МІНСК, 20 кас — Sputnik. Паўднёвакарэйская кампанія Samsung Electronics прапанавала замяніць смартфоны Galaxy Note 7 у аэрапортах перад вылетам, прапанова дзейнічае ў Аўстраліі, Аўстрыі, ЗША і Паўднёвай Карэі, перадае тэлеканал ABC News.
Раней Samsung абвясціў аб часовым спыненні продажаў смартфонаў, а таксама іх замены пасля шэрагу выпадкаў узгарання акумулятараў мабільных прылад. Такое рашэнне кампанія прыняла пасля кансультацый з адпаведнымі органамі ўлады, у тым ліку Карэйскім агенцтвам тэхналагічных стандартаў.
Паводле інфармацыі тэлеканала, стойкі Samsung у аэрапортах знаходзяцца перад кантрольна-прапускнымі пунктамі. Пасажыры могуць падысці туды для таго, каб абмяняць свае Note 7 або атрымаць за іх грошы.
Паўднёвакарэйская кампанія заклікала ўсіх уладальнікаў "выбуховага" смартфона абмяняць іх на іншыя прылады альбо вярнуць за іх грошы.
Раней шэраг сусветных авіякампаній забараніў праносіць Note 7 у аэрапорты, у прыватнасці, Etihad і Flydubai з ААЭ, Singapour Airlines, Finnair і мексіканскія Aeromexico і Interjet, а таксама Lufthansa.
