Канцэрт Барыса Грабеншчыкова

Грабеншчыкоў распавёў, што чакае гледачоў на юбілейным канцэрце ў Мінску

15
(абноўлена 12:04 25.07.2017)
Мэтр рок-сцэны распавёў аб канцэртнай праграме, вулічных выступленнях і падзяліўся ўспамінамі аб мінскіх канцэртах.

МІНСК, 25 ліп — Sputnik. Вялікі канцэрт Барыса Грабеншыкова і "Аквариум" з нагоды 45-годдзя калектыву адбудзецца 30 ліпеня ў сталічным Prime Hall.

— Што чакае гледачоў на юбілейным канцэрце ў Мінску?

— Гэтым разам мы прыязджаем да вас з акустычнай праграмай — не гучна, без барабанаў, як быццам граем дома ў знаёмых. А калі граеш так, немагчыма планаваць загадзя, песні прыходзяць у галаву прама падчас канцэрта.

— Прыязджаючы ў горад, Вы даеце вулічны канцэрт. Ці заўжды яны праходзілі гладка? Ці плануеце даць такі канцэрт і гэтым разам у Мінску?

— Вулічныя канцэрты здараюцца таксама самі сабой — калі ёсць магчымасць і настрой. Таму абяцаць не буду, але жаданне паграць на вуліцы ёсць заўжды. Гралі мы шмат дзе, і граць пакуль што ніхто ніколі і нідзе не перашкаджаў.

— Ці ёсць горад, у якім Вам падабаецца выступаць больш за ўсё?

— Вы ведаеце, гарады ўсе розныя і людзі ў іх розныя, таму незразумела, як іх параўноўваць. А спяваць песні — заўсёды радасць. Гэта заўсёды і ўсюды падабаецца.

— Ці можаце прыгадаць Ваша першае выступленне ў Мінску?

— Памятаю, як было смешна: напрыканцы 80-х мы ўпрошвалі мінскіх арганізатараў даць нам сыграць канцэрт у невялікім клубе, а нам казалі: "Занадта шмат народу хоча вас слухаць, колькі дзён прыйдзецца граць" і заганялі ў Палац спорту. Але і там даводзілася граць па некалькі канцэртаў.

Вялікі юбілейны канцэрт "Аквариум 45" адбудзецца 30 ліпеня ў сталічным Prime Hall, пачатак а 19-й гадзіне; кошт квіткоў ад 90 рублёў.

15
Тэги:
Музыка, Барыс Грабеншчыкоў
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

54
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

54
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

44
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

44
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Фантан - любімае месца ўсіх дзяцей

Зноў аранжавы ўзровень: спёка ў Беларусі захоўваецца

21
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.

МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.

Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Надвор'е ў Беларусі ў пачатку тыдня

У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.

У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.

У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.

Чытайце таксама:

21
Тэги:
Дождж, сіноптыкі, Беларусь, Аранжавы ўзровень небяспекі