Работа за камп'ютарам, архіўнае фота

Adobe адмовіцца ад тэхналогій Flash да 2020 года

9
Новы стандарт HTML5 выцесніў прыладу, якую часта крытыкавалі за наяўнасць уразлівасцяў і высокага энергаспажывання.

МІНСК, 26 ліп — Sputnik. Амерыканская кампанія Adobe абвясціла аб спыненні падтрымкі плагіна і платформы Flash да канца 2020 года, вынікае з прэс-рэлізу, апублікаванага кампаніяй-распрацоўшчыкам.

Кіраўніцтва IT-кампаніі падкрэсліла, што адной з прычын адмовы ад папулярнай платформы стала распаўсюджванне тэхналогій HTML5, WebGL і WebAssembly.

"У святле гэтага працэсу і пры супрацоўніцтве з некалькімі тэхналагічнымі партнёрамі, у тым ліку Apple, Facebook, Google, Microsoft і Mozilla, Adobe плануе спыніць падтрымку Flash", — гаворыцца ў паведамленні.

У кампаніі заклікалі ўсіх распрацоўнікаў усе праграмы, якія працуюць з дапамогай тэхналогіі Flash, перавесці на іншыя адкрытыя фарматы. Адзначаецца, што Microsoft адключыць Флэш у Internet Explorer у 2019 годзе, поўнае выдаленне з усіх версій Windows адбудзецца ў 2020 годзе. Mozilla і Apple маюць намер выкарыстоўваць Flash да 2020 года.

Платформа Flash, выпушчаная кампаніяй у 1996 годзе, шырока выкарыстоўвалася для прайгравання відэакантэнту, гульняў і анімацыі. Сем гадоў таму кіраўнік Apple Стыў Джобс падвергнуў крытыцы платформу за яе небяспечнасць. У якасці альтэрнатывы быў прадстаўлены стандарт HTML5.

Напярэдадні Microsoft паведаміў, што "пахавае" папулярны графічны рэдактар Paint як састарэлы. Планавалася, што Paint будзе адсутнічаць у новай версіі Windows 10 Fall Creators Update. Аднак карыстальнікі негатыўна ўспрынялі гэтую навіну, і карпарацыя прыняла рашэнне перанесці Paint у краму дадаткаў Windows Store.

9
Тэги:
Adobe, IT-тэхналогіі, ЗША

Больш не манахромная: нейрасеткі размалявалі ваенную кінахроніку

55
(абноўлена 17:57 04.05.2021)
Парад у Берліне, дарога дадому і сустрэча ля парога - гістарычныя кадры заканчэння Вялікай Айчыннай вайны сталі даступныя ў каляровай версіі. Глядзіце на відэа, як ваенная хроніка выглядае ў колеры.

Урачысты марш каля Рэйхстага і Брандэнбурскай Брамы дапрацавалі тэхналогіяй каларызацыі. Эксклюзіўнае відэа да 9 Траўня апублікаваў тэлеканал RT.

Страявым крокам і калонамі бронетэхнікі адразу пасля капітуляцыі войскі Чырвонай арміі прайшлі па вуліцах Берліна 4 траўня 1945-га. Гэтыя кадры доўгі час заставаліся чорна-белымі, але электронныя прылады і праграмы дазваляюць зірнуць на падзеі таго часу па-новаму. Як бачна, на байцах - палявая форма, гэта значыць тая самая, у якой яшчэ некалькі тыдняў таму яны штурмавалі нямецкую сталіцу. А маршыраваць прыходзіцца па маставых, зусім нядаўна заблакаваных знішчанай тэхнікай і выбудаванымі барыкадамі.

Такая карцінка стала магчымай пры дапамозе сучаснага абсталявання і штучнага інтэлекту. Што характэрна, нейрасеткі не наладжаныя так, каб рэстаўраваць кінахроніку. Хутчэй, як тлумачаць эксперты, машыны "заточаныя", каб прадугледжваць "як бы гэта магло быць". Дакладнасць залежыць толькі ад "навучанасці" робатаў-аналітыкаў.

Хвалюючай для воінаў-пераможцаў стала і дарога дадому. Гэта чытаецца на тварах. Многія едуць у невядомасць. Ніколі не вярнуліся з вайны больш за 26 мільёнаў байцоў. А для тых, хто выжыў застаецца загадкай - дачакаўся ці іх хто-небудзь з родных. Таму нават на пастановачных кадрах прыкметна непадробная радасць ад сустрэчы. У Дзень Перамогі RT пакажа поўную версію ваеннай кінахронікі ў колеры.

Загад аб святкаванні 9 траўня 1945 года гістарычна атрымаў нумар 369. У той жа дзень па распараджэнні Сталіна быў зацверджаны ўказ пра ўзнагароду "За Перамогу над Германіяй". У Маскве з нагоды свята салют з 30 артылерыйскіх залпаў далі з адной тысячы гармат. Грымоты і ўспышкі суправаджалі прамяні 160 пражэктараў, а таксама рознакаляровыя ракеты.

Глядзіце таксама:

55
Тэги:
кадры, Вялікая Айчынная вайна, Берлін, парад, кіно

Кампанія Virgin запусціла ракету ў космас з борта самалёта - відэа

28
(абноўлена 09:03 03.05.2021)
Кампанія Virgin Orbit брытанскага мільярдэра Рычарда Брэнсана запусціла ў космас ракету з борта лайнера Boeing 747-400. Глядзіце на відэа кадры пуску.

Boeing вылецеў з аэрапорта ў пустыні Махавэ і запусціў ракету над Ціхім акіянам. Яна вывела на арбіту дзесяць спадарожнікаў NASA. Гэта другая спроба пуску: у траўні 2020-га ён быў няўдалым - ракета ўпала з-за непаладак рухавіка.

Кампанія Virgin Orbit была заснавана Брэнсанам дзевяць гадоў таму. Яна плануе выводзіць на арбіту Зямлі невялікія спадарожнікі - вагой да 500 кілаграмаў.

28
Тэги:
NASA, ЗША, Космас
Стральба ў школе ў Казані

У казанскай школе адблася стральба - некалькі чалавек загінулі

26
(абноўлена 18:08 11.05.2021)
У адной з сярэдніх школ Казані ў аўторак прагрымелі стрэлы, пачуўся выбух, да месца здарэння сцягнуты службы бяспекі і хуткай дапамогі.

МІНСК 11 тра - Sputnik. Стральба адбылася ў будынку школы №175 у горадзе Казані на вуліцы Файзі ў аўторак, паведамляе РІА Навіны.

Усё адбылося падчас урока. Адзін з відавочцаў расказаў у інтэрнэце, што акрамя стрэлаў адбыўся выбух.

Школу ахоўвала вахцёрка, была ўсталяваная трывожная кнопка, паведамляюць улады.

Злачынца затрыманы

Спачатку з'явілася інфармацыя, што адзін са стралкоў затрыманы. Папярэдне паведамлялася аб 17-гадовым падлетку. Некаторыя крыніцы дадавалі, што другі з напаўшых на школу заставаўся ў будынку.

Да месца здарэння былі сцягнуты службы бяспекі і хуткай дапамогі, будынак ачапілі. Ва ўсіх школах Казані былі ўзмоцненыя меры бяспекі.

Як паведаміў рэспубліканскі цэнтр медыцыны катастроф, дванаццаць дзяцей і адзін дарослы шпіталізаваны.

Пазней стала вядома, што напад здзейсніў 19-гадовы студэнт: раніцай ён зайшоў у 175-ю гімназію са зброяй, дазвол на якую атрымаў 28 красавіка, і адкрыў стральбу, ён дзейнічаў адзін.

Што вядома аб тых, хто нападаў

Ільназ Галявіеў учыніў стральбу ў школе, якую скончыў чатыры гады таму. Яму 19 гадоў. Ён дзейнічаў адзін.

Па дадзеных СМІ, ён быў узброены стрэльбай Hatsan Escort, дазвол на якую атрымаў 28 красавіка 2021 года. Зброю нападнік купіў у Йошкар-Але (Рэспубліка Марый Эл).

26 красавіка 2021 года ён быў адлічаны за непаспяховасць з 4-га курсу "ТИСБИ", дзе вучыўся на IT-спецыяліста. Прэс-служба навучальнай установы характарызавала Галявіева як ціхага і неканфліктнага студэнта, які "заўсёды быў ахайным і спакойным, паважліва ставіўся да аднакурснікаў і выкладчыкаў". Такую ж характарыстыку маладому чалавеку далі бацькі яго аднакласніцы.

Бацька маладога чалавека заявіў СМІ, што яго сын не выказваў негатыўных думак і настрояў.

Незадоўга да нападу Галявіеў завёў Telegram-канал, у якім паведаміў пра свае планы. На допыце пасля затрыманьня ён заявіў, што два месяцы таму ўсвядоміў сябе богам, "ненавідзіць усіх, а бомбы навучыўся рабіць у Інтэрнэце".

Колькі чалавек загінулі і пацярпелі

"4 хлопчыка і 3 дзяўчынкі сталі ахвярамі страляніны ў школе ў Казані, 16 чалавек (12 дзяцей і 4 дарослых) у бальніцы", - такі першы афіцыйны каментар з сітуацыі даў кіраўнік Татарстана Рустам Мініханаў.

Пасля стральбы ў казанскай школе ўведзены рэжым контртэрарыстычнай аперацыі, заявілі ў МУС РФ.

Як удакладнілі пазней у прэс-службе прэзідэнта Татарстана, пры стральбе ў казанскай школе загінулі 7 дзяцей і настаўніца, пацярпелі 20 чалавек.

"Колькасць загінуўшых у выніку страляніны ў школе ў Казані ўзрасла да дзевяці чалавек", - паведаміў прэзідэнт Татарстана Мініханаў ў пачатку чацвёртага дня.

Пазней у экстраных службах РІА Навіны паведамлялі, што пры стральбе ў школе ў Казані загінулі 11 чалавек, яшчэ чацвёра атрымалі раненні. Двое з загінулых школьнікаў разбіліся, выскачыўшы з акна на трэцім паверсе.

6 дзяцей, якія пацярпелі пры стральбе ў казанскай школе, у шпіталі ў вельмі цяжкім стане.

Улады Татарстана абвясцілі 12 траўня днём жалобы.

Пацярпелым акажуць дапамогу

Пуцін заслухаў даклад дырэктара ФСБ Бортнікава па НЗ у казанскай школе, абмеркаваў сітуацыю з прэм'ер-міністрам Мішусціным, віцэ-прэм'ерам Таццянай Голікавай і кіраўніком МНС Яўгенам Зінічавым.

Па выніках прэзідэнт РФ даў шэраг даручэнняў:

  • аказаць усю неабходную меддапамогу дзецям, якія пацярпелі пры стральбе ў казанскай школе, у Казань накіраваны борт МНС з медыкамі і псіхолагамі,
  • главе Росгвардыі Золатаву - з улікам сітуацыі ў Казані прапрацаваць новае палажэнне аб відах зброі, якое могуць выкарыстоўваць грамадзяне,
  • міністру аховы здароўя Міхаілу Мурашка і міністру асветы Сяргею Краўцову - выляцець у Казань.

Уладзімір Пуцін выказаў глыбокія спачуванні родным і блізкім загінуўшых пры стральбе ў казанскай школе.

26
Тэги:
школа, Казань