Мінсувязі дазволіла ўсталёўваць на транспарце Wi-Fi-перадатчыкі
(абноўлена 11:46 22.09.2016)
Цяпер не патрабуецца спецыяльнай рэгістрацыі для ўстаноўкі гэтага абсталявання ўнутры будынкаў і збудаванняў, а таксама на любых відах наземнага транспарту.МІНСК, 20 вер — Sputnik. Міністэрства сувязі і інфарматызацыі Беларусі ўнесла змяненні і дапаўненні ў пералік радыёэлектронных прылад, якія не падлягаюць спецыяльнай рэгістрацыі: у яго ўключаны Wi-Fi-перадатчыкі, якія ўсталёўваюцца на наземным транспарце.
Пастанова Мінсувязі была прынята 29 жніўня, але апублікавана на Нацыянальным прававым інтэрнэт-партале толькі ў аўторак.
Увосень 2015 года адзін з беларускіх мабільных аператараў анансаваў запуск праекта па ўстаноўцы бясплатных кропак доступу ў інтэрнэт у гарадскіх аўтобусах у Мінску. Аднак праект быў згорнуты, паколькі па заканадаўстве неабходна ўзгадняць устаноўку Wi-Fi-перадатчыкаў з дзяржпрадпрыемствам "БелДІЭ" і атрымліваць спецыяльны дазвол Мінабароны.
Згодна з пастановай Мінсувязі, цяпер не патрабуецца рэгістрацыя радыёэлектронных сродкаў бесправаднога шырокапалоснага доступу групы стандартаў IEEE 802.11, якія выкарыстоўваюць паласу радыёчастот 2400-2483,5 МГц, з выхадной магутнасцю перадатчыка 100 мВт і меньш.
У прыватнасці, не падлягаюць абавязковай рэгістрацыі такія прылады, калі яны ўсталёўваюцца ўсярэдзіне будынкаў і збудаванняў, "а таксама ў аўтамабільным, чыгуначным, унутраным водным, гарадскім электрычным транспарце (далей — транспартныя сродкі) і не выкарыстоўваюць антэны, якія ўстанаўліваюцца па-за будынкамі, збудаваннямі і транспартнымі сродкамі".
Тэги:
Пандус у кожны дом: у Беларусі ўвядуць новыя будаўнічыя нормы
(абноўлена 17:33 03.03.2021)
Забудоўшчыкаў абавяжуць абсталяваць уваходы ў жылыя дамы гарызантальнымі пляцоўкамі, а каля лесвіц перад ганкам пад'езда будаваць пандусы або ўсталёўваць пад'ёмныя прылады.МІНСК, 3 сак – Sputnik. Новыя будаўнічыя нормы ў мэтах стварэння інфраструктуры для фізічна аслабленых асоб пачнуць дзейнічаць у краіне ўжо гэтай вясной.
Як распавялі Sputnik у прэс-службе Мінбудархітэктуры, да гэтай катэгорыі насельніцтва адносяць састарэлых, цяжарных жанчын, дзяцей-дашкольнікаў, жанчын з дзецьмі на руках і з каляскамі, а таксама людзей з рознымі траўмамі.
Па новых нормах, ужо на стадыі праектавання шматкватэрных жылых дамоў павінны быць прадугледжаны памяшканні для захоўвання інвалідных і дзіцячых калясак. А ліфт па праекце павінен размяшчацца на адным узроўні з ганкам без прыступак.
Абавязковыя патрабаванні закрануць і абсталяванне кватэр электравыключальнікамі: зараз іх забаронена ўсталёўваць на вышыні вышэй метра ад узроўня падлогі. Лічыльнікі цяпла і вады таксама павінны быць лёгка даступныя для карыстання.
Па звестках ведамства, новых норм у будаўніцтве абавязаны прытрымлівацца як дзяржаўныя, так і прыватныя забудоўшчыкі.
Акрамя жылых памяшканняў, новаўвядзенні павінны максімальна выконвацца пры праектаванні грамадскіх, вытворчых будынкаў, а таксама пры іх рамонце і тэхнічнай мадэрнізацыі.
Як удакладнілі ў ведамстве, змяненні накіраваны на тое, каб новае жыллё было максімальна камфортным і зручным для ўсіх катэгорый насельніцтва.
Новыя будаўнічыя нормы зацверджаны ў Беларусі пастановай Міністэрства архітэктуры і будаўніцтва ад 13 лiстапада 2020 года №81, адпаведная інфармацыя была апублікавана ў аўторак на Нацыянальным прававым інтэрнэт-партале. Нормы будуць уведзены ў дзеянне праз 60 каляндарных дзён пасля апублікавання.
Чытайце таксама:
- Прэм'ер раскрытыкаваў працу МінЖКГ, Мінгарвыканкама і Мінбудархітэктуры
- Лукашэнка дазволіў будаваць дамы без ўзгаднення з нагляднымі органамі
- Дзяржкаммаёмасць: праект указа па пустуючых і старых дамах прайшоў узгадненні
Тэги:
Як сапраўдныя: хлопец стварае мадэлі матацыклаў у натуральную велічыню - відэа
(абноўлена 10:58 03.03.2021)
Дзевятнаццацігадовы хлопец здолеў манетызаваць сваё хобі: ён стварае кардонныя рэплікі вядомых мадэляў матацыклаў у натуральную велічыню. Глядзіце на відэа, як выглядаюць кардонныя байкі.Генры Гансалвес з Бразіліі стварае неверагодныя рэплікі сваіх любімых мадэляў матацыклаў. Ён не можа дазволіць сабе сапраўдны байк, затое можа сабраць яго кардонную копію з нуля.
Генры захапляецца матацыкламі з 15 гадоў. Сёння яму 19. Спачатку хлопец ствараў эскізы і мініяцюры чопераў. Затым вырашыў перайсці на мадэлі ў натуральную велічыню.
На стварэнне байка мары - Honda CB 600 F Hornet - у хлопца сышло 10 месяцаў.
Другая рэпліка - BMW R 1200, была пабудавана ў значна меншыя тэрміны, нягледзячы на больш высокую складанасць.
Публікацыя копій матацыклаў у інтэрнэце дазволіла Генры манетызаваць хобі. Сёння ён зарабляе грошы, ствараючы кардонныя мадэлі.
Тэги:
Які сёння дзень: 5 сакавіка 2021 года
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 5 сакавіка
- У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
- У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
- У 1992 годзе Беларусь устанавіла дыпламатычныя адносіны з Грэцыяй і Малайзіяй.
Хто нарадзіўся 5 сакавіка
- 1777 год: Юзаф Маралёўскі, беларускі паэт і педагог.
- 1896 год: Кандрат Крапіва, беларускі навуковец і пісьменнік.
- 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.
Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.
5 сакавіка ў народным календары
Сёння Праваслаўная Царква шануе памяць вялебнага Льва Катанскага.
Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.
Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.
Тэги: