Фестываль Свята Сонца - 2017

Фестываль "Свята Сонца" запрашае да ўдзелу музыкаў і фаершчыкаў

81
(абноўлена 11:05 14.11.2017)
У 2018-м у межах open air будуць прадстаўлены не толькі купальскія традыцыі нашых продкаў, але і аналагічныя традыцыі іншых народаў.

МІНСК, 14 ліс — Sputnik. Арганізатары купальскага фестывалю "Свята Сонца" абвясцілі аб пачатку прыёму заявак ад музыкаў і фаершчыкаў на сезон-2018.

Фестываль "Свята Сонца" прысвечаны традыцыям Купальскага свята, у 2018-м фестываль пройдзе ў трэці раз.

Фестываль аб'ядноўвае некалькі разнапланавых мерапрыемстваў у межах адной тэматыкі — FireShow-фестываль, канцэрт, этна- і абрадавыя пляцоўкі, горад майстроў, традыцыйныя рамёствы.

Арганізатары абвесцілі аб прыёме заявак ад музычных калектываў — да ўдзелу запрашаюцца гурты folk/folk-rock/pagan і сумежных кірункаў.

Для ўдзелу ў фестывалі неабходна падаць заяўку не пазней за 11.01.2018 уключна, даслаўшы яе па адрасе berserk.theatre@gmail.com, або пакінуўшы ў сацыяльных сетках. Заяўка павінна змяшчаць невялікі аповяд аб калектыве, аўдыё- або відэазапіс выступу.

Хэдлайнеры фестывалю будуць абвешчаны ў студзені-лютым 2018-га.

"Асаблівасцю фармату фестывалю-2018 стане тое, што ён увасобіць не толькі традыцыі беларускага Купалля, але і традыцыі падобных святаў у кельтаў, літоўцаў і фінаў, таму да ўдзелу запрашаюцца калектывы не толькі з ліку беларускага фолку", — распавялі арганізатары фестывалю.

За час існавання фестывалю, на яго сцэне выступілі "Стары Ольса", Irdorath, Navi і іншыя.

"Што ж тычыцца Fire Show, то ў новым сезоне мы будзем рабіць стаўку на відовішчныя і ўнікальныя спецэфекты", — распавялі арганізатары.

© Sputnik Юлия Хвощ, Михаил Луханин
Свята Сонца прайшло ў Дудутках

Фестываль "Свята Сонца" — штогадовы музычны фестываль, прысвечаны беларускаму старажытнаму святу Купалле. Асноўная мэта фестывалю — аднаўленне і папулярызацыя традыцый і абрадаў нацыянальнай беларускай культуры і музыкі. У 2018-м фестываль пройдзе ў трэці раз 16-17 чэрвеня ў музейным комплексе "Дудуткі".

Глядзіце фотастужку, як прайшоў фестываль ў 2017-м годзе >>

81
Тэги:
Фестываль, Купалле, Свята Сонца, Музейны комплекс "Дудуткі", Беларусь
Тэмы:
"Свята Сонца 2018" у Дудутках - традыцыйны купальскі open-air (8)
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

54
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

54
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

44
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

44
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Які сёння дзень: 21 чэрвеня 2021 года

Які сёння дзень: 21 чэрвеня 2021 года

0
(абноўлена 19:54 18.06.2021)
Гэты дзень з'яўляецца сто семдзесят другім па грыгарыянскім календары, да канца года засталося 193 дні.

Сёння Дзень летняга сонцастаяння. Якія падзеі адбыліся 21 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 21 чэрвеня

  • У 1663 годзе ў Мастах завяршыліся перамовы караля і вялікага князя Яна Казіміра з вайсковай канфедэрацыяй, якой была выплачана запазычанасць у суме 19 млн злотых.

Хто нарадзіўся 21 чэрвеня

  • 1864: Аляксандр Сержпутоўскі, беларускі этнограф і фалькларыст.
  • 1908: Павел Шыдлоўскі, дзеяч самадзейнага мастацтва, заснавальнік Прысынкаўскага хору — старэйшага беларускага хору ў Заходняй Беларусі, кампазітар.

Таксама сёння нарадзіліся французскі філосаф-экзістэнцыяліст  Жан-Поль Сартр, рускі савецкі паэт Аляксандр Твардоўскі і савецкі і расійскі музыкант, лідар рок-гурта "Кіно" Віктар Цой.

21 чэрвеня ў народным календары

Сёння ў праваслаўных верніках пачынаецца Суцэльная ці Троіцкая сядміца - тыдзень пасля святкавання Святой Сёмухі (Тройцы). Падрыхтоўка да Пятрова посту.

Таксама вернікі шануюць памяць вялікапакутніка Феадора Страцілата, заступніка праваслаўных воінаў.

У народзе святога празвалі Фёдарам Калодзежнікам. У гэты дзень асабліва шанавалі майстроў, якія будавалі калодзежы. Яны ведалі, як знайсці падземныя ключы, як збудаваць сруб і на якую глыбіню капаць калодзеж. Адпаведна, 21 чэрвеня лічылася добрым днём для будавання калодзежа.

Акрамя таго, сёння самая кароткая ноч у годзе. Гэты дзень атрымаў назву Летняга санцастаяння і шырока святкаваўся не толькі ў Беларусі. Людзі палілі вогнішчы і скакалі праз іх, каб ачысціцца і знайсці сваё шчасце. 

Калі ў гэты дзень навальніца і грымоты вельмі громкія, непагадзь будзе яшчэ некалькі дзён. Калі ж да поўдня раса не высахла, дождж не пойдзе.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей