Мабільная прылада World of Tanks Blitz

Lenovo выпусціла тэлефон для аматараў WOT

52
(абноўлена 18:05 04.06.2015)
Новы флагман Lenovo ужо мае прадусталяванае прыкладанне World of Tanks Blitz з прыемнымі бонусамі ад Wargaming.

МІНСК, 4 чэр — Sputnik. Кітайская кампанія Lenovo і беларускі распрацоўшчык папулярнай танкавай стратэгіі World of Tanks, Wargaming, абвясцілі пра старт продажаў новага флагмана P90, паведамілі Sputnik ў прэс-службе кампаніі.

Асаблівасцю смартфона, якую ацэняць аматары WOT, стала прадусталяванае прыкладанне World of Tanks Blitz, у якім гульцоў чакаюць каштоўныя бонусы ад Wargaming — танк пятага ўзроўню Ram II, слот і цэлы месяц прэміум-акаўнта.

"Сёння развіццё мабільнага кірунку стала ключавой задачай кампаніі Wargaming. Гэта надзвычай важная місія, бо з кожным днём усё больш гульцоў далучаюцца да нас са смартфонаў і планшэтаў. Таму мы шчыра рады супрацоўнічаць з адным з сусветных лідэраў у індустрыі мабільных прылад — кампаніяй Lenovo", — адзначыў Канстанцін Каменеў, дырэктар па развіцці мабільнага бізнэсу кампаніі Wargaming.

Прадстаўнікі Lenovo, у сваю чаргу, выказалі надзею, што новы флагман кампаніі здабудзе асаблівую папулярнасць у шэрагах гульцоў WOT.

"Мы рады паведаміць аб пачатку паўнавартаснага супрацоўніцтва з кампаніяй Wargaming. Пілотным праектам у рамках сумеснай працы стала ўстаноўка папулярнай мабільнай гульні World of Tanks Blitz на Lenovo P90. Упэўненыя, што спалучэнне сталай ужо культавай гульні і магчымасцяў смартфона пакіне самыя лепшыя ўражанні ў карыстальнікаў", — сказаў генеральны менеджэр Lenovo ў Расіі Аляксандр Катаеў.

Новы флагман сваімі характарыстыкамі абяцае падарыць "танкістам" камфортную гульню. Магутны 64-бітны працэсар Intel Atom, пад які была аптымізавана гульня, і вялікі экран з дыяганаллю 5,5 цалі, дазволяць гульцам цалкам атрымаць асалоду ад танкавымі баталіямі.

World of Tanks Blitz —мабільны free-to-play MMO-экшн, прысвечаны танкавым бітвам сярэдзіны ХХ стагоддзя і прапануе абсалютна новы фармат камандных анлайн-баталій. Колькасць гульцоў World of Tanks Blitz па ўсім свеце складае прыкладна 28 мільёнаў чалавек.

52
Тэги:
Тэлекамунікацыённае абсталяванне, Апаратнае забеспячэнне, Wargaming.net, Leonovo Group, Масква, Расія, Цэнтральная ФА, Еўропа, Увесь свет
Каментары