Гурт Irdorath неўзабаве прэзентуе новы альбом Wild

Irdorath выступілі на фестывалі Wacken open air у Германіі

191
(абноўлена 10:11 11.08.2017)
Сярод іншых удзельнікаў фестывалю – Marilyn Manson, Apocalyptica, Alice Cooper.

Беларускі гурт Irdorath выступіў на найбуйнешым у свеце фестывалі цяжкай музыкі Wacken 2 жніўня, Sputnik пагутарыў з заснавальнікам гурта Уладзімірам Ірдаратам, даведаўся пра яго ўражанні ад фестывалю і распытаў пра прэзентацыю трэццяга альбому "Wild", якая адбудзецца ўжо 1 верасня.

Уражанні гурта ад фестывалю Wacken open air

— Як вы патрапілі на фестываль — выпадкова ці імкнуліся туды мэтанакіравана?

— Бадай, распачну з таго, што мы ўжо некалькі гадоў арыентуемся на еўрапейскі рынак з нашай музыкай, ну і, адпаведна, штогод мы адсылаем больш за 300 заявак на розныя фестывалі.

Летась мы трапілі на нямецкі лэйбл і выпусцілі там свой альбом "Dream Catcher", што стала стартавай кропкай, пасля якой пайшла хваля цікавасці да нашай творчасці у Германіі. І на нас выйшла нямецкае агенцтва па арганізацыі канцэртаў для музычных гуртоў. Мы пачалі супрацоўнічаць і праз гэтае агенцтва трапілі на Wacken open air.

Выступленне гурта Irdorath на фестывалі ў Германіі
© Photo : Regioactive.de
Выступленне гурта Irdorath на фестывалі ў Германіі

Праз простыя заяўкі і лісты па розным мейлам, якія ёсць у інтэрнэце, туды трапіць немагчыма. Ёсць два шляхі: альбо вам патэлефануюць, альбо трэба граць метал і ўдзельнічаць у адборачным конкурсе ад кожнай краіны…

— Беларусы, канешне, у гэтым конкурсе не ўдзельнічаюць…

— Так, для беларусаў такі конкурс, нажаль, не праводзіцца, але і мы не метал граем. Таму намі конкурс наогул не разглядаўся. Нас туды запрасілі і выдзелілі вельмі добры час — мы выступалі з 21:30 вечара, выступленне цягнулася 45 хвілін.

Гэта быў самы маштабны і ўражлівы фестываль за ўсю нашу гісторыю, мы былі вельмі здзіўлены і арганізацыяй, і колькасцю людзей. У той дзень, калі мы выступалі, яшчэ быў самы пачатак фестывалю, але і тады ўжо было больш за 30 тыс. чалавек зарэгістравана па квітках. На нашым канцэрце было (па грубым падліках) крыху больш за 6 тысяч чалавек.

Irdorath выступілі на найбуйнейшым фестывалі цяжкай музыкі 2 жніўня
© Photo : Regioactive.de
Irdorath выступілі на найбуйнейшым фестывалі цяжкай музыкі 2 жніўня

— Ну, а публіка як прымала ў параўнанні з нашымі беларусамі?

— Публіка практычна ўсюды рэагуе аднолькава добра, таму што калі артысты робяць тое, што публіцы падабаецца, яны будуць рэагаваць добра. Калі тое, што не падабаецца, яны будуць проста сыходзіць. З нашага канцэрту ніхто не сышоў, і дзякуй богу. Як і ў Беларусі, і ў Расіі, і ва Украіне, і ў іншых еўрапейскіх краінах, дзе мы выступалі. Я вельмі рады кожны раз бачыць гэтых людзей.

— У сацсетках вы хвалілі арганізацыю фестывалю. Ён насамрэч быў так добра арганізаваны?

— У арганізацыі фестывалю было задзейнічана больш за 5000 тысяч чалавек. І гэты фестываль працуе як гадзіны — ні адзінай затрымкі, ні адзінага сучка і задзірынкі. Усё арганізавана на касмічным узроўні.

Гэты фэст прайшоў ужо 28-ы раз, і ён стаў сапраўды культавым, таму што арганізацыя яго не тое што на вышыні — гэта сапраўдны космас. Такога я нідзе яшчэ не бачыў. І добра было б беларускім і расійскім арганізатарам з'ездзіць туды і паглядзець, як гэта ўсё працуе, таму што досведу можна запазычыць вышэй даху.

Пра новы альбом "Wild"

— Як будзе праходзіць прэзентацыя новага альбому?

— Ужо ў кастрычніку гэтага году мы прэзентуем у Германіі новы альбом. Такім чынам, у нас атрымаецца дзве прэзентацыі: у Мінску ў клубе Re: Public 1-га верасня для прыхільнікаў з краін СНД і ў Германіі ў кастрычніку для нямецкай публікі, паколькі альбом мы выпускаем на нямецкім лэйбле. Прэзентацыя адбудзецца на адным з найбуйнейшых гатычных фестываляў Германіі, а паміж мінскай і нямецкай прэзентацыямі мы плануем тур па гарадах Расіі.

— Новы альбом — які ён? Чым будзе адрознівацца ад папярэдніх?

— Можна казаць пра тое, што ўсе сем гадоў існавання гурта мы спрабавалі розныя стылі (працавалі ў адным жанры, але ў розных стылістычных межах), эксперыментавалі, а гэтым разам прыйшлі да высновы, што межы нам толькі перашкаджаюць, стрымліваюць нас. Гэтым разам мы ад іх адмовіліся і зрабілі насамрэч тое, што мы хацелі б зрабіць усе гэтыя сем гадоў.

У гэтым альбоме кожны ўдзельнік гурта ўклаў тую частку дзікага сябе, якую не бачыць асяроддзе, не бачыць звычайны свет, і ўсё гэта ў нас прыпраўлена містыкай беларускіх балот, беларускіх гушчароў.

— Дзе вы пісалі альбом?

— Мы пісалі альбом у Мінску, цалкам сваімі сіламі. Гэтым разам мы не звярталіся да паслуг платнай студыі, а знайшлі варыянт, як гэта зрабіць цалкам сваімі намаганнямі. Антон Шніп — наш бубнач — цалкам запісваў усё, рабіў звядзенне, майстарынг і выступіў у якасці саўнд-прадзюсара для гэтай плыткі.

Прэзентацыя альбому "Wild" гурта Irdorath адбудзецца 1 верасня ў мінскім клубе Re: Pulic; пачатак а 19-й гадзіне; кошт квіткоў — ад 15 да 25 рублёў. 

191
Тэги:
Фестываль, Irdorath, Apocalyptica, Беларусь
Тэмы:
Беларуская музыка: ад панку да пост-барду (24)
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

50
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

50
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Каміёны МАЗ-СПОРТаўта перад адпраўкай на Дакар-2021

Два "капотнікі" каманды МАЗа адправіліся заваёўваць "Дакар"

0
(абноўлена 17:50 26.11.2020)
На гэты раз "МАЗ-СПОРТаўта" будзе выступаць толькі на двух каміёнах - як гэта было ў першыя два гады ўдзелу "чырвоных зуброў" у знакамітым ралі-рэйдзе.

МІНСК, 26 ліс - Sputnik. Беларуская каманда "МАЗ-СПОРТаўта" ў чацвер адправілася на ралі "Дакар-2021", пра гэта паведаміла прэс-служба.

43-і па ліку ралі-рэйд ў другі раз пройдзе па тэрыторыі Саудаўскай Аравіі. Гонка стартуе 3 студзеня ў Джыдзе і фінішуе там жа 15 студзеня.

Капотныя каміёны і машыны суправаджэння сёння адправіліся ў порт Марсэлю, дзе ў снежні іх чакае пагрузка на паром. У гэтым годзе з-за пандэміі ўсе тэхнічныя праверкі, якія звычайна праходзяць у Еўропе, адменены, гэтая працэдура пройдзе ўжо на Аравійскім паўвостраве.

"На "Дакар-2021"моцна паўплывала эпідэміялагічная сітуацыя ў свеце. Многія каманды скарацілі колькасць экіпажаў, некаторыя - прапусцяць спаборніцтва. Тое, што нам удалося падрыхтавацца да гонкі і прыняць у ёй удзел - вялікая заслуга каманды, завода і нашых заўзятараў, якія ў нас вераць", - распавёў кіраўнік каманды і гоншчык аднаго з экіпажаў Сяргей Вязовіч.

У гэтым "Дакары" каманда выставіла толькі два экіпажы - але абодва будуць выступаць ужо на грузавіках капотнай кампаноўкі. На "капотніку" ў мінулым годзе экіпаж Вязовіча стаў трэцім. "МАЗ-СПОРТаўта" апошнія гады выступала ў ралі-рэйдзе трыма экіпажамі - па два грузавікі выходзілі на старт гонкі толькі ў самым пачатку - у 2012 і 2013 гадах, калі каманда толькі пачынала свой шлях да пастамента.

0
Тэги:
"Дакар", "МАЗ-СПОРТаўта"