаў даклады: у нас ужо колькасць тых, хто ачуняў, перавышае колькасць тых, хто захварэў. Колькасць інфіцыраваных зніжаецца, вось ужо стала менш за 20 тысяч (у суткі - Sputnik)", - адзначыў расійскі лідэр.

Пуцін падзякаваў маскоўскім уладам, адзначыўшы, што іх намаганні не праходзяць дарма і ў сталіцы цяпер сітуацыя выраўноўваецца.

"Гэта дае магчымасць акуратна здымаць уведзеныя абмежаванні, вяртацца да нармальнага навучальнага рытму", - сказаў ён.

Таксама Пуцін дадаў, што трэба выкарыстоўваць атрыманы вопыт, усе лепшыя напрацоўкі і практыкі, нарошчваць лічбавы патэнцыял ВНУ.

Абстаноўка ў Маскве

Мэр Масквы Сяргей Сабянін раней адзначыў, што сітуацыя з распаўсюджваннем COVID-19 у сталіцы РФ выклікае асцярожны аптымізм.

У сувязі з гэтым там з 22 студзеня да звычайнага рэжыму працы вярнуліся каледжы, установы дадатковай адукацыі, спартыўныя школы і дзіцячыя забаўляльныя ўстановы. Акрамя таго, адкрыліся музеі, бібліятэкі, установы культуры.

Разам з тым захоўваецца дыстанцыйная форма навучання для маскоўскіх вну да 6 лютага, застаецца ў сіле патрабаванне аб пераводзе не менш за 30% супрацоўнікаў арганізацый на "дыстанцыёнку", яно будзе дзейнічаць да істотнага паляпшэння эпідэміялагічнай сітуацыі.

Таксама ўлады Масквы пакуль захоўваюць забарону на працу кафэ, бараў, рэстаранаў, дыскатэк, караоке і боўлінгаў з 23:00 да 06:00.

Аб расследаванні Навальнага

Адказваючы на ​​пытанне аднаго са студэнтаў аб апублікаваным на YouTube фільме пра тое, што ў прэзідэнта РФ нібыта ёсць "палац у Геленджыку", Уладзімір Пуцін заявіў, што не глядзеў фільм апазіцыянера Аляксея Навальнага, бо ў яго няма вольнага часу.

"Але гартаў відэаподборкі, якія мне памочнікі прынеслі", - адказаў Пуцін.

Расійскі лідэр запэўніў, што нічога з таго, што ў фільме паказана ў якасці прэзідэнцкай уласнасці, ні яму, ні яго блізкім сваякам "не належыць і ніколі не належала".

Чытайце таксама:

1
Тэги:
Расія, Уладзімір Пуцін, каронавірус
Тэмы:
Каронавірус COVID-19