МІНСК, 13 вер — Sputnik. Саліст расійскага рок-гурта "Машина времени" Андрэй Макарэвіч абвінаваціў брытанскі калектыў Radiohead у крадзяжы ідэі для новага кліпа.
Гурт Radiohead існуе з 1985 года і шматлікімі крытыкамі лічыцца адным з найвялікшых у гісторыі. Пра ўплыў на сваю творчасць саліста гурта Тома Ёрка заяўляюць многія вядомыя музыкі.
Новы кліп на песню "Lift" гурт прадставіў у сераду 13 верасня. За некалькі гадзін відэа сабрала 600 тысяч праглядаў.
Фанатам новая праца Radiohead спадабалася, аднак знайшліся і незадаволеныя. Так, саліст "Машины времени" Андрэй Макарэвіч заявіў аб тым, што гурт Тома Ёрка садраў "яго кліп на песню "Месца, дзе святло", зняты ў 2001 годзе.
Radiohead пакуль на гэту заяву Макарэвіча не адрэагавалі.
Свой дзевяты студыйны альбом "A Moon Shaped Pool" гурт Radiohead выпусціў у маі бягучага года.
