Новы год, архіўнае фота

Дзе пройдуць народныя гулянні ў навагоднюю ноч у Мінску

31
(абноўлена 10:18 05.12.2017)
Больш за 20 пляцовак для масавых народных гулянняў, дзе змогуць адпачыць сталічныя жыхары і госці, у навагоднюю ноч будуць функцыянаваць у розных раёнах Мінска.

МІНСК, 4 сне — Sputnik. Улады Мінска вызначылі пляцоўкі ў адміністрацыйных раёнах горада, дзе ў навагоднюю ноч пройдуць святочныя народныя гулянні, пра гэта паведамілі Sputnik Беларусь у прэс-службе Мінгарваканкама.

Усяго ў горадзе будуць дзейнічаць 22 пляцоўкі, дзе жыхары Мінска і госці сталіцы змогуць культурна адпачыць і далучыцца да масавых гулянняў. Больш за ўсіх пашанцавала жыхарам Заводскага, Фрунзенскага і Першамайскага раёна: на кожны з іх прыпадае па чатыры святочныя пляцоўкі.

У Заводскім раёне Мінска народныя гулянні разгорнуцца ля спарткомплексаў "Чыжоўка-Арэна" (з 01:00 да 04:00) і МФК "Мандарын" па вуліцы Герасіменкі (з 01:00 да 03:00), а таксама каля ўнівермага "Беларусь" і супермаркета "Суседзі" па вуліцы Сяліцкага (з 01:00 да 03:00).

Жыхары Фрунзенскага раёна сталіцы могуць адсвяткаваць Новы год з 01:00 да 03:00 каля Лядовага палаца спорту Мінскай вобласці (вуліца Прытыцкага, 27), у парку імя Уга Чавеса, на пляцоўках каля ГЦ "Максімус" (вуліца Лабанка, 94) і рынку "Заходні" (вуліца Бурдзейнага, 6).

Навагоднія гулянні ў Першамайскім раёне пройдуць з 01:00 да 03:00 каля Нацыянальнай бібліятэкі Беларусі, на вуліцы Русіянава, 1, вуліцы Фогеля, 1 і вуліцы Герояў 120-й дывізіі, 15.

У Ленінскім раёне святочныя мерапрыемствы з 00:00 да 03:00 адбудуцца ў Лошыцкім сядзібна-паркавым комплексе, а таксама на пляцоўцы каля кінатэатра "Салют" (праспект Ракасоўскага, 150а).

Маскоўскі раён сталіцы парадуе жыхароў і гасцей горада навагоднімі гуляннямі ў парку Паўлава (з 01:00 да 04:00), скверы "Палянка" па вуліцы К. Лібкнехта і на вуліцы Я. Чачота ў мікрараёне Брылевічы (з 01:00 да 03:00).

Жыхароў Партызанскага раёна навагодняя святочная праграма будзе радаваць з 00:30 да 04:00 у парку экстрэмальных відаў спорту (вуліца Сталетава, 1) і на пляцоўцы каля помніка савецкім лётчыкам па вул. Карвата.

У Цэнтральным раёне свята разгорнецца з 01:00 да 04:00 на пляцоўцы каля Мінскага дзяржаўнага Палаца дзяцей і моладзі (вуліца Старавіленскі тракт, 41), у Савецкім — з 00:30 да 04:00 на пляцоўцы перад Камароўскім рынкам.

Масавыя гулянні ў Кастрычніцкім раёне пачнуцца ў 01:00 на плошчы каля культурна-спартыўнага цэнтра Мінскага аддзялення Беларускай чыгункі (вуліца Чкалава, 7).

Паводле інфармацыі Мінгарвыканкама, больш за ўсё калядных і навагодніх святочных мерапрыемстваў пройдуць у Маскоўскім і Фрунзенскім раёнах Мінска.

Раней стала вядома, як доўга будуць адпачываць беларусы ў навагоднія святы. Сіноптыкі ў сваім доўгатэрміновым прагнозе надвор'я ўжо паабяцалі жыхарам Беларусі снег у ноч з 31 снежня на 1 студзеня. А Sputnik даведаўся, што нельга дарыць на Новы год 2018.

31
Тэги:
Новы год 2018, Мінгарвыканкам, Мінск, Беларусь
Тэмы:
Новы год – 2018 (27)
Вялікі навагодні баль, архіўнае фота

Instagram: як прайшоў Навагодні баль у Вялікім тэатры

49
(абноўлена 13:41 14.01.2018)
У гэтую ноч мінчане здзейснілі падарожжа ў часе і сталі ўдзельнікамі бліскучага балю.

МІНСК, 14 сту — Sputnik. Вялікі Навагодні баль па традыцыі сабраў гасцей у ноч на стары Новы год — з 13 на 14 студзеня.

У гэтым годзе свята прайшло ў дзявяты раз. Удзельнікі святочнага мерапрыемства актыўна дзеляцца фотаздымкамі балю ў сацсетках.

Публикация от Helena (@starastsina) Янв 13, 2018 at 10:19 PST

Госці свята танчылі, слухалі жывую музыку і забаўляліся ў цікавых фотазонах.

Падымалі усім настрой розыгрышы, незвычайныя сюрпрызы ад арганізатараў і, вядома, запальныя танцы.

У гэтую ноч публіка сустрэла стары Новы год у асяроддзі артыстаў, музыкаў і спевакоў.

 

Абавязковай умовай для ўдзельнікаў балю стала захаванне дрэс-кода: дамы прыйшлі ў бальных і вячэрніх сукенках, мужчыны — у элегантных касцюмах.

Раней у Беларусі адбыўся яшчэ адзін традыцыйны баль: яркае каляднае свята сабрала гасцей у Мірскім замку. Для ўдзельнікаў падрыхтавалі старадаўнія бальныя танцы, віктарыны, шарады, а таксама падарожжа па залах Мірскага замка.

Глядзіце таксама:

Відэафакт: Калядны баль прайшоў у Мірскім замку>>

49
Тэги:
бал, Instagram, Нацыянальны акадэмічны Вялікі тэатр оперы і балета Рэспублікі Беларусь, Мінск, Беларусь
ідар гурта Палац, і вядучы традыцыйнага Каляднага фэсту Алег Хаменка

Хаменка: "Калядны фэст" аб'яднае ўсіх

42
(абноўлена 11:23 26.12.2017)
Лідар гурта "Палац", і вядучы традыцыйнага "Каляднага фэсту" Алег Хаменка распавёў радыё Sputnik Беларусь пра сваё асабістае стаўленне да Калядаў і пра юбілейны фестываль.
Хаменка: "Калядны фэст" аб'яднае ўсіх

Каляды лічацца самым вясёлым і адным з самых значных святаў у беларускім календары. Да таго ж, Каляды — гэта трыадзінае свята. Яно вельмі важнае для ўсіх культур сусвету, пачынаючы нават ад Вавілону. Дахрысціянскія Каляды на Беларусі ўяўлялі сабой тры моманты, ці "тры куцці", каб асэнсаваць пражытое і рухацца наперад.

"Як святкавалі Каляды ў Вавілоне, я вам калі-небудзь распавяду. Гэта вельмі весела і павучальна. У хрысціянскай традыцыі мы таксама бачым трыаду Калядаў: нарадженне Збавіцеля, яго прызнане і хрышчэнне. Але акрамя існуючай легенды Калядаў можна прыдумляць і новыя святочныя гісторыі", — кажа Хаменка.

У гэтым годзе ізноў пройдзе традыцыйны "Калядны Фэст". Ён адбудзецца ўжо ў 10-ты раз, і весці яго будзе Алег Хаменка. У фестывалі прымуць удзел вядомыя беларускія гурты як фальклорнага, так і рок ды метал накірункаў. На сцэну юбілейнага фестываля выйдуць "Стары Ольса", "Адарвірог", "Яварына", "Палац", "Trollwald" і "Gods Tower". Свята пачнецца ў клубе Re:Public 25 снежня ў 17:30.

Гутарку з Алегам Хаменкам слухайце ў аўдыёзапісе радыё Sputnik Беларусь.

42
Тэги:
Каляды, Алег Хаменка, Мінск, Беларусь
Тэмы:
Беларускія Каляды
По теме
Беларускія Каляды
Беларускія грошы

Амаль 500$: сярэдні заробак па Беларусі ў верасні склаў 1264,5 рубля

0
(абноўлена 17:11 26.10.2020)
Самыя высокія даходы ў краіне традыцыйна ў Мінску: жыхары сталіцы ў сярэднім зарабілі амаль 1800 рублёў.

МІНСК, 26 кас - Sputnik. Намінальны налічаны сярэдні заробак работнікаў у Беларусі ў верасні склаў 1264,5 рубля. У лідарах традыцыйна Мінск: тут работнікі атрымліваюць у сярэднім 1780,8 рублёў, паведамляе БЕЛТА са спасылкай на Нацыянальны статыстычны камітэт.

У Мінскай вобласці сярэдні заробак у верасні быў на ўзроўні 1239,8 рублёў, у Гомельскай - 1131,4, Гродзенскай - 1102,4, Брэсцкай - 1088,8, Віцебскай - 1061,1, Магілёўскай - 1036,6.

Рэальны заробак (разлічаны з улікам росту цэн на тавары і паслугі) у цэлым па краіне ў студзені-верасні вырасла на 8% у параўнанні з тым жа перыядам мінулага года. Дарэчы, у жніўні сярэдні заробак па краіне складала 1276,4 рублёў, у ліпені - 1287,5.

У чэрвені больш за ўсё атрымлівалі ў сферы інфармацыйнага абслугоўвання - 5503,3 рублёў, паветранага транспарту - 2816,8, дапаможнай дзейнасці ў сферы фінансавых паслуг і страхавання - 2663,2. Менш за ўсё зараблялі працаўнікі цырульняў і салонаў прыгажосці (593,3 рубля), сфера забаў і творчыя работнікі (679,6 руб.), сацработнікі і супрацоўнікі па догляду ў спецыялізаваных установах (703,9 рублёў).

0
Тэги:
Беларусь, заробак