Проданая гітара Боба Дзілана

Гітару Боба Дылана прадалі на аўкцыёне амаль за 400 тысяч долараў

5
(абноўлена 09:58 13.11.2017)
Легендарны паэт і музыка граў на гэтым інструменце больш за дзесяць гадоў.

МІНСК, 13 ліс — Sputnik. Гітара амерыканскага музыканта Боба Дылана пайшла з малатка за 396,5 тысяч долараў у Даласе (штат Тэхас).

Па дадзеных, апублікаваных на сайце аўкцыённага дома Heritage Auctions, Дылан набыў акустычную гітару маркі Martin мадэлі D-28 у 1963 годзе. Легендарны паэт і музыкант іграў на ёй больш за дзесяць гадоў. У канцы 1970-х ён прадаў інструмент свайму гітарнаму майстру. Ён, у сваю чаргу, захаваў чэк. На той момант кошт гітары склаў 500 долараў.

У суботу Heritage Auctions правёў таргі. Імя пакупніка "зорнай" гітары не выдаецца.

Боб Дылан — культавая фігура ў рок-музыцы на працягу пяці дзесяцігоддзяў. Многія яго песні сталі гімнамі руху за грамадзянскія правы і руху супраць вайны ў ЗША.

У 2016 годзе амерыканскаму паэту і выканаўцу была прысуджана Нобелеўская прэмія па літаратуры "за стварэнне новых паэтычных выразаў у вялікай амерыканскай песеннай традыцыі".     

5
Каментары