Будынак БДУ

Вынікі паэтычнага конкурсу падведзены ў БДУ

12
(абноўлена 13:52 14.11.2017)
Конкурс прайшоў у рамках другога Міжуніверсітэцкага паэтычнага форуму.

МІНСК, 14 ліс — Sputnik. Вынікі міжуніверсітэцкага паэтычнага форума падвялі ў БДУ, паведамілі Sputnik у прэс-службе Белдзяржуніверсітэта.

У намінацыі "Чытальнік" пераможцам стала першакурсніца Беларускага дзяржаўнага педагагічнага ўніверсітэта імя М. Танка Анастасія Старавойтава з вершам Іосіфа Бродскага "Нацюрморт". Другое месца за дэкламацыю паэзіі Міхаіла Дудзіна "Салаўі" прысуджана чацвёртакурсніку факультэта журналістыкі БДУ Аляксею Патапаву. Трэцяе месца ў першакурсніцы механіка-матэматычнага факультэта Яўгеніі Красніцкай. Студэнтка выступіла на конкурсе з паэтычным творам Алёны Суханосенка "Ведаеш, мама…!".

У намінацыі "Аўтар-выканавец" першым месцам уганаравана трэцякурсніца факультэта журналістыкі Дар'я Смірнова, якая прадставіла верш "Мая Шэйла". Другое месца заваяваў магістрант філалагічнага факультэта БДУ Яўгеній Чарнышоў, які выступіў з паэтычным творам "Горад у агнi". Трэцяе месца ў студэнткі філалагічнага факультэта Віцебскага дзяржаўнага ўніверсітэта імя П. М. Машэрава Лізаветы Яжгуравай, якая прачытала верш "Калі я памёр".

"У фінале конкурсу выступілі 14 аўтараў і 12 чытальнікаў з БДУ, БНТУ, БДУІР, БДЭУ і ВДУ імя П. М. Машэрава. Студэнты прадстаўлялі творы ўласнага сачынення, а таксама беларускіх і замежных аўтараў", — дадалі ў прэс-службе БДУ.

Конкурс прайшоў у рамках другога Міжуніверсітэцкага паэтычнага форуму.

12
Тэги:
стихи, поэзия, БДУ, Мінск, Беларусь
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

50
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

50
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Тэставанне на каронавирус

Сутачная статыстыка Міністэрства аховы здароўя: на каронавірус захварэлі 1 941 чалавек

1
(абноўлена 17:25 15.01.2021)
З пачатку пандэміі інфекцыяй ў краіне заразіліся больш за 220 тысяч чалавек, тэсты на COVID-19 правялі амаль палове насельніцтва Беларусі.

МІНСК, 15 сту – Sputnik. За мінулыя суткі ў краіне зарэгістраваны 1 941 пацыент з станоўчым тэстам на каронавірус, паведаміла ў пятніцу прэс-служба Міністэрства аховы здароўя.

Выпісалася пры гэтым пацыентаў больш - 2 054. Смяротная статыстыка таксама абнавілася - за мінулыя суткі памерлі 10 чалавек.

Усяго з пачатку распаўсюджвання каронавіруснай інфекцыі ў Беларусі захварэлі 221 604 чалавекі, а ачунялі 204 500 пацыентаў. Памерлі за гэты час ўжо 1 564 беларусы.

Айчынныя лабараторыі за мінулыя 24 гадзіны выканалі 24 888 тэстаў, а ўсяго ў краіне правялі 4 216 095 тэстаў на каронавірус.

Нагадаем, сутачны рэкорд па колькасці выпадкаў захворвання у Беларусі быў зарэгістраваны 12 снежня 2020 года – тады на COVID-19 захварэлі 1 975 чалавек.

Масавая вакцынацыя ад каронавіруса праходзіць у Беларусі з 29 снежня. Першымі прышчапляюць людзей з групы рызыкі: медыкаў, педагогаў і іншых. На наступным тыдні ў краіне завершыцца кантроль якасці чарговай партыі расійскай вакцыны "Спутник V", пасля чаго вакцынацыя медыкаў працягнецца.

Усяго на добраахвотнай аснове плануецца прышчапіць больш за 5,5 мільёна чалавек.

Чытайце таксама:

1
Тэги:
Статыстыка, Міністэрства аховы здароўя Рэспублікі Беларусь, каронавірус
Тэмы:
Каронавірус COVID-19