Наведвальнік на выставе ТІВО-2017

Зараз афіцыйна: выстава TIBO-2017 адкрылася ў Мінску

15
(абноўлена 16:05 18.04.2017)
На мерапрыемстве прысутнічалі міністры сувязі не толькі Беларусі і Расіі, але і іншых краін - Кыргызстана, Арменіі, Азербайджана, Казахстана і шэрагу іншых.

МІНСК, 18 кра — Sputnik. Урачыстая цырымонія адкрыцця 23-й выставы тэлекамунікацыйных і інфармацыйных тэхналогій TIBO-2017 прайшла ў аўторак у Мінску.

Міжнародны форум адкрыўся на пляцоўцы Футбольнага манежа ў Мінску ў аўторак і будзе працаваць да пятніцы ўключна. На працягу чатырох дзён у рамках TIBO пройдзе шэраг прэзентацый — як новых мадэляў смартфонаў і планшэтаў, так і прапаноў ад аператараў сувязі і распрацовак айчынных IT-кампаній.

Як падкрэсліў на цырымоніі адкрыцця выставы першы віцэ-прэм'ер Беларусі Васіль Мацюшэўскі, развіццё высокіх тэхналогій — адна з галоўных задач развіцця рэспублікі.

Генеральны сакратар Міжнароднага саюза электрасувязі (МСЭ) Хаўлінь Чжао ў сваім вітальным слове падзякаваў беларускаму ўраду і нагадаў, што ў мінулым годзе ён сустракаўся з прэзідэнтам Беларусі Аляксандрам Лукашэнкам, а ў гэтым — з прэм'ерам Андрэем Кабяковым. "Я павінен прызнаць, што сферы інфармацыйных і камунікацыйных тэхналогій у рэспубліцы аддаюць вялікую ўвагу", — адзначыў Чжао.

Паводле слоў генсакратара МСЭ, Беларусь займае 31 месца ў свеце па ўзроўні развіцця ІКТ, а на постсавецкай прасторы — і зусім першае. "І ваш прэм'ер-міністр мяне запэўніў, што сусветных лідэраў нагнаць вам засталося зусім трохі", — дадаў ён.

Официальные лица Беларуси и высокопоставленные гости из-за рубежа открыли выставку TIBO
© Sputnik Александр Шурмелев
Афіцыйныя асобы Беларусі і высокапастаўленыя госці з-за мяжы адкрылі выставу TIBO

Расійскі міністр сувязі Мікалай Нікіфараў прызнаў: у РФ з "шчырым захапленнем сочаць за тэмпамі развіцця тэлекамунікацыйнай і IT-сфер у Беларусі", а таксама вітаў усіх удзельнікаў форуму.

У першы дзень працы "ТІВО-2017" на выставе таксама прысутнічалі міністры сувязі шэрагу краін — Арменіі, Азербайджана, Казахстана, Кыргызстана, а таксама прадстаўнікі ведамстваў Туркменістана, Узбекістана і Латвіі. Прымалі ўдзел міністры і ў чарговым пасяджэнні Рэгіянальнай садружнасці ў галіне сувязі (РСС).

У рамках TIBO-2017 у Мінску ўжо былі апрабаваныя тэхналогіі сувязі пятага пакалення 5G, прадстаўлены шэраг інавацыйных навінак — не толькі ў сферы сувязі, але нават медыцыне. Поўная праграма выставы даступная на сайце форуму.

15
Тэги:
IT-тэхналогіі, Тэхналогіі і інавацыі, ТІВО-2017, Мінск

Энергетычная бяспека: што ў Беларусі лічаць альтэрнатывай расійскаму газу?

10
(абноўлена 13:50 12.05.2021)
У сераду, 12 траўня, у мультымедыйным прэс-цэнтры Sputnik Беларусь прайшоў круглы стол на тэму: "Павышэнне энергаэфектыўнасці эканомікі за кошт выкарыстання аднаўляльных крыніц энергіі".

Рэспубліка Беларусь - раўнінная краіна, дзе адсутнічаюць буйныя перапады рэльефу, спрыяльныя для будаўніцтва буйных ГЭС, на яе тэрыторыі не дзьмуць моцныя вятры, каб выкарыстоўваць іх энергію ў прамысловых маштабах, няма выйсця да мораў і акіянаў. Дзяржаўная праграма "Энергазберажэнне" на 2021-2025 гады прадугледжвае дасягненне долі аднаўляльных крыніц энергіі ў валавым спажыванні паліўна-энергетычных рэсурсаў на ўзроўні 8% і зніжэнне энергаёмістасці ВУП на 7% да ўзроўню 2020 года. Як у краіне будзе рэалізоўвацца праграма, і чым плануюць часткова замяніць спажыванне прыроднага газу?

Удзельнікі круглага стала:

  • начальнік упраўлення вытворчасці і рэалізацыі прадукцыі Міністэрства лясной гаспадаркі Рэспублікі Беларусь Андрэй Мацкевіч;
  • намеснік дырэктара Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь Леанід Паляшчук;
  • прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь.

Глядзіце таксама:

10
Тэги:
Эканоміка, круглы стол, газ, Расія, альтэрнатыва, Беларусь, Бяспека, Энергетыка

Больш не манахромная: нейрасеткі размалявалі ваенную кінахроніку

55
(абноўлена 17:57 04.05.2021)
Парад у Берліне, дарога дадому і сустрэча ля парога - гістарычныя кадры заканчэння Вялікай Айчыннай вайны сталі даступныя ў каляровай версіі. Глядзіце на відэа, як ваенная хроніка выглядае ў колеры.

Урачысты марш каля Рэйхстага і Брандэнбурскай Брамы дапрацавалі тэхналогіяй каларызацыі. Эксклюзіўнае відэа да 9 Траўня апублікаваў тэлеканал RT.

Страявым крокам і калонамі бронетэхнікі адразу пасля капітуляцыі войскі Чырвонай арміі прайшлі па вуліцах Берліна 4 траўня 1945-га. Гэтыя кадры доўгі час заставаліся чорна-белымі, але электронныя прылады і праграмы дазваляюць зірнуць на падзеі таго часу па-новаму. Як бачна, на байцах - палявая форма, гэта значыць тая самая, у якой яшчэ некалькі тыдняў таму яны штурмавалі нямецкую сталіцу. А маршыраваць прыходзіцца па маставых, зусім нядаўна заблакаваных знішчанай тэхнікай і выбудаванымі барыкадамі.

Такая карцінка стала магчымай пры дапамозе сучаснага абсталявання і штучнага інтэлекту. Што характэрна, нейрасеткі не наладжаныя так, каб рэстаўраваць кінахроніку. Хутчэй, як тлумачаць эксперты, машыны "заточаныя", каб прадугледжваць "як бы гэта магло быць". Дакладнасць залежыць толькі ад "навучанасці" робатаў-аналітыкаў.

Хвалюючай для воінаў-пераможцаў стала і дарога дадому. Гэта чытаецца на тварах. Многія едуць у невядомасць. Ніколі не вярнуліся з вайны больш за 26 мільёнаў байцоў. А для тых, хто выжыў застаецца загадкай - дачакаўся ці іх хто-небудзь з родных. Таму нават на пастановачных кадрах прыкметна непадробная радасць ад сустрэчы. У Дзень Перамогі RT пакажа поўную версію ваеннай кінахронікі ў колеры.

Загад аб святкаванні 9 траўня 1945 года гістарычна атрымаў нумар 369. У той жа дзень па распараджэнні Сталіна быў зацверджаны ўказ пра ўзнагароду "За Перамогу над Германіяй". У Маскве з нагоды свята салют з 30 артылерыйскіх залпаў далі з адной тысячы гармат. Грымоты і ўспышкі суправаджалі прамяні 160 пражэктараў, а таксама рознакаляровыя ракеты.

Глядзіце таксама:

55
Тэги:
кадры, Вялікая Айчынная вайна, Берлін, парад, кіно
Прадстаўлены медалі чэмпіянату свету па хакеі ў Рызе

Прадстаўлены медалі чэмпіянату свету па хакеі ў Рызе

0
(абноўлена 16:01 12.05.2021)
Узнагароды сусветнага хакейнага форуму чаканіліся на манетным двары ў Нарвегіі, дзе быў выраблены і медаль Нобелеўскай прэміі міру.

МІНСК, 12 траўня - Sputnik. Аргкамітэт чэмпіянату свету па хакеі-2021 у Рызе прадставіў дызайн медалёў, імі будуць узнагароджваць пераможцаў і прызёраў турніру, паведаміла прэс-служба Міжнароднай федэрацыі хакея (IIHF).

На ўзнагародах намаляваны лагатып сусветнага форуму - хакеіст на фоне стылізаванай хакейнай пляцоўкі. Па краях медалёў нанесена назва і месца правядзення чэмпіянату. Вага адной адзінкі - звыш 400 грамаў, дыяметр складае 10 сантыметраў.

Дызайн распрацавала IIHF разам з Латвійскім манетным дваром за два тыдні. Цікава, што чаканіліся ўзнагароды на манетным двары ў Нарвегіі. Дарэчы, там жа быў выраблены медаль Нобелеўскай прэміі міру.

Па словах кіраўніка аргкамітэта чэмпіянату Эдгарса Бунціса, ажыццёўлена задума - выкарыстоўваць моцны і выразны хакейны знак у дызайне.

"Не забыліся і пра нацыянальны сімвал Латвіі, які будзе прадстаўлены на стужках. Цырымонія ўручэння медалёў і атрыманне трафея - адзін з самых эмацыйных момантаў на кожным спартыўным турніры. Праз 64 матчы мы даведаемся, якія каманды прывязуць гэтыя медалі дадому", - дадаў ён.

Медалі чэмпіянату свету будуць разыграны 6 чэрвеня, калі лепшыя каманды згуляюць у матчах за залатыя і бронзавыя ўзнагароды.

Сусветнае хакейнае першынства ў Рызе пройдзе з 21 траўня па 6 чэрвеня. Беларусь і Расія згуляюць у групе А. Апроч беларусаў і расіян, у групе яшчэ Швецыя, Чэхія, Швейцарыя, Славакія, Данія і Вялікабрытанія. У групе В - Канада, Фінляндыя, ЗША, Германія, Латвія, Нарвегія, Італія і Казахстан. Турнір пройдзе без гледачоў.

Чытайце таксама:

0
Тэги:
Нобелеўская прэмія міру, Нарвегія, Узнагароды, Рыга, Хакей, чэмпіянат, медалі