Аўтобус на прыпынку

Пра час прыбыцця транспарту можна будзе даведацца праз USSD-запыт

39
Пакуль гэты платны мабільны сэрвіс працуе ў тэставым рэжыме і даступны толькі абанентам МТС.

МІНСК, 23 кра — Sputnik. У беларускай сталіцы ўкараняюць чарговы мабільны сэрвіс, закліканы палегчыць жыццё пасажырам гарадскога грамадскага транспарту, паведамляе агенцтва "Мінск-Навіны".

На мінскіх прыпыначных пунктах ўжо наносяць коды прыпынкаў. Як растлумачылі ў "Мінсктрансе", гэта адзін з этапаў ўкаранення мабільнага сэрвісу, з дапамогай якога пасажыры змогуць даведацца пра дакладны час прыбыцця транспарту. Гэта стане магчымым дзякуючы USSD-запыту.

"Уводзіце USSD-запыт, які ўключае код прыпынку, і ў адказ атрымліваеце паведамленне, якое змяшчае інфармацыю пра час нумар маршруту і часу ў хвілінах, пакінутых да прыбыцця транспартнага сродку на прыпыначны пункт. Прычым інфармацыя паступіць па ўсіх маршрутах, якія праходзяць праз дадзены прыпынак. Рэгістравацца для карыстання гэтым сэрвісам не трэба. Паслуга будзе платнай, кошт залежыць ад аператара сувязі. Але, як правіла, гэта невялікая сума", — распавёў намеснік генеральнага дырэктара ГП "Мінсктранс" Андрэй Паплеўка.

Там жа адзначылі, што сэрвіс пакуль працуе ў тэставым рэжыме і толькі для абанентаў МТС. У перспектыве паслуга будзе даступная і для карыстальнікаў іншых мабільных аператараў.

Код прыпыначнага пункта ўяўляе сабой нумар з пяці лічбаў. Першая лічба абазначае нумар раёна Мінска (1 — Завадскі раён, 2 — Ленінскі, 3 — Маскоўскі, 4 — Кастрычніцкі, 5 — Партызанскі, 6 — Першамайскі, 7 — Савецкі, 8 — Фрунзенскі, 9 — Цэнтральны). Другая і трэцяя лічбы — нумар першай літары ў назве прыпыначнага пункта па алфавіце (1 — А, 2 — Б, 3 — У, 17 — П і г. д.). Чацвёртая і пятая лічбы — нумар прыпыначнага пункта па парадку сярод назваў, якія пачынаюцца на адну і тую ж літару і знаходзяцца ў адным і тым жа раёне.

39
Тэги:
Грамадскі транспарт, ІТ-тэхналогіі, Мінсктранс, Беларусь, Мінск
Каментары