Скайп на тэлефоне

Мінсувязі пакуль не плануе зарабляць на Skype і Viber

14
(абноўлена 14:08 11.04.2017)
Беларусь у пытанні манетызацыі мэсэнджэраў будзе рухацца сумесна з іншымі краінамі.

МІНСК, 11 кра — Sputnik. Міністэрства сувязі і інфарматызацыі Беларусі яшчэ не прыняла рашэнне аб манетызацыі працы ў рэспубліцы прыкладанняў-мэсэнджэраў, паведаміў журналістам у аўторак кіраўнік ведамства Сяргей Папкоў.

У 2015 годзе ведамства заяўляла аб тым, што папулярныя ў беларусаў мэсэнджэры — у прыватнасці Viber і Skype — павінны "дзяліцца" даходамі з дзяржавай, аднак за два гады так званы "падатак на мэсэнджэры" так і не быў уведзены.

"Размовы аб манетызацыі Viber, Skype і іншых мэсэнджэраў ідуць ва ўсім свеце. Пакуль адзіных падыходаў няма нідзе. Мы будзем рухацца сумесна з рашэннямі іншых краін. Асобна ўзятая краіна гэтую праблему не вырашыць", — сказаў Папкоў у прэс-цэнтры БелТА.

Кіраўнік Мінсувязі падкрэсліў, што ведамства не будзе "стаяць з кувалдай над галавой і нешта адсякаць".

Прапанова ведамства заключалася ў тым, што плаціць за паслугі прыкладанняў-мэсэнджэраў будуць толькі тыя, хто пры гэтым выкарыстоўвае трафік мабільнага інтэрнэту, то бок падатак мусяць пералічваць у бюджэт непасрэдна сотавыя аператары.

14
Тэги:
Тэлекамунікацыйныя паслугі, Інтэрнэт, Міністэрства сувязі РБ, Мінск, Беларусь
У суседнім шматпавярховым доме адразу прыбудавалі самы звычайны пандус з парэнчамі

Пандус у кожны дом: у Беларусі ўвядуць новыя будаўнічыя нормы

18
(абноўлена 17:33 03.03.2021)
Забудоўшчыкаў абавяжуць абсталяваць уваходы ў жылыя дамы гарызантальнымі пляцоўкамі, а каля лесвіц перад ганкам пад'езда будаваць пандусы або ўсталёўваць пад'ёмныя прылады.

МІНСК, 3 сак – Sputnik. Новыя будаўнічыя нормы ў мэтах стварэння інфраструктуры для фізічна аслабленых асоб пачнуць дзейнічаць у краіне ўжо гэтай вясной.

Як распавялі Sputnik у прэс-службе Мінбудархітэктуры, да гэтай катэгорыі насельніцтва адносяць састарэлых, цяжарных жанчын, дзяцей-дашкольнікаў, жанчын з дзецьмі на руках і з каляскамі, а таксама людзей з рознымі траўмамі.

Па новых нормах, ужо на стадыі праектавання шматкватэрных жылых дамоў павінны быць прадугледжаны памяшканні для захоўвання інвалідных і дзіцячых калясак. А ліфт па праекце павінен размяшчацца на адным узроўні з ганкам без прыступак.

Абавязковыя патрабаванні закрануць і абсталяванне кватэр электравыключальнікамі: зараз іх забаронена ўсталёўваць на вышыні вышэй метра ад узроўня падлогі. Лічыльнікі цяпла і вады таксама павінны быць лёгка даступныя для карыстання.

Па звестках ведамства, новых норм у будаўніцтве абавязаны прытрымлівацца як дзяржаўныя, так і прыватныя забудоўшчыкі.

Акрамя жылых памяшканняў, новаўвядзенні павінны максімальна выконвацца пры праектаванні грамадскіх, вытворчых будынкаў, а таксама пры іх рамонце і тэхнічнай мадэрнізацыі.

Як удакладнілі ў ведамстве, змяненні накіраваны на тое, каб новае жыллё было максімальна камфортным і зручным для ўсіх катэгорый насельніцтва.

Новыя будаўнічыя нормы зацверджаны ў Беларусі пастановай Міністэрства архітэктуры і будаўніцтва ад 13 лiстапада 2020 года №81, адпаведная інфармацыя была апублікавана ў аўторак на Нацыянальным прававым інтэрнэт-партале. Нормы будуць уведзены ў дзеянне праз 60 каляндарных дзён пасля апублікавання.

Чытайце таксама:

18
Тэги:
будаўнічыя нормы, Беларусь, дом

Як сапраўдныя: хлопец стварае мадэлі матацыклаў у натуральную велічыню - відэа

58
(абноўлена 10:58 03.03.2021)
Дзевятнаццацігадовы хлопец здолеў манетызаваць сваё хобі: ён стварае кардонныя рэплікі вядомых мадэляў матацыклаў у натуральную велічыню. Глядзіце на відэа, як выглядаюць кардонныя байкі.

Генры Гансалвес з Бразіліі стварае неверагодныя рэплікі сваіх любімых мадэляў матацыклаў. Ён не можа дазволіць сабе сапраўдны байк, затое можа сабраць яго кардонную копію з нуля.

Генры захапляецца матацыкламі з 15 гадоў. Сёння яму 19. Спачатку хлопец ствараў эскізы і мініяцюры чопераў. Затым вырашыў перайсці на мадэлі ў натуральную велічыню.

На стварэнне байка мары - Honda CB 600 F Hornet - у хлопца сышло 10 месяцаў.

Другая рэпліка - BMW R 1200, была пабудавана ў значна меншыя тэрміны, нягледзячы на ​​больш высокую складанасць.

Публікацыя копій матацыклаў у інтэрнэце дазволіла Генры манетызаваць хобі. Сёння ён зарабляе грошы, ствараючы кардонныя мадэлі.

58
Тэги:
Бразілія, матацыкл
Які сёння дзень: 5 сакавіка 2021 года

Які сёння дзень: 5 сакавіка 2021 года

218
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.

Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 сакавіка

  • У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
  • У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
  • У 1992 годзе Беларусь устанавіла дыпламатычныя адносіны з Грэцыяй і Малайзіяй.

Хто нарадзіўся 5 сакавіка

  • 1777 год: Юзаф Маралёўскі, беларускі паэт і педагог.
  • 1896 год: Кандрат Крапіва, беларускі навуковец і пісьменнік.
  • 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.

Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.

5 сакавіка ў народным календары

Сёння Праваслаўная Царква шануе памяць вялебнага Льва Катанскага.

Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.

Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.

218
Тэги:
народны каляндар, які сёння дзень