Акваполіс, інтэграваны з сушай. Праект Артура Скіжалі-Вейс.

Як Google змяняе свет прадказанні ад футуролага

175
(абноўлена 10:04 01.12.2015)
Sputnik звязаўся з маскоўскім футуролагам і высветліў, што нас чакае напрыканцы стагоддзя.

МІНСК, 1 сне — Sputnik. Пугутарыць з менеджарам па прадуктовым маркетынгу карпарацыі Google за некалькі дзён выказалі жаданне больш за тры сотні мінчукоў. Напярэдадні сустрэчы прадстаўніка карпарацыі Sputnik пагутарыў з каардынатарам расійскай асацыяцыі футуролагаў Уладзімірам Кішынцам і высветліў, чаго нам чакаць — ад Google і ад будучыні.

Рана чакаць штучны інтэлект. Раней падавалася, што можна зрабіць кампутар, які будзе больш магутны за папярэднія, і такім чынам атрымаць штучны інтэлект. Але нашы кампутары не разлічаны на тое, каб аднойчы стаць нечым такім. Ёсць два тыпу штучнага інтэлекту — рэальны, здольны імітаваць чалавечы, і проста хуткадзейная машына. Многія машыны больш эфектыўныя за чалавека, але ў эўрыстычных момантах, калі патрабуецца высокая ступень працы розуму, каб вылучаць гіпотэзы і здагадкі, яны мала што могуць. Машына можа палічыць рэшту ў краме ў мільён разоў хутчэй чалавека, але гэта не значыць, што яе можна назваць штучным інтэлектам.

"І пакуль у гэтай галіне ні перспектыў, ні прарываў няма. Не разумеем мы, як працуе чалавечы мозг, нам патрэбна іншая інфарматыка. Пакуль рана казаць аб штучным інтэлекце. Але ўжо да 2020 года вылічальная магутнасць персанальнага кампутара перавысіць чалавечую", — упэўнены футуролаг.

Будучыня за біятэхналогіямі. Біялагічная жыццё — інфармацыйны працэс, гэта ДНК і РНК, і цяпер з'яўляюцца першыя метады ўздзеяння на ДНК. Яны ўжо выкарыстоўваюцца ў медыцыне для лячэння спадчынных хвароб: у ДНК ёсць ўчасткі, якія прыводзяць да развіцця такіх хвароб, і лекары ўжо здольныя мяняць іх. Ну і папросту можна змяняць колер вачэй без усялякіх лінзаў. Але ж футуролаг кажа, што этычнае пытанне застаецца на адказнасці чалавека.

Неўміручасці можна дасягнуць? Жыццё заснаванае на біялагічных нанатэхналогіях. Калі ўдасца асвоіць нанабіялогію, мы цалкам сыдзем ад хірургічных умяшанняў і таблетак і атрымаем татальны кантроль над сваім целам, аж да неўміручасці, на якуе чалавек, магчыма, і разлічаны — упэўнены ў асацыяцыі.

Пра лекцыю. Павел Бандура кіруе супрацай з беларускімі кампаніямі ў межах праекта Google Partners і мае вялікі досвед у тэлекамунікацыях і стратэгічным кансалтынгу. 4 снежня можна будзе задаць яму ўсе накіпелыя пытанні.

У мінск Бандуру запрасілі паразмаўляць пра тыя магчымасці, якія Google дае бізнесу сёння і пра тое, чаго чакаць заўтра. Як самакіраваныя машыны заваююць свет і наколькі гэта паўплывае на нашае паўсядзённае жыццё і рынак працы? Чаму мы яшчэ не носім акуляраў дапоўненай рэальнасці Google — і ці варта пачынаць? Што такое Nest і калі нашыя кватэры стануць такія ж разумныя, як і нашыя тэлефоны? І наагул, якую будучыню спрабуе пабудаваць для нас Google?

175
Тэги:
футуралогія, Google, Беларусь, Увесь свет, Мінск

Першая пякарня ў Еўропе на сонечных батарэях - відэа

7
(абноўлена 09:57 10.11.2020)
Французскі інжынер вывучаў энергетычныя праекты па ўсім свеце і стварыў сонечныя канцэнтратары, якія прымяняе для выпечкі. Глядзіце на відэа, як вырабляюць сонечны хлеб.

Інжынер Арно Крэто стаў пекарам і прадставіў NeoLoco - першую ў Еўропе пякарню, якая працуе на сонечнай энергіі. Мужчына ствараў устаноўку 10 гадоў, натхняючыся іншымі энергетычнымі праектамі па ўсім свеце.

Печ складаецца з люстэркаў, якія адлюстроўваюць сонечныя прамяні, гэтая энергія накіроўваецца ў духоўку і вырабляе цяпло. Дзякуючы агрэгату інжынер выпякае 140 кілаграмаў хлеба на тыдзень. Выпечку ён прадае ў мясцовых крамах.

Сонечны канцэнтратар быў распрацаваны з дапамогай фінскай кампаніі CPM Industries.

"У Кеніі і Танзаніі ўжо ёсць пякарні, якія працуюць з гэтай мадэллю канцэнтратара. Але гэта сапраўды першая сонечная печ у Еўропе, і гэта першая машына ў свеце такога памеру", - сказаў распрацоўшчык печы Арно Крэто.

Інжынеру вельми хочацца падзяліцца распрацоўкай з краінамі, якія адчуваюць эканамічныя цяжкасці.

Чытайце таксама:

  • Беларускі хлеб: як прыгатаваць "грэчневыя падпалкі" і "грачанік па-маларыцку"
7
Тэги:
Францыя

Робат-сабака "вынюхвае" радыяцыю на Чарнобыльскай АЭС - відэа

21
(абноўлена 09:34 29.10.2020)
На Чарнобыльскай АЭС правялі выпрабаванні дыстанцыйна кіраваных робатаў ад кампаніі Boston Dynamics. Аўтаномнага сабаку выкарыстоўвалі для ацэнкі ўзроўню радыеактыўнага забруджвання. Глядзіце на відэа, як праходзілі даследаванні.

У зоне адчужэння Чарнобыльскай АЭС спецыялісты Цэнтральнага прадпрыемства па абыходжанні з радыеактыўнымі адходамі і інжынеры Універсітэта Брыстоля, правялі выпрабаванні аўтаномнага робата-сабакі SPOT, распрацаванага кампаніяй Boston Dynamics.

Spot - гэта манеўраны робат, які перамяшчаецца па мясцовасці з беспрэцэдэнтнай мабільнасцю, дазваляючы аўтаматызаваць руцінныя задачы праверкі і збор дадзеных бяспечна і з вялікай дакладнасцю.

Даследаванні праходзілі на тэрыторыі двух сектараў пункта часовай лакалізацыі радыеактыўных адходаў "Руды лес" і на тэрыторыях пунктаў пахавання радыеактыўных адходаў "Падлесны" і "Буракоўка".

Падчас агляду тэрыторыі Чарнобыльскай АЭС аўтаномны сабака ацаніў ступень радыяцыйнага забруджвання ў розных яе раёнах. Таксама місіяй "чацвераногага" быў пошук раней невядомых забруджаных лакацый. Пры гэтым робат, як і ўсе спецыялісты, выконваў усе патрабаванні бяспекі і на ўваходзе ў ангары яму апраналі ахоўныя бахілы.

Дадзеныя, атрыманыя ў выглядзе трохмерных малюнкаў з дапамогай робатаў-сабак, дапамогуць абнавіць карты размеркавання радыяцыйнага забруджвання даследаваных участкаў. Акрамя робатаў падчас работ выкарыстоўвалася і іншае высокатэхналагічнае абсталяванне: дроны, наземныя рабатызаваныя сістэмы і датчыкі-сканеры для ацэнкі размеркавання радыеактыўных матэрыялаў на плошчы і ў прасторы.

21
Тэги:
робататэхніка, Чарнобыль
Паэт Якуб Колас - Народны паэт Беларускай ССР

Тэст: ці пазнаеце вы беларускіх паэтаў і пісьменнікаў па вачах?

346
(абноўлена 16:49 27.11.2020)
Кажуць, што вочы - люстэрка душы. Прайдзіце тэст і даведайцеся, наколькі добра ведаеце вы беларускіх літаратараў у твар.

Упэўненыя, што беларускую літаратуру вы ведаеце добра, а вось ці пазнаеце вы аўтараў родных твораў па іх позірках? Sputnik прапануе ўважліва зазірнуць у вочы знакамітых літаратурных дзеячаў Беларусі і паспрабаваць успомніць, хто намаляваны на фотаздымку. 

Чытайце таксама:

346
Тэги:
тэст, Беларуская літаратура